ଭୁବନେଶ୍ବର ୨୫|୭: ଓଡ଼ିଶାରେ ଶିକ୍ଷା ଓ ଅନୁସନ୍ଧାନ (ଡିମ୍ଡ ଟୁ ବି ୟୁନଭର୍ସିଟି) ୧ ନମ୍ବର ଶିକ୍ଷାନୁଷ୍ଠାନ । ନିକଟରେ ପ୍ରକାଶିତ ଆଉଟଲୁକ୍ ଓ ଆଇକେୟାର ଇଣ୍ଡିଆ ୟୁନିଭର୍ସିଟି ରାଙ୍କିଙ୍ଗରେ ଏହି ଏକ ନମ୍ବର ମାନ୍ୟତା ହାସଲ କରିଛି ସୋଆ ।
ଦେଶର ଶ୍ରେଷ୍ଠ ୫୦ଟି ଡିମ୍ଡ ଟୁ ବି ୟୁନିଭର୍ସିଟି ମଧ୍ୟରେ ସୋଆ ୧୫ତମ ସ୍ଥାନ ହାସଲ କରିଛି । ଆଉଟଲୁକ୍- ଆଇକେୟାର ଇଣ୍ଡିଆ ୟୁନିଭର୍ସିଟି ରାଙ୍କିଙ୍ଗ-୨୦୧୯ରେ ଓଡ଼ିଶାର ନାମିଦାମୀ ଶିକ୍ଷାନୁଷ୍ଠାନକୁ ପଛରେ ପକାଇ ସୋଆ ୭୬.୮୦ ସ୍କୋର ହାସଲ କରିଛି ।
ପୂର୍ବରୁ କେନ୍ଦ୍ର ମାନବସମ୍ବଳ ବିକାଶ ମନ୍ତ୍ରଣାଳୟ ଦ୍ବାରା କରାଯାଇଥିବା ନ୍ୟାସନାଲ ଇନଷ୍ଟିଚ୍ୟସନାଲ ରାଙ୍କିଙ୍ଗରେ ଫ୍ରେମୱାର୍କ (ଏନ୍ଆଇଆରଏଫ୍) ର୍ୟାଙ୍କିଙ୍ଗରେ ବିଶ୍ବବିଦ୍ୟାଳୟ କାଟେଗୋରୀରେ ଦେଶରେ ୨୪ତମ ସ୍ଥାନ ହାସଲ କରିଥିଲା ସୋଆ ।
ଛାତ୍ର-ଅଧ୍ୟାପକଙ୍କ ଅନୁପାତ, ଅଧ୍ୟାପକଙ୍କ ପିଏଚଡି, ପେପର ପବ୍ଲିକେସନ୍ ହାର, ପେପର ପିଛା ସାଇଟେସନ୍, ଏବଂ ଇନକ୍ଲୁସିଭନେସ୍ ଓ ଡାଇଭରସିଟି ଭଳି ବିଭିନ୍ନ ମାନଦଣ୍ଡ ବିଶ୍ଳେଷଣ କରି ଏହି ରାଙ୍କ ନିର୍ଦ୍ଧାରଣ କରାଯାଇଛି ।