ଭଞ୍ଜନଗର: ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ବିଞ୍ଚଣା ଗ୍ରାମ ନିକଟ କାଜୁ ଜଙ୍ଗଲରୁ ଏକ ନର କଙ୍କାଳ ଉଦ୍ଧାର କରିଛି ଗାଙ୍ଗପୁର ପୋଲିସ l କଙ୍କାଳଟି ଲୁଣୀପଡ଼ା ଶାସନ ଗ୍ରାମର ରଙ୍କନିଧି ସ୍ୱାଇଁ ବୋଲି ଅନୁମାନ କରୁଛି ପୋଲିସ।
ତେବେ ଘଟଣାର ସତ୍ୟତା ପାଇଁ କଙ୍କାଳକୁ ବ୍ରହ୍ମପୁର ଏଫଏମଟିକୁ ପଠାଇଛି ପୋଲିସ l ଗତ ୨୩ ତାରିଖ ଦିନ ମୃତକଙ୍କ ଭାଇ ବାଳକୃଷ୍ଣ ସ୍ୱାଇଁ ନିଖୋଜ ରିପୋର୍ଟ ଲେଖାଇଥିଲେ। ଆଉ ଏହି ଆଧାରରେ ପୋଲିସ ରଙ୍କନିଧିଙ୍କ ଖୋଜ୍ ଆରମ୍ଭ କରିଦେଇଥିଲା।
ତେବେ ଏପର୍ଯ୍ୟନ୍ତ ମୃତକଙ୍କ ଭାଇ କିମ୍ବା ପରିବାର ଲୋକ ହତ୍ୟା ଅଭିଯୋଗ ଆଣିନାହାନ୍ତି l ସେପଟେ ଗାଙ୍ଗପୁର ପୋଲିସ ଘଟଣାରେ ଅଧିକ ତଦନ୍ତ ଜାରି ରଖିଛି।