ନୂଆଦିଲ୍ଲୀ,୧/୧୦: ବ୍ରିଟେନରେ ଖଲିସ୍ତାନକୁ ବିରୋଧ କରୁଥିବା ଶିଖମାନଙ୍କ ଉପରେ ଆକ୍ରମଣ। ଖଲିସ୍ତାନୀ ସମର୍ଥକମାନେ ଖଲିସ୍ତାନକୁ ବିରୋଧ କରୁଥିବା ଲୋକଙ୍କୁ ଖୋଜି ଖୋଜି ଧମକ ଦେଉଛନ୍ତି। ଲଣ୍ଡନରେ ଥିବା ଭାରତୀୟ ଦୂତାବାସକୁ ଭଙ୍ଗାରୁଜା କରିବାର ଦିନକ ପରେ ଖଲିସ୍ତାନଙ୍କ କାର୍ଯ୍ୟକଳାପକୁ ବିରୋଧ କରିବାରୁ ବ୍ରିଟିଶ ରେଷ୍ଟୁରାଣ୍ଟ ମାଲିକଙ୍କ କାର ଉପରେ ଗୁଳି ଚଳାଇଛନ୍ତି ସମର୍ଥକ। ତାଙ୍କ ଘର ବାହାର ପାର୍କିଂରେ ଥିବା ଗାଡି ଉପରେ କାଳି ଫିଙ୍ଗିଥିଲେ।

ବ୍ରିଟେନର ହୋସଲୋରେ ପ୍ରସିଦ୍ଧ ଶିଖ ରେଷ୍ଟୁରାଣ୍ଟର ମାଲିକ ହରମାନ ସିଂଙ୍କ ଉପରେ ଏହି ଆକ୍ରମଣ ହୋଇଛି। ହରମାନ ସିଂ କହିଛନ୍ତି ଯେ ସେ ସବୁବେଳେ ଖଲିସ୍ତାନକୁ ବିରୋଧ କରି ଆସୁଛନ୍ତି। ଗତ ମାସରୁ ଖଲିସ୍ତାନ ସମର୍ଥକ ଧମକ ଦେବା ଆରମ୍ଭ କରିଥିଲେ। ତାଙ୍କ ଉପରେ ଏପର୍ଯ୍ୟନ୍ତ ୪ ଥର ଆକ୍ରମଣ ହୋଇଥିବା ଅଭିଯୋଗ ହୋଇଛି।

ଖାଲିସ୍ତାନୀ ସମର୍ଥକଙ୍କ ଚିନ୍ତାଧାରା ଏତେ ନିମ୍ନ ଯେ ସୋସିଆଲ ମିଡିଆରେ ହରମନ ସିଂଙ୍କ ପତ୍ନୀ ଏବଂ ପିଲାଙ୍କ ଫଟୋ ଭାଇରାଲ କରିବା ସହ ଦୁଷ୍କର୍ମର ଧମକ ଦେଇଥିଲେ। ଏପରିକି ହରମନ୍‌ଙ୍କ ଫୋନ୍ ନମ୍ବର ଏବଂ ଘର ଠିକଣା ମଧ୍ୟ ସାର୍ବଜନୀନ କରାଯାଇଥିଲା। ସେମାନଙ୍କୁ ଦୁଷ୍କର୍ମ କରିଥିବା ଲୋକଙ୍କୁ ପୁରସ୍କାର ପ୍ରଦାନ କରାଯିବ ବୋଲି ଏକ ଅଫର ଦିଆଯାଇଥିଲା।

ଏହା ପରେ ମହାନଗର ପୋଲିସ ପକ୍ଷରୁ ତାଙ୍କୁ ସୁରକ୍ଷା ଦିଆଯାଇଥିଲା। କିନ୍ତୁ ସୁରକ୍ଷା ପ୍ରତ୍ୟାହାର ହେବା ମାତ୍ରେ ପୁଣିଥରେ ଧମକଚମକ ଆରମ୍ଭ ହୋଇଥିଲା। ମହାନଗର ନିଗମ ପୋଲିସ ଏବଂ ତାଙ୍କ ପରିବାରକୁ ସୁରକ୍ଷା ଯୋଗାଇବାରେ ବିଫଳ ହୋଇଥିବା ଏହା ପ୍ରମାଣିତ ହୋଇଛି।

ହରମାନ ସିଂ କହିଛନ୍ତି ଯେ ଗତକାଲି ରାତିରେ ତାଙ୍କ କାର ଉପରକୁ ଗୁଳିମାଡ଼ ହୋଇଥିଲା। ଘର ବାହାରେ ପାର୍କିଂ ହୋଇଥିବା କାର ଉପରେ ନାଲି ରଙ୍ଗ ପକାଇଥିଲେ। ଖଲିସ୍ତାନୀ ଆତଙ୍କବାଦୀମାନେ ସେମାନଙ୍କୁ ହତ୍ୟା କରିବାକୁ ଧମକ ଦେଉଥିବା କଲ୍ ଏବଂ ବାର୍ତ୍ତା ପଠାଉଛନ୍ତି। ବର୍ତ୍ତମାନ ପର୍ଯ୍ୟନ୍ତ ତାଙ୍କୁ ୪ ଥର ଆକ୍ରମଣ କରାଯାଇଛି ।

ଏହାପୂର୍ବରୁ ଖଲିସ୍ତାନୀ ଉଗ୍ରବାଦୀ ସ୍କଟଲାଣ୍ଡରେ ଭାରତ ବିରୋଧରେ ନାରାବାଜି କରିଥିଲେ । ସ୍କଟଲାଣ୍ଡରେ ନିଯୁକ୍ତ ଭାରତୀୟ ରାଷ୍ଟ୍ରଦୂତ ବିକ୍ରମ ଦୋରଈସ୍ୱାମୀଙ୍କୁ ଗୁରୁଦ୍ୱାରରେ ପ୍ରବେଶ କରିବାକୁ ଦେଇନଥିଲେ।