ଜମ୍ମୁକାଶ୍ମୀର ୨୩|୧୧:  ଦକ୍ଷିଣ କାଶ୍ମୀରରେ ସେନାର ଏନକାଉଣ୍ଟର । ସୁରକ୍ଷାକର୍ମୀଙ୍କ ଗୁଳିରେ ୬ ଆତଙ୍କବାଦୀ ନିହତ ହୋଇଛନ୍ତି । ଅନନ୍ତନାଗ ଜିଲ୍ଲା ସେକିପୋରା ଅଞ୍ଚଳରେ ଆତଙ୍କୀ ଲୁଚିଥିବା ସୂଚନା ମିଳିବା ପରେ ରାଷ୍ଟ୍ରୀୟ ରାଇଫଲସ୍ ଏବଂ ପୋଲିସ ଆରମ୍ଭ କରିଥିବା ଅପରେସନ୍ । ଉଭୟପଟୁ ଗୁଳି ବିନିମୟ ହୋଇଥିଲା । ସୁରକ୍ଷାବାହିନୀର ଗୁଳିରେ ୬ ଆତଙ୍କବାଦୀ ଟଳି ପଡିଥିବା ସୂଚନା ମିଳିଛି । ଏହି ଇଲାକାରେ ଏବେବି ଅପରେସନ ଚାଲିଛି । ଆହୁରି କିଛି ଆତଙ୍କୀ ଲୁଚିଥିବା ସନ୍ଦେହ କରାଯାଉଛି । ଆତଙ୍କୀଙ୍କ ପାଖରୁ ବିପୁଳମାତ୍ରାରେ ଅସ୍ତ୍ରଶସ୍ତ୍ର ଜବତ ହୋଇଛି । ଗତ କିଛି ମାସ ଧରି କାଶ୍ମୀରରେ ଆତଙ୍କବାଦୀଙ୍କ ଗତିବିଧି ସକ୍ରିୟ ହୋଇଛି । ଗତ ମଙ୍ଗଳବାର ସୋପିଆନରେ ଜଣେ ଯବାନ ସହିଦ ହୋଇଥିବା ବେଳେ ୪ ଆତଙ୍କୀ ଟଳି ପଡିଥିଲେ ।