ନୂଆଦିଲ୍ଲୀ: ମଧ୍ୟ ପ୍ରଦେଶ, ରାଜସ୍ଥାନ ଓ ଛତିଶଗଡ଼ ବିଧାନସଭା ନିର୍ବାଚନରେ ଶୋଚନୀୟ ପରାଜୟ ପରେ ସୋନିଆ ଗାନ୍ଧୀ ବୈଠକ ଡାକିଛନ୍ତି । କଂଗ୍ରେସର ପୂର୍ବତନ ଅଧ୍ୟକ୍ଷ ସୋମବାର ସଂଧ୍ୟାରେ ନିଜ ୧୦ ଜନପଥ ସ୍ଥିତ ଆବାସରେ ୫.୩୦ରେ ବୈଠକ ଡାକିଛନ୍ତି । ସୂତ୍ର ଅନୁସାରେ ଏହି ବୈଠକରେ ତିନି ରାଜ୍ୟର ଖରାପ ପ୍ରଦର୍ଶନ ଉପରେ ଆଲୋଚନା ହୋଇପାରେ । ଏହା ବ୍ୟତୀତ ତେଲଙ୍ଗାନାରେ ମୁଖ୍ୟମନ୍ତ୍ରୀ ଚୟନ ଉପରେ ବିଚାର ହୋଇପାରେ । ମଧ୍ୟ ପ୍ରଦେଶରେ ପାର୍ଟିକୁ ପୁଣି ଥରେ କ୍ଷମତାକୁ ବାହାରେ ରହିବାକୁ ପଡିଛି । ଅନ୍ୟପଟେ ରାଜସ୍ଥାନ ଓ ଛତିଶଗଡ଼ରେ ନିଜ ସରକାର ହରାଇବାକୁ ପଡ଼ିଛି ।
ପଢନ୍ତୁ: ବିଜେପି ପାଇଁ ବରଦାନ ‘ଲାଡଲୀ ବେହନା’ ଓ ‘ମହତାରୀ ବନ୍ଦନ’; ମଧ୍ୟପ୍ରଦେଶ ଓ ଛତିଶଗଡ଼ରେ ବଡ଼ ବିଜୟ
କଂଗ୍ରେସ ସୂତ୍ର ଅନୁସାରେ ଏହି ବୈଠକରେ ସୋନିଆ ଗାନ୍ଧୀ ନିର୍ବାଚନ ଦାୟିତ୍ୱରେ ଥିବା ନେତାଙ୍କ ସହ ଆଲୋଚନା କରିବେ । ଏହାଛଡ଼ା I.N.D.I.A ବୈଠକ ଉପରେ ଏଥିରେ ଚର୍ଚ୍ଚା ହୋଇପାରେ । ଡିସେମ୍ୱର ୬ରେ କଂଗ୍ରେସ ମେଣ୍ଟ ବୈଠକ ଡ଼ାକିଛି । ଏପରି ସ୍ଥିତିରେ ସୋନିଆ ଗାନ୍ଧୀ ଡ଼ାକିଥିବା ଏହି ବୈଠକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ଧରାଯାଉଛି ।
ଉଲ୍ଲେଖଯୋଗ୍ୟ ଯେ ଏହି ପରାଜୟ ପରେ କଂଗ୍ରେସର ଏବେ କେବଳ ତିନି ରାଜ୍ୟ ହିମାଚଳ ପ୍ରଦେଶ, ତେଲଙ୍ଗାନା ଓ କର୍ଣ୍ଣାଟକରେ ସରକାର ରହିଛି । ବିହାର, ଛତିଶଗଡ଼, ତାମିଲନାଡୁ ପରି ରାଜ୍ୟରେ ଜୁନିୟର ପାର୍ଟନର ରୂପେ ମେଣ୍ଟ ସରକାରରେ ସଦସ୍ୟ ଅଛି । ରାଜସ୍ଥାନ ଓ ଛତିଶଗଡ଼ରେ ବିଜୟ ସହ ବିଜେପିକୁ ଅଧିକ ବଳ ମିଳିଛି । ଏଠାରୁ ସେ ୧୦ ରାଜ୍ୟସଭା ଆସନ ଜିତିପାରେ ।
Also Read: ମିଜୋରାମରେ ପୂର୍ବତନ IPS ଲାଲଡୁହୋମାଙ୍କା ପାର୍ଟି ବିଜୟୀ : ZPMକୁ ୨୭, MNFକୁ ୧୦ ଓ ବିଜେପିକୁ ୨ ଆସନ