କଣ୍ଟାବାଞ୍ଜି ୦୧।୦୧: ଛେଳି ଚୋରି ଘଟଣାରେ ପୋଲିସ ଏଏସଆଇ ନିଲମ୍ବିତ । ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନା ଏସ୍ଆଇ ସୁମନ ମଲ୍ଲିକଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଛି । ନିଲମ୍ବିତ କଲେ ବଲାଙ୍ଗୀର ଏସ୍ପି ।
ଖବର ଅନୁଯାୟୀ, ପୋଲିସ ଏଏସଆଇ ସୁମନ ମଲ୍ଲିକଙ୍କ ନିର୍ଦ୍ଦେଶରେ ପୋଲିସ କର୍ମଚାରି ମାନେ ଏକ ଛେଳି ଚୋରି କରି ଭୋଜି କରୁଥିବା ଅଭିଯୋଗ ହୋଇଥିଲା । ଜୋର ଜବରଦସ୍ତ ଛେଳି ମାଲିକକୁ ନ ଜଣାଇ ଛେଳି ମାରିଦେଇଥିବା ଅଭିଯୋଗ ହୋଇଥିଲା । ୨ଟି ଛେଳିକୁ ପୋଲିସର କିଛି କର୍ମଚାରୀ ଛେଳିକୁ ମାରି ଦେଇଥିବା ଅଭିଯୋଗ କରିଥିଲେ ଗାଁ ଲୋକେ । ଥାନାକୁ ଆସି ଛେଳି ମାଂସ ଖାଇଥିବା ଅଭିଯୋଗ ହୋଇଛି । ତେଣୁ ଏହାର ତୁରନ୍ତ କ୍ଷତିପୂରଣ ପ୍ରଦାନ କରିବାକୁ ସଂକୀର୍ତ୍ତିନ ଗୁରୁ ଦାବି କରିଥିଲେ ।
ସେପଟେ ପୋଲିସ ମାଂସ ଖାଇ ନଥିବା କହି ଓଲଟା ଅଭିଯୋଗକାରୀଙ୍କୁ ଥାନାରେ ଅଟକ ରଖିଥିବାର ଅଭିଯୋଗ ଆସିଥିଲା । ଏହାପରେ ପରିବାର ଲୋକେ କ୍ଷତିପୂରଣ ଦାବିରେ ଥାନା ଘେରାଉ କରିଥିଲେ । ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ବଢିବାକୁ ଲାଗିଥିଲା । ଯାହା ପରେ ଘଟଣାସ୍ଥଳରେ ଚାପା ଉତ୍ତେଜନା ଦେଖାଦେଇଥିଲା ।
