Hari omm 2
hari om films
AKK 2023
AKK2023
HARI-OMM_728X90_B
Showcase2022
hari om films
WEB_F-8
WEB_F-9
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡାରେ କ୍ରାଇମବ୍ରାଞ୍ଚ ତନାଘନା, ଗୁଳିମାଡ଼ ସ୍ଥାନରେ ମେଟାଲ ଡିଟେକ୍ଟର ଯାଞ୍ଚ
  • ||
  • କଟକ: ସବ ରେଜିଷ୍ଟ୍ରାର ଅଫିସରେ ଅଗ୍ନିକାଣ୍ଡ, ରେକର୍ଡ ରୁମ୍‌ରେ ଲାଗିଲା ନିଆଁ
  • ||
  • ଭୁବନେଶ୍ୱର: ଜେଲ୍‌ରେ ପରୀକ୍ଷା ଦେବେ ଅର୍ଚ୍ଚନା, ଅନୁମତି ଦେଇଥିଲେ କୋର୍ଟ
  • ||

ପାଟ୍ରୋଲିଂ ସମୟରେ ବୋମା ବିସ୍ଫୋରଣ, ୬ ପାକିସ୍ତାନୀ ସୁରକ୍ଷାକର୍ମୀ ମୃତ୍ୟୁ, ଜଣେ ଆହତ

9/05/2020 at 5:30 PM

ନୂଆଦିଲ୍ଲୀ ୦୯।୦୫: ବଲୁଚିସ୍ତାନ ପ୍ରାନ୍ତରେ ବୋମା ଆକ୍ରମଣରେ ପାକିସ୍ତାନର ଛଅ ସୁରକ୍ଷାକର୍ମୀଙ୍କ ମୃତ୍ୟୁ ଘଟିଛି। ଏହି ଆକ୍ରମଣରେ ସେନାର ଜଣେ ମେଜରଙ୍କ ମଧ୍ୟ ମୃତ୍ୟୁ ଘଟିଛି। ପାଟ୍ରୋଲିଂ କରୁଥିବା ସୁରକ୍ଷାକର୍ମୀଙ୍କ ଗାଡି ରାସ୍ତା କଡରେ ହୋଇଥିବା ବୋମା ବିସ୍ଫୋରଣର ଶିକାର ହୋଇଛନ୍ତି। ଏହି ଦୁର୍ଘଟଣା ଇରାନ ସଂଲଗ୍ନ ସୀମା ନିକଟ ଦକ୍ଷିଣ-ପଶ୍ଚିମ ପାକିସ୍ତାନରେ ଘଟିଛି।

ପାକିସ୍ତାନ ସେନା ଶୁକ୍ରବାର ନିଜର ପ୍ରେସ୍ ବିଜ୍ଞପ୍ତିରେ  କହିଛି ଯେ, ଅର୍ଦ୍ଧସୈନିକ ଫ୍ରଣ୍ଟିୟର କୋରର ଏକ ଗାଡିକୁ ଇରାନ ସୀମାରୁ ପ୍ରାୟ ୧୪ କିଲୋମିଟର ଦୂର କେଚ୍‌ ଜିଲ୍ଲାର ବୁଲଦା ଅଞ୍ଚଳରେ ଆଇଇଡି ଜରିଆରେ ଟାର୍ଗେଟ୍ କରାଯାଇଥିଲା। ଏହି ହମଲାରେ ଜଣେ ମେଜରଙ୍କ ସମେତ ପାଞ୍ଚ ସୈନିକଙ୍କ ପ୍ରାଣହାନୀ ଘଟିଛି। ଜଣେ ଯବାନ ଆହତ ହୋଇଛନ୍ତି। ଏହି ଆକ୍ରମଣ ପାଇଁ ଏବେ ସୁଦ୍ଧା କୌଣସି ଆତଙ୍କବାଦୀ ସଂଗଠନ ନିଜକୁ ଦାୟୀ କରି ନାହାନ୍ତି। କିନ୍ତୁ ବଲୁଚ ଆତଙ୍କବାଦୀ ସର୍ବଦା ଏହି ପ୍ରାନ୍ତରେ ସୁରକ୍ଷାବଳକୁ ଟାର୍ଗେଟ୍ କରିଥାନ୍ତି।

ସୁରକ୍ଷା ସୂତ୍ରରୁ ପ୍ରକାଶ ଯେ, ଯେଉଁ ଜାଗାରେ ବିସ୍ଫୋରଣ ଘଟିଲା, ସେହି ଅଞ୍ଚଳ ଉପରେ ତସ୍କର ଓ ବିଦ୍ରୋହୀଙ୍କ ପକ୍ଷରୁ ହେଉଥିବା ଆନ୍ଦୋଳନ କାରଣରୁ ୨୪ ଘଣ୍ଟା ନଜର ରଖାଯାଇଥିଲା। ଆକ୍ରମଣରେ ସାମିଲ ଲୋକଙ୍କ ସନ୍ଧାନ ଲାଗି ସୁରକ୍ଷାବଳ ପକ୍ଷରୁ ତଲାସି ଅଭିଯାନ ଆରମ୍ଭ ହୋଇଛି। କରୋନା ଭାଇରସ୍‌ ମହାମାରୀ ସମୟରେ ବଲୁଚିସ୍ତାନରେ ପାକିସ୍ତାନ ସୁରକ୍ଷାକର୍ମୀଙ୍କ ଉପରେ ଏହା ହେଉଛି ବଡ ହମଲା।

   Related Posts