ପାଟନା ୨୮।୧୨ : ସୁନା , ରୂପା ଲୁଟୁଥିଲେ ଏବ ଟାର୍ଗେଟ୍ ପିଆଜ ଓ ରସୁଣ । ବିହାରରେ ଏବେ ପିଆଜ-ରସୁଣ ଲୁଟେରା ରାକେଟ୍ ମାତିଛନ୍ତି । କାରଣ ଏହି ଦୁଇ ସାମଗ୍ରୀର ଦର ଚଢା , କିନ୍ତୁ ଅଭାବ ହେତୁ ଚାହିଦା ଅଛି । ତେଣୁ ଏବେ ପିଆଜ- ରସୁଣ ଟ୍ରକ ଲୁଟେରାଙ୍କ ନିଶାନା ହୋଇଛି । କଇମୁର ଜିଲ୍ଲାରେ ଗୁରୁବାର ରାତିରେ ୬ ଜଣ ବନ୍ଧୁକଧାରୀ ଏକ ଟ୍ରକରେ ବୋଝେଇ ହୋଇ ଯାଉଥିବା ୫ ଟନ୍ ପିଆଜ ଲୁଟି ନେଇଛନ୍ତି ।ରାଜପଥରୁ ଟ୍ରକ ସହ ପିଆଜ ଲୁଟି ନେଇଥିବା ଦୁର୍ବୃତ୍ତ ଏକ ସ୍ଥାନରେ ପିଆଜ ସବୁ ଅନଲୋଡିଂ କରି ଅନ୍ୟତ୍ର ପଠାଇ ଦେଇ ଟ୍ରକ୍କୁ ଛାଡି ଚାଲି ଯାଇଛନ୍ତି । ଚୋରି ପିଆଜର ବଜାର ମୂଲ୍ୟ ୩ ଲକ୍ଷ ୫୦ ହଜାର ଟଙ୍କା ହେବ ।
{"id":203808,"width":581,"height":387,"sizeSlug":"large"}![](https://www.prameyanews7.com/wp-content/uploads/2019/12/images-1-18.jpg)
ପୋଲିସ ସୂଚନା ଅନୁଯାୟୀ, ମୋହନିଆ ପୋଲିସ ଥାନା ଅନ୍ତର୍ଗତ ଗ୍ରାଣ୍ଡଟ୍ରଙ୍କ ରୋଡ୍ ବା ଏନଏଚ୍ ୨ରେ ଗୁରୁବାର ରାତିରେ ଏକ ପିଆଜ ଟ୍ରକ୍କୁ ହାଇଜାକ୍ କରିନେଇଥିଲେ ୬ ଜଣ ବନ୍ଧୁକଧାରୀ । ସେମାନେ ଏକ କାର୍ରେ ଟ୍ରକଟିକୁ ପିଛା କରି ଡ୍ରାଇଭର ଦେଶରାଜକୁ ଭୟଭୀତ କରି ଟ୍ରକକୁ ନେଇଯାଇଥିଲେ ।ତାପରେ ଏକ ସ୍ଥାନରେ ଟ୍ରକକୁ ରଖି ସେଥିରେ ଥିବା ୧୨୦ ବସ୍ତା ପିଆଜକୁ ଅନଲୋଡ କର ଅଜଣା ସ୍ଥାନକୁ ଚାଲାଣ କରିଦେଇଥିଲେ । ତାପରେ ଡ୍ରାଇଭର ଦେଶ ରାଜକୁ ୪ ଘଣ୍ଟାଧରି କାରରେ ବୁଲାଇବା ପରେ ନିଚ୍ଛାଟିଆ ସ୍ଥାନରେ ଛାଡି ଦେଇଥିଲେ । ପରେ ଦେଶରାଜ ଅନ୍ୟ ଏକ ଗାଡିରେ ଆସି ତାର ଖାଲି ଟ୍ରକକୁ ପାଇଥିଲା । ଦେଶରାଜଙ୍କ ମାଲିକଙ୍କ ଠାରୁ ଖବର ପାଇ ପୋଲିସ ମାମଲା ରୁଜ୍ଜୁ କରି ଅନୁସନ୍ଧାନ ଆରମ୍ଭ କରିଛି ।
{"id":203810,"width":575,"height":348,"sizeSlug":"large"}![](https://www.prameyanews7.com/wp-content/uploads/2019/12/download-1-9.jpg)
ପୋଲିସ ସୂଚନା ଅନୁଯାୟୀ, ଠିକ୍ ସମାନ ଢଙ୍ଗରେ ଡିସେମ୍ବର ୬ ରେ ଏକ ରସୁଣ ବୋଝେଇ ଗାଡିକୁ ଲୁଟିଥିଲେ ଲୁଟେରା ।କଇମୁର ଜିଲ୍ଲାର କୁଦ୍ରା ଥାନା ଅଞ୍ଚଳରେ ୬୪ ବସ୍ତା ରସୁଣ ଲୁଟି ନେଇଥିଲେ ଲୁଟେରା ।ସେହି ଲୁଟ ରସୁମର ବଜାର ଦାର ୨ ଲକ୍ଷ ଟଙ୍କା ହେବ । କେବଳ ବିହାର ନୁହେଁ , ଉତ୍ତର ପ୍ରଦେଶ ଏବଂ ମଧ୍ୟପ୍ରଦେଶରେ ଏପରି ପିଆଜ ଚୋରୀ ଘଟଣା ଏବେ ବି ଚର୍ଚ୍ଚାରେ ରହିଛି । ଗ୍ୱାଲିୟରରେ ଦୁଇ ଜମ ଯୁବକ ପିଆଜ ଟ୍ରକ ଲୁଟ କରି ୧୦ ରୁ ୨୦ ଟଙ୍କାରେ ବିକି ଏବେ ଜେଲରେ ଅଛନ୍ତି ।