ଶୀତଳଷଷ୍ଠୀ ପାଇଁ ଉତ୍ସବମୁଖର ସମ୍ବଲପୁର : ଆଜି ଝାଡୁଆପଡା ପୂଜା କମିଟି ପକ୍ଷରୁ ପତରପେଣ୍ଡି କାର୍ଯ୍ୟକ୍ରମ, ୭ରେ ଦେବଦମ୍ପତ୍ତିଙ୍କ ବିବାହ

Published By : Prameya-News7 Bureau | June 05, 2019 IST

ସମ୍ବଲପୁର ୫|୬: ଶୀତଳଷଷ୍ଠୀ ଯାତ୍ରା ପାଇଁ ସଜେଇ ହୋଇଛି ସମ୍ବଲପୁର । ଦେବଦମ୍ପତ୍ତିଙ୍କ ବାହାଘର ପାଇଁ ସାଜସଜ୍ଜା ଚାଲିଛି । ଘରେ ଘରେ ଜମିଲାଣି ବନ୍ଧୁବାନ୍ଧବଙ୍କ ଭିଡ । ଆଜି ଝାଡୁଆପଡା ପୂଜା କମିଟି ପକ୍ଷରୁ ପତରପେଣ୍ଡି ବା ନିର୍ବନ୍ଧ କାର୍ଯ୍ୟକ୍ରମ ରହିଛି । ସେଥିପାଇଁ ପ୍ରସ୍ତୁତି ଶେଷ ପର୍ଯାୟରେ ପହଞ୍ଚିଛି ।

{"id":119771}

ସେହିପରି ଗତକାଲି ରାତିରେ ନନ୍ଦପଡା ପୂଜା କମିଟି ପକ୍ଷରୁ ଗୁଆଗୁଣ୍ଡା, ଦେବନିମନ୍ତ୍ରଣ ବା ନୃସିଂହ ନିଉତା ସମ୍ପନ୍ନ ହୋଇଛି  । ଏକ ସୁସଜ୍ଜିତ ରଥରେ ବସି ହନୁମାନ ମନ୍ଦିର ,ଭଗବାନ ନୃସିଂହନାଥ ମନ୍ଦିର, ସହରରେ ଥିବା ବିଭିନ୍ନ ମନ୍ଦିରକୁ ଯାଇ  ଶିବ ବିବାହ କାର୍ଯ୍ୟକ୍ରମକୁ ନିମନ୍ତ୍ରଣ ଦେଇଛନ୍ତି ।

{"id":119772}

ଏହି ନିମନ୍ତ୍ରଣରେ ଚିଟାଉ,  ପଇତା,ମିଷ୍ଠାନ୍ନ ଦନାରେ ରଖି, ପ୍ରତି ମନ୍ଦିରରେ ପ୍ରଦାନ କରାଯାଇଛି । ଦେବ ନିମନ୍ତ୍ରଣ କାର୍ଯ୍ୟକ୍ରମ ପରେ ଶିବ ବିବାହ ପାଇଁ ସହରର ପ୍ରାୟ ସମସ୍ତ ଶିବ ମନ୍ଦିରରେ ପ୍ରସ୍ତୁତି ଚୁଡାନ୍ତ କରାଯିବ । ଆସନ୍ତା ୭ ତାରିଖରେ ଦେବଦେବ ମହାଦେବଙ୍କ ସହ, ମାତା ପାର୍ବତୀଙ୍କ ବିବାହ  ପାରମ୍ପରିକ ରୀତିନୀତି ଅନୁସାରେ କରାଯିବ । ୮ତାରିଖରେ ଦେବଦମ୍ପତ୍ତିଙ୍କ ବିଶ୍ରାମ ଦିନ ରହିଛି ।

{"id":119773}

୮ତାରିଖ  ରାତିରୁ, ୯ତାରିଖ ଅପରାହ୍ନ ପର୍ଯ୍ୟନ୍ତ, ଦେବଦମ୍ପତ୍ତିଙ୍କ ଯୁଗଳମୂର୍ତ୍ତୀ ବିଶାଳ ଶୋଭାଯାତ୍ରାରେ ବାହାରି, ନଗର ପରିକ୍ରମା କରିବା ସହ, ଶ୍ରଦ୍ଧାଳୁ ମାନଙ୍କୁ ଦର୍ଶନ ଦେବେ । ଏହାପରେ ନିଜ ନିଜ ମନ୍ଦିରକୁ ପ୍ରତ୍ୟାବର୍ତ୍ତନ କରିବେ ନବ ବିବାହିତ ଦେବ ଦମ୍ପତ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.