ଭୁବନେଶ୍ୱର: ଆଇକନିକ ଟ୍ରାନ୍ସଫର୍ମେସନ ପ୍ରାଇଭେଟ ଲିମିଟେଡ, କେଟି ଗ୍ଲୋବାଲ୍ ସ୍କୁଲ୍ ଏବଂ ଆଇଆଇଜି ସ୍ପୋର୍ଟ୍ସ ଏକାଡେମୀ ମଧ୍ୟରେ ଏମଓୟୁ ସ୍ଵାକ୍ଷର । ତୃଣମୂଳ ସ୍ତରର କ୍ରୀଡ଼ାର ବିକାଶ ଉପରେ ଧ୍ୟାନ ଦେଇ ଜାତୀୟ ସ୍ତରରେ ଓଡ଼ିଶାକୁ ଏକ ଅଗ୍ରଣୀ କ୍ରୀଡ଼ା ହବ୍ ରୂପେ ପରିଗଣିତ କରିବା ପାଇଁ ଲକ୍ଷ୍ୟ ରଖାଯାଇଛି । ଏଥିପାଇଁ ୫ ବର୍ଷ ଲାଗି MOU ସ୍ଵାକ୍ଷର ହୋଇଛି । ବରୁଣେଇ ସ୍ଥିତ କେଟି କ୍ୟାମ୍ପସ୍ରେ ଏପ୍ରିଲ ୧୫ରେ ଏହି ଚୁକ୍ତି ସ୍ଵାକ୍ଷରିତ ହୋଇଛି ।
ଏହି କାର୍ଯ୍ୟକ୍ରମରେ ଆଇକନିକ୍ ଟ୍ରାନ୍ସଫର୍ମେସନ୍ ପ୍ରତିଷ୍ଠାତା ଡ. ଚୈଦାତ୍ମିକ ଖଟୁଆ, ଡ. ସଞ୍ଜୟ ଚୌଧୁରୀ, ଶେଖ୍ ଅବଦୁଲ ସାମିମ, ଆଇଆଇଜି ଗ୍ରୁପ୍ ସହ ପ୍ରତିଷ୍ଠାତା ସୋମଦତ୍ତ ବେଉରା, ଆଇଆଇଜି ଏକାଡେମୀ ନିର୍ଦ୍ଦେଶକ ଏୟାର କମାଣ୍ଡର ନିରଞ୍ଜନ ପାଢୀ, କେଟି ଗ୍ରୁପ୍ର ପ୍ରିନ୍ସପାଲ ଡ. ଦୀପ୍ ଖେର୍, ଆଇଆଇଜି ସ୍ପୋର୍ଟସ୍ ଏକାଡେମୀର ନିର୍ଦ୍ଦେଶକ ପ୍ରଶାନ୍ତ ପୁହାଣ ଯୋଗ ଦେଇଥିଲେ।
ଉଲ୍ଲେଖଯୋଗ୍ୟ, ଦେଶବ୍ୟାପୀ କ୍ରୀଡ଼ା ଉତ୍କର୍ଷକୁ ଆଗେଇ ନେବାକୁ ଆଇକନିକ ଟ୍ରାନ୍ସଫର୍ମେସନ ଲିମିଟେଡ୍ ଏକ ଅଗ୍ରଣୀ ଭୂମିକା ଗ୍ରହଣ କରିଛି। କେଟି ଗ୍ଲୋବାଲ ସ୍କୁଲ ଏବଂ ଆଇଆଇଜି ସ୍ପୋର୍ଟସ୍ ଏକାଡେମୀ ଆଥଲେଟମାନଙ୍କୁ ଉତ୍ତମ ଭିତ୍ତିଭୂମି ଯୋଗାଉଛି। ଏହି ସହଭାଗିତା ଅନୁଯାୟୀ, ଆଇକନିକ୍ କ୍ରୀଡାକୁ ପ୍ରୋତ୍ସାହିତ କରିବାକୁ ବିଭିନ୍ନ ସ୍ପୋର୍ଟସ୍ ଇଭେଣ୍ଟ, କନଫରେନ୍ସ ଆୟୋଜନ କରିବ। କେଟି ଗ୍ଲୋବାଲ୍ ସ୍କୁଲ୍ ଏବଂ ଆଇଆଇଜି ସ୍ପୋର୍ଟସ୍ ଏକାଡେମୀ ଖେଳ ପଡିଆ ସହିତ ଭିତ୍ତିଭୂମି ସହାୟତା ପ୍ରଦାନ କରିବ। ଆଥଲେଟମାନଙ୍କ ରହଣି ଓ ସୁବିଧା ସୁଯୋଗ ପ୍ରଦାନ କରିବ। କେଟି ଗ୍ଲୋବାଲ୍ ସ୍କୁଲ୍ ଏବଂ ଆଇଆଇଜି ସ୍ପୋର୍ଟସ୍ ଏକାଡେମୀ ଆଇକନିକ୍ ଦ୍ୱାରା ଆୟୋଜିତ ପ୍ରୋତ୍ସାହନମୂଳକ କାର୍ଯ୍ୟରେ ସକ୍ରିୟ ଅଂଶଗ୍ରହଣ କରିବେ। ବ୍ରାଣ୍ଡିଂ ଉଦ୍ଦେଶ୍ୟ ପାଇଁ ଲୋଗୋର ପାରସ୍ପରିକ ବ୍ୟବହାର ଦୃଶ୍ୟମାନତା ଏବଂ ପଦୋନ୍ନତି ପ୍ରୟାସକୁ ବଢାଇବ।