scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଷଷ୍ଠ ଥର ପାଇଁ ନର୍ଭସ ନାଇଣ୍ଟିଜରେ ଆଉଟ୍ ହେଲେ ଧାଓ୍ୱନ : ତିନି ବର୍ଷ ହେଲା ଲଗାଇନାହାଁନ୍ତି ଶତକ

23/07/2022 at 9:21 AM

ନୂଆଦିଲ୍ଲୀ ୨୩/୦୭:  ଓ୍ୱେଷ୍ଟ ଇଣ୍ଡିଜ ବିପକ୍ଷରେ ପୋର୍ଟ ଅଫ୍ ସ୍ପେନରେ ଖେଳାଯାଇଥିବା ପ୍ରଥମ ଦିନିକିଆରେ ଭାରତ ବିଜୟୀ ହୋଇଛି । ତେବେ ମୁକାବିଲାରେ ଜବରଦସ୍ତ ବ୍ୟାଟିଂ କରିଥିଲେ ଶିଖର ଧାଓ୍ୱନ । ତେବେ ସେ ଶତକ ପୂରଣ କରିପାରିନଥିଲେ । ଶତକଠୁ ସେ ୩ ରନ୍ ଦୂରରେ ରହି ପ୍ୟାଭିଲିୟନ ଫେରିଥିଲେ ।  

ଧାଓ୍ୱନ ପ୍ରଥମ ଦିନିକିଆରେ ୯୯ ବଲରୁ ୯୭ ରନ୍ କରିଥିଲେ । ଏଥିରେ ୧୦ ଚଉକା ଓ ୩ ଛକା ସାମିଲ ଥିଲା । ତେବେ ୯୭ ରନରେ ସେ ଗୁଡାକେସ ମୋତୀଙ୍କ ଶିକାର ହୋଇଥିଲେ ।

ତେବେ ଶିଖର କ୍ୟାରିଅରର ୬ ଥର ନର୍ଭସ ନାଇଣ୍ଟିଜର ଶିକାର ହୋଇଛନ୍ତି । କେବଳ ଏତିକି ନୁହେଁ, ସେ ଏକଦା ୯୭ ରନରେ ଅପରାଜିତ ରହିଥିଲେ । ଭାରତୀୟ କ୍ରିକେଟରଙ୍କ ମଧ୍ୟରେ କେବଳ ସଚିନ ତେନ୍ଦୁଲକର ହି ଧାଓ୍ୱନଙ୍କଠୁ ଅଧିକ ଥର ନର୍ଭସ ନାଇଣ୍ଟିଜରେ ଆଉଟ୍ ହୋଇଛନ୍ତି । ସଚିନ ମୋଟ୍ ୧୭ ଥର ନର୍ଭସ ନାଇଣ୍ଟିଜର ଶିକାର ହୋଇଛନ୍ତି ।

୩ ବର୍ଷ ହେଲା ବ୍ୟାଟରୁ ବାହାରିନି ଶତକ

ଶିଖର ପ୍ରାୟ ୩ ବର୍ଷ ହେବ ଅନ୍ତର୍ଜାତୀୟ ମୁକାବିଲାରେ ଶତକ ଲଗାଇ ନାହାଁନ୍ତି । ଧାଓ୍ୱନ ନିଜର ଶେଷ ଶତକ ୨୦୧୯ରେ ଲଗାଇଥିଲେ । ଏହା ଅଷ୍ଟ୍ରେଲିଆ ବିରୋଧରେ ଥିଲା । ଏହାପରେ ସେ ତିନି ଥର ନର୍ଭସ ନାଇଣ୍ଟିଜରେ ଆଉଟ୍ ହୋଇଛନ୍ତି । ୯୭ ରନର ପାଳି ପୂର୍ବରୁ ଧାଓ୍ୱନ ୨୦୨୦ରେ ଅଷ୍ଟ୍ରେଲିଆ ବିପକ୍ଷରେ ରାଜକୋଟରେ ୯୬ ରନ୍ କରିଥିଲେ । ଏପରିକି ଇଂଲଣ୍ଡ ବିପକ୍ଷରେ ମଧ୍ୟ ୯୮ ରନ୍ କରି ପ୍ୟାଭିଲିୟନ ଫେରିଥିଲେ ।  

   Related Posts