Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ: ଲାଞ୍ଚ ନେଇ ନିଲମ୍ୱିତ ହେଲେ ରାଜସ୍ୱ ନିରୀକ୍ଷକ, କହିଥିଲେ ମୋ ମୁଣ୍ଡର ଦାମ୍‌ କଣ ୨୦୦ ଟଙ୍କା ?
  • ||
  • ବାରିପଦା:ସରକାରୀ ବସଷ୍ଟାଣ୍ଡ ସମ୍ମୁଖରେ ଭୟାବହ ଅଗ୍ନିକାଣ୍ଡ, ୪ ଦୋକାନ ଓ ହୋଟେଲ ଭସ୍ମୀଭୂତ
  • ||

ହୋଇପାରୁନି ଓଡ୍ରାଫ୍ ଯବାନ ସୀତାରାମଙ୍କ ଅନ୍ତିମ ସଂସ୍କାର, ପରିବାରର ଦାବି- ‘ସହିଦ ଘୋଷଣା କରନ୍ତୁ ସରକାର’

26/09/2021 at 8:07 AM

କରଞ୍ଜିଆ,୨୬/୦୯:  ପୈତୃକ ଗାଁରେ ପହଁଚିଲା ମୃତ ଓଡ୍ରାଫ ଯବାନ ସୀତାରାମଙ୍କ ମୃତଦେହ ।ତେବେ ସହିଦ ଘୋଷଣା ନ ହେଲା ପର୍ଯ୍ୟନ୍ତ ହୋଇପାରିବ ନାହିଁ ଅନ୍ତିମ ସଂସ୍କାର ଦାବି ରଖିଛନ୍ତି ପରିବାର ଲୋକେ ।

ମହାନଦୀର ମୁଣ୍ଡଳି ଠାରେ ଗଜ ଉଦ୍ଧାର ଅପରେସନ ବେଳେ ବୋଟ୍ ଟ୍ରାଜେଡିରେ ଓଡ୍ରାଫ ଯବାନ ସୀତାରାମ ମୁର୍ମୁଙ୍କ ପ୍ରାଣହାନୀ ଘଟିଥିଲା । ଶନିବାର ମୃତଦେହ ମିଳିବା ପରେ ତାଙ୍କ ନିଜ ଗାଁରେ ଶୋକର ଛାୟା ଖେଳି ଯାଇଥିଲା । ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡା ବ୍ଲକ ଡାକଇପାଳ ଗାଁର ମୁକ୍ତାଝରି ସାହିରେ ତାଙ୍କ ଘର ହୋଇଥିବା ବେଳେ ଶନିବାର ବିଳମ୍ବିତ ରାତିରେ ତାଙ୍କ ମୃତଦେହ ଗାଁକୁ ପହଞ୍ଚିଥିଲା ।

ହେଲେ ରବିବାର ସକାଳେ ସୀତାରାମଙ୍କ ପରିବାର ଲୋକେ ତାଙ୍କୁ ରାଷ୍ଟ୍ରୀୟ ମର୍ଯ୍ୟାଦା ଓ ଶେଷକୃତ୍ୟ ସମ୍ପନ୍ନ କରିବା ସହ ସୀତାରାମଙ୍କୁ ସହିଦ ଘୋଷଣା ନକଲା ପର୍ଯ୍ୟନ୍ତ ତାଙ୍କର ଅନ୍ତିମ ସଂସ୍କାର କରାଇ ଦେବେନାହିଁ ବୋଲି କହିଛନ୍ତି ପରିବାର ଲୋକେ । ସେପଟେ ତାଙ୍କ ସ୍ତ୍ରୀ କହିଛନ୍ତି କି, ସରକାର ତାଙ୍କୁ ତୁରନ୍ତ ଅନୁକମ୍ପା ରାଶି ପ୍ରଦାନ କରିବା ସହ ପିଲାଙ୍କ ପାଠପଢା ଖର୍ଚ୍ଚ ବହନ କରନ୍ତୁ ଓ ତାଙ୍କୁ ସରକାରୀ ଚାକିରୀ ମିଳୁ ବୋଲି ସେ ଅଡ଼ି ବସିଛନ୍ତି ।

   Related Posts