କେନ୍ଦୁଝର ୨୭।୧୧ : ବିଶାଳକାୟ ଅଜଗର ସାପ ଉଦ୍ଧାର । କେନ୍ଦୁଝର ଜିଲ୍ଲା ପୁରୁଣା ବଜାର ସ୍ଥିତ ରାଜ ଉଆସରୁ ଦୁଇଟି ବିରାଟକାୟ ଅଜଗର ସାପ ଉଦ୍ଧାର ହୋଇଛି । ବନବିଭାଗ କର୍ମଚାରୀମାନେ ସାପ ଧରାଳି ସୁଦର୍ଶନ ସ୍ୱାଇଁଙ୍କ ସହାୟତରେ ଦୁଇଟି ସାପକୁ ଧରି ଘଞ୍ଚ ଜଙ୍ଗଲରେ ସୁରକ୍ଷିତ ଭାବେ ଛାଡିଛନ୍ତି ।

ଖବର ଅନୁଯାୟୀ, ପ୍ରବଳ ଶୀତ ଯୋଗୁଁ ବିରାଟକାୟ ଅଜଗର ସାପ ଦୁଇଟି ଗାତରୁ ବାହାରି ଖରାରେ ଶୋଇଥିଲେ । ସେଠାରେ ରହୁଥିବା ଲୋକମାନେ ସାପ ଦୁଇଟିକୁ ଦେଖି ବନ ବିଭାଗକୁ ଖବର ଦେଇଥିଲେ । ଖବର ପାଇ ବନ ବିଭାଗ କର୍ମଚାରୀମାନେ ସୁଦର୍ଶନଙ୍କ ସହ ମିଶି ସାପ ଦୁଇଟିକୁ ଧରି ସୁରକ୍ଷିତ ଭାବରେ ଘଞ୍ଚ ଜଙ୍ଗଲ ଭିତରେ ଛାଡ଼ିଦେଇଛନ୍ତି । ଏହି ସାପ ଦୁଇଟିକୁ ଦେଖିବାକୁ ଲୋକଙ୍କ ଭିଡ଼ ଲାଗିଛି। ରାଜ ଉଆସଟି ନଟିରେ ଭର୍ତ୍ତି ହୋଇଥିବାରୁ ସେଠାରେ ଆହୁରି ଅନେକ ସାପ ଥିବାର ଅନୁମାନ କରାଯାଉଛି।