ଜୟପୁର ୩।୧୦: ଗତମାସ ୧୩ ତାରିଖ ଦିନ କୋରାପୁଟ ନିକଟସ୍ଥ ନନ୍ଦିଗାଁରେ ହୋଇଥିବା ଡକାୟତି ଘଟଣାର ଅନୁସନ୍ଧାନ କରି ଆଜି କୋରାପୁଟ ସଦର ପୋଲିସ ୬ ଜଣ ଡକାୟତଙ୍କୁ ଗିରଫ କରିଛି । ଏହି ୬ ଜଣଙ୍କ ମଧ୍ୟରେ ବିସିଙ୍ଗପୁର ଥାନା ଅଂଚଳର ବି-ଜାନୀଗୁଡା ଗ୍ରାମର ପବିତ୍ର ଖୋସଲା, ନରେଶ ଖରା ଓ ତୁଳାରାମ ହରିଜନଙ୍କ ସମେତ କଦମଗୁଡାର ଲାଲୁ ହିଆଲ ଓ ପଟିଆସିଲର ରମେଶ ଖରା ଏବଂ ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ଥାନା ଅଂଚଳର ଝାରକଣ୍ଡାପୁରୀ ଗ୍ରାମର ଅଜନ ଆଶା ରହିଥିବା ପୋଲିସ ସୂଚନା ଦେଇଛି ।

ସୂଚନାଯୋଗ୍ୟ ଯେ, ଡକାୟତ ମାନେ ନନ୍ଦିଗାଁରେ ଜଣଙ୍କ ଘରୁ ୭୪ହଜାର ଟଙ୍କା, ଗହଣା ଓ ୧୫ ଲିଟର ପେଟ୍ରୋଲ ନେଇଯାଇଥିବା ବେଳେ ପୋଲିସ ତାଙ୍କଠାରୁ ୫୦ହଜାର ଟଙ୍କା ଓ ଗହଣା ତଥା ସେମାନେ ବ୍ୟବହାର କରିଥିବା ୩ଟି ବାଇକ୍ ଜବତ କରିଥିବା ଜଣାପଡିଛି ।