scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କଂଗ୍ରେସ ହାଇକମାଣ୍ଡଙ୍କ ଫର୍ମୁଲା ଏବେବି ଅନିଶ୍ଚିତ, ପୁଣି କ୍ୟାପ୍ଟେନ୍‌ଙ୍କୁ ଟାର୍ଗେଟ୍‌ କଲା ସିଦ୍ଧୁଙ୍କ କ୍ୟାମ୍ପ୍‌

20/07/2021 at 2:36 PM

ଚଣ୍ଡିଗଡ଼, ୨୦/୦୭: ପଞ୍ଜାବ କଂଗ୍ରେସ ଏବେବି ଅଶାନ୍ତ । ହାଇକମାଣ୍ଡ ନଭଜୋତ ସିଂହ ସିଦ୍ଧୁଙ୍କୁ ପ୍ରଦେଶ କଂଗ୍ରେସ୍‌ର ଅଧ୍ୟକ୍ଷ କରି ମାମଲା ଶେଷ କରିଦେଇଥିବା ଭାବିଥିଲେ । କିନ୍ତୁ ବର୍ତ୍ତମାନ ସ୍ଥିତିରେ ସେହିଭଳି କିଛି ଦେଖାଯାଉ ନାହିଁ । ପଞ୍ଜାବ କଂଗ୍ରେସ କ୍ୟାପ୍ଟେନ୍‌ ହେବା ପରେ ବି ସିଦ୍ଧୁଙ୍କ ମନୋଭାବ ନରମ ହୋଇନାହିଁ । ତାଙ୍କ କ୍ୟାମ୍ପ ପକ୍ଷରୁ ଲଗାତାର ଅମରିନ୍ଦରଙ୍କୁ ଟାର୍ଗେଟ୍‌ କରିବା ଜାରି ରହିଛି ।

ପୂର୍ବରୁ କ୍ୟାପ୍ଟେନ୍‌ ଅମରିନ୍ଦର ସିଂହ ସିଦ୍ଧୁଙ୍କ ଆପତ୍ତିଜନକ ଟ୍ୱିଟ୍‌କୁ ନେଇ କ୍ଷମା ପ୍ରାର୍ଥନା କରିବାକୁ କହିଥିଲେ ।  ଏହାକୁ ନେଇ ସିଦ୍ଧୁଙ୍କ କ୍ୟାମ୍ପ ଓଲ୍‌ଟା ସିଏମ୍‌ଙ୍କୁ ଟାର୍ଗେଟ୍‌ କରି କହିଥିଲେ ଯେ, କ୍ଷମା ତ ସିଏ ମାଗିବା କଥା, କାରଣ ସେ ଜନତାଙ୍କୁ କରିଥିବା ପ୍ରତିଜ୍ଞା ପୂରଣ କରିପାରିନାହାନ୍ତି ।

ଜଳନ୍ଧରର ବିଧାୟକ ଏବଂ ସିଦ୍ଧୁଙ୍କ ପାଖ ନେତା ପରଗଟ ସିଂହ କହିଛନ୍ତି ଯେ, ଅମରିନ୍ଦର ସିଂହ କ୍ଷମା ମାଗିବା କଥା ଉଠାଇଛନ୍ତି । ଯଦି କାହାକୁ କ୍ଷମା ମାଗିବାର ଅଛି ସେ ହେଉଛନ୍ତି ନିଜେ କ୍ୟାପ୍ଟେନ୍‌ ଅମରିନ୍ଦର ସିଂହ । ଯିଏ କି ଜନତାଙ୍କୁ ଦେଇଥିବା ପ୍ରତିଶୃତି ପାଳନ କରିବାକୁ ଅସମର୍ଥ  ହୋଇଛନ୍ତି ।

ସୂଚନା ଥାଉ କି, ଗତ କିଛିଦିନ ହେବ ଅମରିନ୍ଦର ଏବଂ ସିଦ୍ଧୁଙ୍କ ମଧ୍ୟରେ ବିବାଦ ଜାରି ରହିଛି । ଏହାର ସମାଧାନ ପାଇଁ ଉଭୟ ନେତା ପୃଥକ-ପୃଥକ ଭାବେ ନୂଆଦିଲ୍ଲୀରେ ସୋନିଆଙ୍କୁ ସାକ୍ଷାତ କରିଥିଲେ । ଉଭୟ ସୋନିଆଙ୍କୁ ସାକ୍ଷାତ କରିବା ପରେ ସିଦ୍ଧୁଙ୍କୁ କଂଗ୍ରେସ ମୁଖ୍ୟ ନିଯୁକ୍ତ କରିବା ବାବଦରେ ନିଷ୍ପତ୍ତି ଗ୍ରହଣ କରିଥିଲେ ହାଇକମାଣ୍ଡ ।

   Related Posts