ନୂଆଦିଲ୍ଲୀ ୦୨।୧୦: ବନ୍ଦେ ଭାରତ ଏକ୍ସପ୍ରେସ୍ । ଦେଶର ପ୍ରଥମ ସେମି ହାଇସ୍ପିଡ୍‌ ଟ୍ରେନ୍‌ । ଭାରତୀୟ ରେଲଓ୍ବେର ଅନେକ ରୁଟ୍‌ରେ ଚାଲୁଛି ବନ୍ଦେ ଭାରତ ଏକ୍ସପ୍ରେସ୍‌ ।  ଯଦିଓ ଏହାର ଚେୟାର କୋଚ୍‌ ଏବେ ଚାଲୁଛି କିନ୍ତୁ ଖୁବଶୀଘ୍ର ଏହାର ସ୍ଲିପର୍‌ କୋଚ୍‌ ଭାରତୀୟ ରେଲଓ୍ବେରେ ଦୌଡିବ । ଏହି ଟ୍ରେନ୍‌ ଲମ୍ବା ଦୂରତା ପାଇଁ ଚଳାଇବେ ସରକାର ।

ଚଳିତ ଆର୍ଥିକ ବର୍ଷରେ ସ୍ଲିପର୍‌ କୋଚ୍‌ ବନ୍ଦେ ଭାରତ ଏକ୍ସପ୍ରେସ ଏବଂ ମେଟ୍ରୋ ବନ୍ଦେ ଭାରତ ଏକ୍ସପ୍ରେସ  ଲଞ୍ଚ କରିବାର ଯୋଜନା ଅଛି । ଏବେ ବନ୍ଦେ ଭାରତ ଏକ୍ସପ୍ରେସର ସ୍ଲିପର୍‌ କୋଚ୍‌ ଟ୍ରେନ୍‌ର ଫାଷ୍ଟଲୁକ୍‌ ସାମ୍ନାକୁ ଆସିଛି । ଯାହାର ଫଟୋ ଏବେ ସୋଶିଆଲ୍‌ ମିଡିଆରେ ଭାଇରାଲ୍‌ ହେଉଛି । କୁହାଯାଉଛି କି ବନ୍ଦେ ଭାରତ ଏକ୍ସପ୍ରେସର ସ୍ଲିପର୍‌ କୋଚ ଗୁଡିକର କାମ ଶେଷ ହୋଇଛି ।

 ବନ୍ଦେ ଭାରତ ଏକ୍ସପ୍ରେସ୍‌ରେ ରହିଛି ୮୫୭ଟି ବର୍ଥ ।  ଏଥିମଧ୍ୟରୁ ୮୨୩ଟି ବର୍ଥ ଯାତ୍ରୀମାନଙ୍କ ପାଇଁ ଏବଂ ୩୪ଟି ବର୍ଥ କର୍ମଚାରୀଙ୍କ ପାଇଁ ରକ୍ଷା ଯାଇଛି । ସବୁ କୋଚ୍‌ରେ ରହିବ ଏକ ମିନି ପ୍ୟାଣ୍ଟ୍ରି  ।  ସ୍ଲିପର୍‌ କୋଚ୍‌ ବେଶ୍‌ ଲଗଜୁରୀ ନଜର ଆସୁଛି । ସୋଶିଆଲ୍ ମିଡିଆରେ ସ୍ଲିପର୍‌ ବନ୍ଦେ ଭାରତ ଏକ୍ସପ୍ରେସର ଭିତରର ଫଟୋ ବେଶ୍‌ ଭାଇରାଲ୍‌ ହେଉଛି ।  ଯାହା ଦେଖିବାକୁ ଖୁବ୍‌ ବିଳାସପୂର୍ଣ୍ଣ  । ଲଗଜୁରୀ ହେବା ସହିତ ଟ୍ରେନ୍‌ରେ ଅଧିକ ସ୍ପେଶ୍‌ ଥିବା ଦେଖିବାକୁ ମିଳୁଛି ।

ଏହି ଟ୍ରେନ୍‌ ଏକ ଆଲିସାନ୍‌ ହୋଟେଲର୍  ଫିଲିଙ୍ଗ ଦେବ । ତେବେ ବନ୍ଦେ ଭାରତ ଏକ୍ସପ୍ରେସର ସ୍ଲିପର୍ କୋଚର ପ୍ରଥମ ଟ୍ରେନ୍‌ ଆସନ୍ତାବର୍ଷ ଫେବୃଆରୀ ଶେଷ ସୁଦ୍ଧା ଟ୍ରାକକୁ ଦୌଡିପାରେ ।  ଏନେଇ ଚେନ୍ନାଇର ଏକ କାର୍ଯ୍ୟକ୍ରମରେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି କି, ବନ୍ଦେ ଭାରତ ସ୍ଲିପର୍‌ କୋଚ୍‌ ଆସନ୍ତାବର୍ଷ ମାର୍ଚ୍ଚ ୨୦୨୪ ସୁଦ୍ଧା ଲଞ୍ଚ ହେବ ।  

ଅନ୍ୟପଟେ ଆଇସିଏଫ୍ର ଜେନେରାଲ୍ ମ୍ୟାନେଜର ବି.ଜି ମାଲ୍ୟା କହିଛନ୍ତି କି ଚଳିତ ବର୍ଷ ଅକ୍ଟୋବର ୩୧ ପୂର୍ବରୁ ଏହା ଲଞ୍ଚ ହୋଇପାରେ । ଏହା ଏକ ନନ୍‌-ଏସି ପୁସ୍-ପଲ୍ ଟ୍ରେନ୍ ହେବ । ସ୍ଲିପର୍ ବନ୍ଦେ ଭାରତ ଏକ୍ସପ୍ରେସ୍‌ ୨ଟି କମ୍ପାନୀ ଏକାଠି ନିର୍ମାଣ କରୁଛନ୍ତି ।

ଏଥିରେ ରେଳ ବିକାଶ ନିଗମ ଲିମିଟେଡ୍ (RVNL) ଏବଂ ଋଷିଆର TMH ଗ୍ରୁପ୍ ଅନ୍ତର୍ଭୁକ୍ତ ରହିଛି ।  ବର୍ତ୍ତମାନ ବନ୍ଦେ ଭାରତ ଏକ୍ସପ୍ରେସ୍‌ ଦେଶର ପ୍ରାୟ ୩୦ରୁ ଅଧିକ ରୁଟ୍‌ରେ ଦୌଡୁଛି । ତେବେ ସ୍ଲିପର୍‌ କୋଚ୍ ବନ୍ଦେ ଭାରତ ଏକ୍ସପ୍ରେସ୍‌ ଏବେଠାରୁ ଅଧିକ ହୋଇପାରେ ।

You Can Read: