ନୂଆଦିଲ୍ଲୀ: କ୍ରିକେଟ୍ ବିଶ୍ୱକପ ସରିବା ପରେ ଆଇସିସି ଟୁର୍ଣ୍ଣାମେଣ୍ଟର ସର୍ବଶ୍ରେଷ୍ଠ ଟିମ୍ ଚୟନ କରିଛି । ଭାରତୀୟ ଅଧିନାୟକ ରୋହିତ ଶର୍ମାଙ୍କୁ ନିଜ ଟିମର ନେତୃତ୍ୱ ଦେଇଛି । ଆଇସିସି ନିଜ ଟିମରେ ୬ ଭାରତୀୟ ଖେଳାଳିଙ୍କୁ ସ୍ଥାନ ଦେଇଛି । ଅନ୍ୟପଟେ ବିଜେତା ଅଷ୍ଟ୍ରେଲିଆର କେବଳ ଦୁଇ ଖେଳାଳିଙ୍କୁ ଟିମରେ ସ୍ଥାନ ମିଳିଛି । ଦକ୍ଷିଣ ଆଫ୍ରିକା, ନ୍ୟୁଜିଲାଣ୍ଡ ଓ ଶ୍ରୀଲଙ୍କାର ଜଣେ ଲେଖାଏ ଖେଳାଳିଙ୍କୁ ଟିମରେ ସାମିଲ କରାଯାଇଛି । ପାକିସ୍ତାନ, ଇଂଲଣ୍ଡ, ଆଫଗାନିସ୍ତାନ, ବାଂଲାଦେଶ ଓ ନେଦରଲାଣ୍ଡର କୌଣସି ଖେଳାଳିଙ୍କୁ ଏଥିରେ ସାମିଲ କରାଯଆଇ ନାହିଁ ।

ପଢନ୍ତୁ: ଆଖିରେ ଛଳ ଛଳ ଲୁହ, ନିରାଶ… ଏମିତି ଥିଲା ଭାରତୀୟ ଡ୍ରେସିଂ ରୁମ୍‌ରେ ବିଶ୍ଵକପ୍‌ର ଶେଷ ମେଡାଲ ସେରେମନି

ଭାରତୀୟ ଖେଳାଳିଙ୍କ ମଧ୍ୟରେ ଅଧିନାୟକ ରୋହିତ ଶର୍ମାଙ୍କ ସହ ବିରାଟ କୋହଲି, ମହମ୍ମଦ ଶାମି, ଜଶପ୍ରୀତ ବୁମରାହ, ରବିନ୍ଦ୍ର ଜାଡେଜା ଓ କେଏଲ୍ ରାହୁଲଙ୍କ ଟିମରେ ସ୍ଥାନ ମିଳିଛି । ଅଷ୍ଟ୍ରେଲିଆ ଅଲରାଉଣ୍ଡର ଗ୍ଲେନ୍ ମାକ୍ସୱେଲ ଓ ଆଡମ ଜାମ୍ପାଙ୍କୁ ଟିମରେ ସାମିଲ କରାଯାଇଛି । ଚୟନ ପ୍ୟାନେଲରେ ଇୟାନ ବିଶପ, କେସ ନାଇଡୁ, ସେନ ୱାଟସନ (କମେଣ୍ଟଟେଟର), ୱାସିମ ଖାନ (ଆଇସିସି ମହାପ୍ରବନ୍ଧକ, କ୍ରିକେଟ୍) ଓ ସୁନୀଲ ବୈଧ (ସାମ୍ୱାଦିକ) ସାମିଲ ଥିଲେ ।

ଆଇସିସି ଟିମ୍ : କ୍ୱିଣ୍ଟନ ଡିକକ (ୱିକେଟକିପର), ରୋହିତ ଶର୍ମା (ଅଧିନାୟକ), ବିରାଟ କୋହଲି, ଡେରିଲ ମିଶେଲ, କେଏଲ୍ ରାହୁଲ, ଗ୍ଲେନ୍ ମାକ୍ସୱେଲ, ରବିନ୍ଦ୍ର ଜାଡେଜା, ଜଶପ୍ରୀତ ବୁମରାହ, ଦିଲଶାନ ମଦୁଶଙ୍କା, ଆଡମ ଜମ୍ପା, ମହମ୍ମଦ ଶାମି,  ଗେରାଲ୍ଡ କୋଏଜି ।

Also Read: ୱାର୍ଲ୍ଡକପ୍‌ ହାରିବା ପରେ ଦୁଃଖରେ ଭାଙ୍ଗିପଡିଲେ ବିରାଟ୍‌, ଆଲିଙ୍ଗନ କରି ସ୍ଵାମୀଙ୍କୁ ସମ୍ଭାଳିଲେ ଅନୁଷ୍କା