ମୁମ୍ଵାଇ ୨୬।୦୨: ବଲିଉଡ୍ର ଜଣାଶୁଣା ଅଭିନେତ୍ରୀ ଶୋଭିତା ଧୁଲିପାଲା । ଗୋଟିଏ ପରେ ଗୋଟିଏ ବଡ଼ ପ୍ରୋଜେକ୍ଟରେ ନିଜର ସ୍ଥାନ ହାସଲ କରିଛନ୍ତି। ଏହି ଅଭିନେତ୍ରୀଙ୍କୁ ଶେଷ ଥର ପାଇଁ ୱେବ୍ ସିରିଜ୍ 'ମେଡ୍ ଇନ୍ ହେବେନ୍ ୨'ରେ ଦେଖିବାକୁ ମିଳିଥିଲା। ବର୍ତ୍ତମାନ ଶୋଭିତା ତାଙ୍କ ହଲିଉଡ ଡେବ୍ୟୁ ପାଇଁ ଚର୍ଚ୍ଚାରେ ଅଛନ୍ତି। ଏହି ସମୟରେ ଅଭିନେତ୍ରୀ ତାଙ୍କ ବ୍ୟକ୍ତିଗତ ଜୀବନ ବିଷୟରେ ଖୋଲାଖୋଲି ଭାବେ କହିଛନ୍ତି।
ଯେତେବେଳେ ଶୋଭିତାଙ୍କୁ ପଚରାଗଲା ସେ ତାଙ୍କ ଜୀବନରେ ଆଉ କ’ଣ କରିବାକୁ ଚାହୁଁଛନ୍ତି? ସେ କହିଥିଲେ, ଜୀବନରେ ଯାହା ବି କରୁଛନ୍ତି ଏନଜୟ ପାଇଁ କରୁଛି । ଯାହ ବି ଲକ୍ଷ୍ୟ ଥିଲା ପୂରା କରୁଛି । 'ସତ କହିବାକୁ ଗଲେ ମୁଁ ଯେଉଁ ଅନୁଭବକୁ ଅପେକ୍ଷା କରିଛି। ତାହା ହେଉଛି ମଦରହୁଡ୍ । ଯେତେବେଳେ ବି ଏହି ସୁନ୍ଦର ସମୟ ଆସିବ, ଏହା ଆଶ୍ଚର୍ଯ୍ୟଜନକ ହେବ । ମୁଁ ଏହି ମୁହୂର୍ତ୍ତକୁ ଅପେକ୍ଷା କରିଛି । ମୁଁ ଭାବୁ ନାହିଁ ଜୀବନରେ ଆଉ କୌଣସି ଉଦ୍ଦେଶ୍ୟ ହୋଇପାରେ ।
ଅଭିନେତ୍ରୀ ନାଗା ଚୈତନ୍ୟ ଏବଂ ତାଙ୍କ ସମ୍ପର୍କ ଉପରେ ମଧ୍ୟ ପ୍ରଶ୍ନ କରାଯାଇଥିଲା। ଏହି ପ୍ରଶ୍ନର ଉତ୍ତରରେ ଅଭିନେତ୍ରୀ କହିଛନ୍ତି, 'ଯେଉଁମାନେ ସମ୍ପୂର୍ଣ୍ଣ କଥା ନ ଜାଣି କହିବା ଆରମ୍ଭ କରନ୍ତି, ମୁଁ ଭାବୁ ନାହିଁ ଯେ ମୋର ଉତ୍ତର ଦେବା ଆବଶ୍ୟକ, ଯେତେବେଳେ ମୁଁ କିଛି ଭୁଲ୍ କରୁ ନାହିଁ, ସେତେବେଳେ ମୋତେ ଜିନିଷ ଗୁଡିକ କହିବାର ଆବଶ୍ୟକ ନାହିଁ । କହିବାକୁ ଗଲେ ୩୧ ବର୍ଷ ବୟସରେ ବି ଶୋଭିତା କୁଆଁରୀ ଅଛନ୍ତି । ସେ ବିବାହ କରି ନାହାନ୍ତି । ତାଙ୍କ ନାମ ନାଗା ଚୈତନ୍ୟଙ୍କ ସହ ଯୋଡା ଯାଇଥିଲା । ହେଲେ ସେ କେବେ ଏ ବିଷୟରେ କନଫର୍ମ କରି ନାହାନ୍ତି।
wp:embed {"url":"https://www.prameyanews7.com/urvashi-rautela-cuts-24-carat-gold-cake/","type":"wp-embed","providerNameSlug":"prameya-news-7"}
