oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାଜପୁର:ପ୍ରଧାନ ଶିକ୍ଷକଙ୍କ ବଦଳିକୁ ବିରୋଧ, ରାସ୍ତା ଉପରେ ପାଠ ପଢ଼ିଲେ ଛାତ୍ରଛାତ୍ରୀ
  • ||
  • ଛତିଶଗଡ଼ରେ ୪ ଓଡ଼ିଆଙ୍କୁ ନିର୍ମମ ହତ୍ୟା, ସ୍ୱାମୀ-ସ୍ତ୍ରୀ ଓ ଦୁଇ ଛୁଆ ମୃତ
  • ||
  • ଶାରଳାଙ୍କ ପୀଠରେ ଷଷ୍ଠୀ ପୂଜା, ମା’ଙ୍କ ଦର୍ଶନ ଲାଗି ଜମୁଛି ଶ୍ରଦ୍ଧାଳୁଙ୍କ ଭିଡ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୨୦୩ କୋଭିଡ୍ ପଜିଟିଭ୍
  • ||
  • ଭିଜିଲାନ୍ସ ଜାଲରେ ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରେଡ୍
  • ||
  • ଦୁଷ୍କର୍ମ ଅଭିଯୋଗରେ ଜେଲ୍ ଗଲା ଟୁଙ୍ଗୁରୁ ଭୋଳ, ବହୁଚର୍ଚ୍ଚିତ ପ୍ରେମ କାହାଣୀରେ ପଡିଲା ପୂର୍ଣ୍ଣଚ୍ଛେଦ
  • ||
  • ମହାଷଷ୍ଠୀରେ ଭିଜିବ ଉପକୂଳ, ସମ୍ଭାବ୍ୟ ଲଘୁଚାପ ପ୍ରଭାବରେ ପହିଲାରୁ ବଢିବ ବର୍ଷା ପରିମାଣ
  • ||
  • ଶୁକ୍ରବାର ବସିବ କ୍ୟାବିନେଟ ବୈଠକ, ୧୦ଟି ପ୍ରସ୍ତାବରେ ବାଜିପାରେ ମୋହର
  • ||

ସହର ସହର ବୁଲି ବୁଲି ୩ ବର୍ଷ ପରେ ଫେରିଲା ମାନସିକ ବିକାରଗ୍ରସ୍ତ ପୁଅ: ଖୁସିରେ ଆତ୍ମହରା ମା’, କହିଲେ- ମୋର ବିଶ୍ବାସ ଥିଲା ସେ ଫେରିବ

10/12/2020 at 6:29 PM

ଝାରସୁଗୁଡା ୧୦/୧୨: ଝାରସୁଗୁଡାରୁ ନାଗପୁର, ନାଗପୁରରୁ ଉତ୍ତରପ୍ରଦେଶ ଆଉ ତାପରେ କଳାହାଣ୍ଡି ଓ ଖୋର୍ଦ୍ଧା ବୁଲି ବୁଲି ୩ ବର୍ଷ ପରେ ଝାରସୁଗୁଡା ଫେରିଲା ଜଣେ ମାନସିକ ବିକାରଗ୍ରସ୍ତ ନାବାଳକ | ଆଜି ନାବାଳକକୁ ତା ମା ଓ ମାମୁଁ ଦେଖି ଭାବ ବିହ୍ବଳ ହୋଇଯାଇଥିବା ବେଳେ ନାବାଳକଟି ନିଜ ମାକୁ ଚିହ୍ନି ପାରିନଥିବା ଜଣାପଡ଼ିଛି।

ଝାରସୁଗୁଡା ସହର ନିକଟସ୍ଥ ଲହଣ୍ଡାବୁଡ ଗାଁର ମାନସିକ ଭିନ୍ନକ୍ଷମ ନାବାଳକ ବିଶାଳ ବୁଡା ଆଜକୁ 3 ବର୍ଷ ତଳେ ଘର ଛାଡି କେଉଁଆଡେ ପଳାଇଥିଲା । ବିଶାଳର ବାପା ପୁର୍ବରୁ ମାନସିକ ବିକାରଗ୍ରସ୍ତ ହୋଇ ଘର ଛାଡି ପଳାଇଥିବା ବେଳେ ବିଶାଳ ନିଜ ମା ନିକଟରେ ରହୁଥିଲା । ବହୁ କଷ୍ଟ ଦୁଃଖ ସହି ପିଲାକୁ ମଣିଷ କରିବାକୁ ସ୍ବପ୍ନ ଦେଖିଥିବା ମା ଆଖିରୁ ସେଦିନ ନିଦ ହଜିଗଲା ଯେଉଁଦିନ ନିଜ ଜନ୍ମ କଲା ପୁଅ କେଉଁଆଡ଼େ ପଳାଇଲା । ମା ଓ ସଂପର୍କୀୟ ବହୁ ଖୋଜାଖୋଜି କରି ଥାନାରେ ଏତଲା ଦେଲେ । କିନ୍ତୁ ଫଳ କିଛି ମିଳିଲାନି ।

