ଗାଜିଆବାଦ ୧୮/୧- ଠେଲାବିବାଦ ଛିଡ଼ିପାରିଲାନି ବୋଲି ଭାଇକୁ ବାଡ଼େଇ ମାରିଦେଲା ଭଉଣୀ । ଏହିଭଳି ଅଭାବନୀୟ ଘଟଣା ଘଟିଛି ଗାଜିଆବାଦ ବିଜୟନଗରେ ।
{"id":75550}![](https://www.prameyanews7.com/wp-content/uploads/2019/01/1-2-1.jpg)
ବିଜୟନଗର ଅଂଚଳରେ ଅଶୋକ ତେଲଭାଜି ଠେଲା ଦୋକାନ ରାସ୍ତା ପାଖରେ ଦେଇ ପରିବାର ଚଳାଉଥିଲେ । ଅଶୋକ ଓ ତାଙ୍କ ସ୍ତ୍ରୀ ମଧୁ ଏହି ଠେଲା ଦୋକାନରୁ ପରିବାର ଚଳାଇବା ସହ ପିଲାଙ୍କୁ ମଧ୍ୟ ପାଠ ପଢ଼ାଉଥିଲେ । କିନ୍ତୁ ଏହି ଠେଲାଦୋକାନରେ ଭାଗ ବସାଉଥିଲେ ଅଶୋକର ଭଉଣୀ ପୁଷ୍ପା । ସେ ବହୁତ ଲାଭ ହେଉଥିବା କଥା କହି ଭାଇଠାରୁ ଭାଗନେବାକୁ ଚାହୁଁଥିଲେ । କିନ୍ତୁ ଅଶୋକ ଏହି ଠେଲା ଦୋକାନରୁ ଭାଗଦେବାକୁ ମନାକରିଥିବାରୁ ପାଟିତୁଣ୍ଡ ହୋଇଥିଲା ।
ଘଟଣାଦିନ ଅଶୋକ ଓ ମଧୂ ଠେଲାଦୋକାନରେ ତେଲଭାଜି କରି ବିକ୍ରି କରିବା ସମୟରେ କିଛି ଲୋକଙ୍କୁ ଧରି ପହଂଚିଥିଲା ପୁଷ୍ପା । ପୁଷ୍ପା ଓ କିଛିଲୋକ ଅତର୍କିତଭାବେ ଭାଇ ଅଶୋକ ଓ ଭାଉଜ ମଧୂକୁ ଆକ୍ରମଣ କରିଥିଲେ । ଏହି ଆକ୍ରମଣରେ ଅଶୋକ ଓ ମଧୂ ଗୁରୁତର ହୋଇଯାଇଥିଲେ । ସ୍ଥାନୀୟଲୋକ ସେମାନଙ୍କୁ ଉଦ୍ଧାର କରି ହସପିଟାଲରେ ଭର୍ତ୍ତି କରିଥିଲେ । କିନ୍ତୁ ହସପିଟାଲରେ ପହଂଚିଲାବେଳକୁ ଡ଼ାକ୍ତର ମୃତ ଘୋଷଣା କରିଥିଲା । ପୋଲିସ ମାମଲା ରୁଜୁ କରି ପୁଷ୍ପାକୁ ଗିରଫ କରିଛି ଓ ଅନ୍ୟ ଅଭିଯୁକ୍ତଙ୍କୁ ଧରିବାକୁ ବିଭିନ୍ନ ଆଡ଼େ ଛାନଭିନ୍ କରୁଛି ।