ପର୍ଯ୍ୟଟକଙ୍କ ପାଇଁ ଆଜିଠୁ ଖୋଲିଲା ଶିମିଳିପାଳ ଅଭୟାରଣ୍ୟ
Published By : Prameya-News7 Bureau | November 01, 2018 IST
ଶମିଳିପାଳ;୧/୧୧- ଖୋଲିଲା ଶିମିଳିପାଳ ଅଭୟାରଣ୍ୟ ।ଚଳିତ ବର୍ଷ ପିଠାବଟା ଓ ଜାମୁଆଣି ଦେଇ ୨ ଟି ଫାଟକରେ ପର୍ଯ୍ୟଟକଙ୍କ ପାଇଁ ପ୍ରବେଶ ଅନୁମତି ମିଳିଛି । ସେହିପରି ବାଲେଶ୍ବର ନୀଳଗିରି କୁଲଡିହା ଅଭୟାରଣ୍ୟ ବି ଖୋଲିଛି । ଚଳିତ ଥର ପିଠାବଟା ଓ ଜାମୁଆଣି ଦେଇ ୨ଟି ଫାଟକରେ ପ୍ରବେଶ ଅନୁମତି ମିଳିଛି । ପିଠାବଟା ଦେଇ ଦୈନିକ ୨୫ଟି ଚାରିଚକିଆ ଯାନ ପ୍ରବେଶ ଅନୁମତି ଦିଆଯାଇଥିବା ବେଳେ ଜାମୁଆଣି ଫାଟକ ଦେଇ ଦୈନିକ ୩୫ଟି ଚାରି ଚକିଆ ଯାନ ପ୍ରବେଶ ଅନୁମତି ମିଳିଛି ।ଏହି ଦୁଇ ଫାଟକ କାଉଣ୍ଟରରୁ ସକାଳ ୬ ରୁ ସକାଳ ୯ ମଧ୍ୟରେ ପ୍ରବେଶ ପାଇଁ ଟିକେଟ ମିଳିପାରିବ । ସେହିପରି ରାତ୍ରୀ ଯାପନ ପାଇଁ ପର୍ଯ୍ୟଟକ ମାନେ ଅନଲାଇନ୍ ବୁକିଂ କରି ରାତ୍ରୀ ଯାପନ ପାଇଁ ସ୍ଥାନ ସଂରକ୍ଷଣ କରିପାରିବେ । ଅଭୟାରଣ୍ୟର ମଧ୍ୟରେ କୁମାରୀ, ଗୁଡୁଗୁଡିଆ, ରାମତୀର୍ଥ ଏବଂ ଜାମୁଆଣୀ ଠାରେ ପର୍ଯ୍ୟଟକଙ୍କ ପାଇଁ ରହଣୀ ସହିତ ଖାଦ୍ୟପେୟର ସମସ୍ତ ପ୍ରକାର ବ୍ୟବସ୍ଥା କରାଯାଇଛି । ସୁରକ୍ଷା ଦୃଷ୍ଟିକୁ ନଜରରେ ରଖି ପର୍ଯ୍ୟଟକମାନଙ୍କୁ ପାଖାପାଖି ୪ଟା ସୁଦ୍ଧା ଅଭୟାରଣ୍ୟ ଛାଡିବାକୁ କଡା ନିର୍ଦ୍ଦେଶ ରହିଛି ।ଏଥିସହ ଅଭୟାରଣ୍ୟରେ ପ୍ରବେଶ ପୂର୍ବରୁ ଦିଆଯାଇଥିବା ସମସ୍ତ ନିର୍ଦ୍ଦେଶକୁ ପର୍ଯ୍ୟଟକ ମାନେ ପାଳନ କରିବାକୁ କୁହାଯାଇଛି । ଆଜି ପ୍ରଥମ ଦିନରେ ପୀଠାବଟା ଗେଟ୍ ଦେଇ ୬ଟି ଏବଂ ଜାମୁଆଣି ଗେଟ୍ ଦେଇ ୫ଟି ଚାରିଚକିଆ ଯାନ ପ୍ରବେଶ କରିଛି।