ବାଲିପାଟଣା ୨୭।୦୬ : ବିଷଧର ନାଗ ସାପ ସହ ଯୁବକଙ୍କ ଦୁଃସାହାସିକ ଖେଳ। ନାଗ ଦଂଶନରୁ ଅଳ୍ପକେ ରକ୍ଷା ପାଇଲେ ଯୁବକ ।ବାଲିପାଟଣା ଅଂଚଳରେ ଯୁବକ ଜଣକ ପ୍ରାୟ ୫ ଫୁଟ ଲମ୍ବର ନାଗ ସାପ ଧରି ଖେଳ ଦେଖାଉଥିଲେ ।

wp:html /wp:html

ତେବେ ଯୁବକ ଜଣଙ୍କ ନିଜ ମୁହଁ ପାଖକୁ ନାଗର ମୁହଁକୁ ଲଗାଉଥିଲେ । ବିନା କୌଣସି ତାଲିମ୍ ରେ ଯୁବକ ଏପରି ଖେଳ ଲୋକଙ୍କୁ ଦେଖାଉଥିଲେ । ଯୁବକ ଜଣକ କୁଆଡ଼େ ନାଗର ମୁଖବନ୍ଧନ କରିଥିଲେ ବୋଲି ଦାବି କରୁଥିଲେ । ମାତ୍ର ଯୁବକର ଏଭଳି କାର୍ଯ୍ୟରେ ନାଗଟି ରାଗିଯାଇଥିଲା । ହଠାତ୍‌ ଯୁବକଙ୍କୁ ନାଗଟି ଦଂଶନ କରିବାକୁ ଚେଷ୍ଟା କରିଥିଲା । ପରେ ଯୁବକ ଜଣକ ନାଗସାପଟିକୁ ଏକ ଅଖାରେ ଭର୍ତ୍ତି କରି ଘଟଣାସ୍ଥଳରୁ ଯାଇଥିଲେ । ଯୁବକଙ୍କ  ଘର ନୟାଗଡ ଜିଲ୍ଲା ରଣପୁର ଅଞ୍ଚଳରେ ବୋଲି ଜଣାପଡିଛି । ସେ ବାଲିପାଟଣାରେ କାଠ ମିସ୍ତ୍ରୀ ଭାବେ କାମ କରନ୍ତି ।