ମୁମ୍ଵାଇ ୩୦।୦୯: ବଲିଉଡ ଫିଲ୍ମରେ ଅନେକ ଲୋକପ୍ରିୟ କଣ୍ଠଶିଳ୍ପୀ ଶାନ୍ତନୁ ମୁର୍ଖାଜୀ। ଅନେକ ଗୀତରେ ସ୍ୱର ଦେଇଥିବା ପ୍ଲେବ୍ୟାକ୍ ସିଙ୍ଗର ଶାନ୍ ଆଜି ତାଙ୍କ ୫୦ ତମ ଜନ୍ମ ଦିବସ ପାଳନ କରୁଛନ୍ତି। ମଧ୍ୟପ୍ରଦେଶର ଖଣ୍ଡୱାଠାରେ ଜନ୍ମ ହୋଇଥିବା ଶାନ୍ ଏକ ବଙ୍ଗାଳୀ ପରିବାରର ଅଟନ୍ତି। ଶାନଙ୍କ ଜେଜେବାପା ଜାହର ମୁଖାର୍ଜୀ ଜଣେ ଜଣାଶୁଣା ଗୀତିକାର ଥିଲେ। ତାଙ୍କ ପିତା ମନସ ମୁଖାର୍ଜୀ ଜଣେ ସଙ୍ଗୀତ ନିର୍ଦ୍ଦେଶକ ଥିଲେ। ସେହିପରି ଶାନ୍ ମଧ୍ୟ ହିନ୍ଦୀ, ବଙ୍ଗାଳୀ, ମରାଠୀ, ଉର୍ଦ୍ଦୁ, ତେଲୁଗୁ, କନ୍ନଡ, ନେପାଳୀ, ଓଡିଆ, ପଞ୍ଜାବୀ ଏବଂ ମାଲାୟାଲମ୍ ସମେତ ବିଭିନ୍ନ ଭାଷାରେ ଗୀତ ଗାଇ ସଂଗୀତ ପ୍ରେମୀଙ୍କ ହୃଦୟ ଜିତିଛନ୍ତି। ତେବେ ଆସନ୍ତୁ ଜାଣିବା ତାଙ୍କ ଜନ୍ମଦିନର ବିଶେଷ ଉତ୍ସବରେ ତାଙ୍କ ଜୀବନ ସହିତ ଜଡିତ ବିଶେଷ ଜିନିଷ।
{"width":826,"height":465}ବଲିଉଡକୁ ଅନେକ ରୋମାଣ୍ଟିକ୍ ହିଟ୍ ଗୀତ ଦେଇଥିବା ଶାନଙ୍କ ପ୍ରେମ କାହାଣୀ ଖୁବ୍ ନିଆରା । କୋଣସି ଚଳଚ୍ଚିତ୍ର କାହାଣୀଠାରୁ କମ୍ ନୁହେଁ ତାଙ୍କ ଲଭ୍ ଷ୍ଟାେରୀ। ଯେତେବେଳେ ରାଧିକା ୧୭ବର୍ଷ ହୋଇଥିଲେ ସେତେବେଳେ ଶାନ ୨୪ ବର୍ଷର ଥିଲେ । ଦୁହିଁଙ୍କର ପ୍ରଥମେ ସାକ୍ଷାତ ପରେ ପରସ୍ପର ପ୍ରେମରେ ପଡିଥିଲେ। ଶାନ ପ୍ରକୃତିରେ ଟିକେ ଲଜ୍ଜାକୁଳା । ଏଥିପାଇଁ ତାଙ୍କୁ ମଧ୍ୟ ପ୍ରେମ ପ୍ରସ୍ତାବ ଦେବା ପାଇଁ କିଛି ସମୟ ଲାଗିଥିଲା। ଯେତେବେଳେ ଠିକ୍ ସମୟ ଆସିଲା, ଶାନ୍ ରାଧିକାଙ୍କୁ ଏକ ଫିଲ୍ମ ଶୈଳୀରେ ପ୍ରସ୍ତାବ ଦେଇଥିଲେ ।
ଦିନେ ଶାନ ଏବଂ ରାଧିକା ସମୁଦ୍ର କୂଳକୁ ଯାଇଥିଲେ । ସେଠାରେ ଶାନ ଆଣ୍ଠୁମାଡି ରାଧିକାଙ୍କୁ କହିଥିଲେ, 'ଏହି ସାଗର, ଆକାଶ ଏବଂ ଏହି ପବନ ରହିଲା ସାକ୍ଷୀ, ତୁମେ ମୋତେ ବିବାହ କରିବ କି?' ରାଧିକା ମଧ୍ୟ ବିଳମ୍ବ ନକରି ଏହି ପ୍ରସ୍ତାବକୁ ହଁ କହିଥିଲେ। କିନ୍ତୁ ପ୍ରକୃତ ପରୀକ୍ଷା ଏପର୍ଯ୍ୟନ୍ତ ଆସି ନଥିଲା କାରଣ ଶାନଙ୍କୁ ରାଧିକାଙ୍କ ପିତାମାତାଙ୍କ ହୃଦୟ ଜିତିବାକୁ ଥିଲା ।
{"width":845,"height":476}ଯେତେବେଳେ ଶାନ ରାଧିକାଙ୍କୁ ପ୍ରସ୍ତାବ ଦେବା ପରେ ତାଙ୍କ ପିତାମାତାଙ୍କୁ ଭେଟିବାକୁ । ଏକ ରଙ୍ଗୀନ ପୋଷାକ ପିନ୍ଧି ଆସିଥିଲେ । ରାଧିକାଙ୍କ ପିତାମାତା ଶାନଙ୍କୁ ଏହିପରି ଦେଖି ଆଶ୍ଚର୍ଯ୍ୟ ହୋଇଗଲେ । ଏହା ପରେ ତାଙ୍କ ପିତା ପଚାରିଥିଲେ ଯେ ଆପଣ ଏକ କଳାବାଜ ସହିତ ବିବାହ କରିବାକୁ ଯାଉଛନ୍ତି କି? ଶାନ ତାଙ୍କ ହସ ହସ ସହିତ ରାଧିକାଙ୍କ ପିତାଙ୍କ ହୃଦୟ ଜିତିଥିଲେ। ଶେଷରେ ପରିବାର ସଦସ୍ୟଙ୍କ ସହମତିରେ। ରାଧିକା ଏବଂ ଶାନ ୨୦୦୦ ମସିହାରେ ବିବାହ କରିଥିଲେ। ଶାନ ଏବଂ ରାଧିକାଙ୍କର ଦୁଇ ପୁଅଙ୍କ ଅଛି। ବଡ ପୁଅର ନାମ ସୋହମ୍ ଏବଂ ସାନପୁଅ ଶୁଭ ।