ନୂଆଦିଲ୍ଲୀ ୩।୩: ଭୋଜପୁରୀ ସିଙ୍ଗର ପବନ ସିଂହ ରବିବାର ପଶ୍ଚିମବଙ୍ଗ ଆସାନସୋଲ ଲୋକସଭା ଆସନରୁ ନିର୍ବାଚନ ଲଢିବାକୁ ମନା କରିଦେଇଛନ୍ତି। ଏ ନେଇ ସେ ତାଙ୍କ ସୋସିଆଲ ମିଡିଆ ହ୍ୟାଣ୍ଡଲ ‘ଏକ୍ସ’ରେ ଏକ ପୋଷ୍ଟ କରିଛନ୍ତି। ଯେଉଁଥିରେ ସେ କୌଣସି କାରଣ ବସତଃ ଆସାନସୋଲରୁ ନିର୍ବାଚନ ଲଢିପାରିବେ ନାହିଁ ବୋଲି ଉଲ୍ଲେଖ କରିଛନ୍ତି। ତେବେ ପାର୍ଟି ଅଧ୍ୟକ୍ଷ ଜେ.ପି.ନଡ୍ଡା ତାଙ୍କୁ ଦିଲ୍ଲୀ ଡକାଇଥିବା ଜଣାପଡିଛି। ୨୦୨୪ ଲୋକସଭା ନିର୍ବାଚନ ନିମନ୍ତେ ବିଜେପି ଶନିବାର ୧୯୫ ପ୍ରାର୍ଥୀଙ୍କ ଲିଷ୍ଟ ଜାରି କରିଛି।
wp:html/wp:htmlभारतीय जनता पार्टी के शीर्ष नेतृत्व को दिल से आभार प्रकट करता हु।
— Pawan Singh (@PawanSingh909) March 3, 2024
पार्टी ने मुझ पर विश्वास करके आसनसोल का उम्मीदवार घोषित किया लेकिन किसी कारण वश में आसनसोल से चुनाव नहीं लड़ पाऊंगा…@JPNadda
ଏଥିରେ ପବନ ସିଂହଙ୍କୁ ହିନ୍ଦୀ ଭାଷୀ ଆସାନସୋଲରୁ ବିଜେପି ପ୍ରାର୍ଥୀ କରିଥିଲା। ପୂର୍ବରୁ ବିଜେପିରେ ଥିବା ଶତ୍ରୁଘ୍ନ ସିହ୍ନା ଏଠାରୁ ସାଂସଦ ନିର୍ବାଚିତ ହେଉଥିଲେ। ସେଏବେ ଏଠାରୁ ତୃଣମୂଳ କଂଗ୍ରେସର ସାଂସଦ ଅଛନ୍ତି। ତେବେ ସିହ୍ନାଙ୍କ ପୂର୍ବରୁ ବଲିଉଡ ଗାୟକ ବବୁଲ ସୁପ୍ରିଓ ଏଠାରୁ ବିଜେପିରୁ ଦୁଇଥର ସାଂସଦ ନିର୍ବାଚିତ ହୋଇଥିଲେ। ନିର୍ବାଚନ ନ ଲଢିବା ପାଇଁ ପବନ ସିଂହଙ୍କ ଘୋଷଣା ପରେ ମମତା ବାନାର୍ଜୀଙ୍କ ପୁତୁରା ତଥା ଟିଏମସି ସାଂସଦ ଅଭିଷେକ ବାନାର୍ଜୀ କହିଛନ୍ତି ଯେ ‘ଖେଳ ହେବା ପୂର୍ବରୁ ଖେଳ ହୋଇଯାଇଛି। ଏହା ବିଜେପିର ପ୍ରଥମ ସେଲ୍ଫ ଗୋଲ’ ବୋଲି ସେ କହିଛନ୍ତି।
wp:html/wp:htmlAfter over thirty years of a glorious electoral career, during which I won all the five assembly and two parliamentary elections that I fought with exemplary margins, and held a multitude of prestigious positions in the party organisation and the governments at the state and…
— Dr Harsh Vardhan (@drharshvardhan) March 3, 2024
ସେପଟେ ଦିଲ୍ଲୀ ବିଜେପିର ବରିଷ୍ଠ ନେତା ତଥା ପୂର୍ବତନ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡା. ହର୍ଷବର୍ଦ୍ଧନ ରବିବାର ସକ୍ରିୟ ରାଜନୀତିରୁ ସନ୍ୟାସ ଘୋଷଣା କରିଛନ୍ତି। ଏ ନେଇ ସେ ସୋସିଆଲ ମିଡିଆ ଏକ୍ସରେ ଏକ ପୋଷ୍ଟ କରିଥିବା ବେଳେ କୃଷ୍ଣ ନଗରସ୍ଥିତ ମୋର ଇଏନଟି କ୍ଲିନିକ ମୋତେ ଅପେକ୍ଷା କରିଛି ବୋଲି ଉଲ୍ଲେଖ କରିଛନ୍ତି। ହର୍ଷବର୍ଦ୍ଧନ ଏବେ ବିଜେପିର ଚାନ୍ଦିନୀ ଚୌକ ସାଂସଦ। ଏଥର ପାର୍ଟି ତାଙ୍କ ନିର୍ବାଚନମଣ୍ଡଳିରେ ପ୍ରବୀଣ ଖଣ୍ଡେଲୱାଲଙ୍କୁ ପ୍ରାର୍ଥୀ କରିଛି।