ବିଶାଳ ଝାରସୁଗୁଡାରୁ ଯାଇ ନାଗପୁର ରେଳବାଇ ଷ୍ଟେସନରେ ପହଞ୍ଚିବା ପରେ ସେଠାରେ ଚାଇଲ୍ଡ ଲାଇନକୁ ନିଜ ଠିକଣା ଠିକ୍ ଭାବରେ କହି ନପାରିବାରୁ ଅନ୍ଧାରରେ ବାଡି ବୁଲାଇଲା ଭଳି ତାକୁ ଉତ୍ତରପ୍ରଦେଶ ନିଆଗଲା । କିନ୍ତୁ ସେଠାରେ କିଛି ନମିଳିବାରୁ ପୁଣି ନାଗପୁର ଅଣାଯାଇ ତା କହୁଥିବା ଭାଷାକୁ ଲକ୍ଷ କରିବା ପରେ ଜଣା ପଡିଲା ସେ ଓଡିଶାର ।

ତାକୁ ଭୁବନେଶ୍ବର ଅଣାଯିବା ପରେ ସେ କଳାହାଣ୍ଡିରେ ଘର ବୋଲି କହିଥିଲା । କିନ୍ତୁ ତାହା ମଧ୍ୟ ଭୁଲ ହେବାରୁ ପୁଣି ଅନ୍ୟ ଉପାୟ ନପାଇ ତାକୁ ଖୋର୍ଦ୍ଧାରେ ଚାଇଲ୍ଡ ଲାଇନରେ ରଖାଗଲା । କିଛିଦିନ ରହିବା ପରେ ବିଶାଳର ଫଟୋକୁ ସବୁ ଜିଲ୍ଲାକୁ ପଠାଯିବା ପରେ ଝରସୁଗୁଡା ଚାଇଲ୍ଡ ଲାଇନ ପକ୍ଷରୁ ପିଲାଟିକୁ ଜାଣି ପାରି ତାକୁ ଆଣିବା ବ୍ୟବସ୍ଥା କରାଯାଇଥିଲା। ଚାଇଲ୍ଡ୍ ଲାଇନ ସହାୟତାରେ ଆଜି ବିଶାଳ ଝାରସୁଗୁଡାରେ ପହଞ୍ଚିବା ପରେ ତାକୁ ନେବା ପାଇଁ ତାର ମା ଓ ମାମୁଁ ଶିଶୁ ମଙ୍ଗଳ ସମିତିରେ ପହଞ୍ଚିଥିଲେ ।

୩ ବର୍ଷ ଧରି ବାହାରେ ବୁଲି ବୁଲି ବିଶାଳର ମସ୍ତିଷ୍କ ଆହୁରି ବିକ୍ରୁତି ହୋଇଯାଇଛି । ଆଜି ତାକୁ ଝାରସୁଗୁଡା ଜିଲ୍ଲା ଶିଶୁମଙ୍ଗଳ ସମିତିରେ ହାଜର କରାଇବା ପରେ ସେ ନିଜ ମାକୁ ଦେଖି ପଳାଉଥିଲା ।କିନ୍ତୁ ମା ନିଜ ପଣତକାନୀରେ ପୁଅକୁ କୋଳେଇ ଧରିବାକୁ ବ୍ୟଗ୍ର ହୋଇ ପଡୁଥିଲା । ପୁଅର ନିଖୋଜ ହେବା ପରେ ପାଗଳି ଭଳି ଯାହାକୁ ଦେଖିଲେ ପୁଅ ବିଶାଳ ଯାଉଛି ବୋଲି ଭାବୁଥିଲେ ମା । କିନ୍ତୁ ମନରେ ଦୃଢ଼ ବିଶ୍ବାସ ଥିଲା ମୋ ପୁଅର ମୁଣ୍ଡ ଦୋଷ ଅଛି ତାକୁ କେହି ମାରିବେ ନାହିଁ,ସେ ଘରକୁ ଫେରିବ । ସତକୁ ସତ ପୁଅ ଘରକୁ ଫେରିଲା ,କିନ୍ତୁ ମା ଠାରୁ ଦୁରେଇ ଯାଉଥିବାରୁ ତାର ମାନସିକ ଚିକିତ୍ସା କରାଇ ଘରକୁ ପଠାଇବ ବୋଲି ଜିଲ୍ଲା ଶିଶୁ ସୁରକ୍ଷା ସମିତି ପକ୍ଷରୁ କୁହାଯାଇଛି ।

ଝାରସୁଗୁଡା ଜିଲ୍ଲାରେ ଆଜି ପର୍ଯ୍ୟନ୍ତ ୨୮ଜଣ ଶିଶୁ ନିଖୋଜ ଥିବା ବେଳେ ବିଶାଳର ଫେରିବା ପରେ ଏହି ସଂଖ୍ୟା ୨୭ ହେଲା । ଆଗକୁ ସରକାରଙ୍କ ପକ୍ଷରୁ ପରୀ ଯୋଜନା ଭଳି ଯୋଜନାରେ ଉଦ୍ୟମ କରାଗଲେ ଆହୁରି ଶିଶୁ ନିଜ ବାପା ମା କୋଳକୁ ଫେରି ପାରିବେ ବୋଲି ସାଧାରଣରେ ଆଶା ପ୍ରକାଶ ପାଇଛି ।

   Related Posts