ମୁମ୍ବାଇ ୨୯।୦୧ : ବଲିଉଡର ସବୁଠାରୁ ଲୋକପ୍ରିୟ ଲଭବାର୍ଡ ମଧ୍ୟରୁ ଅନ୍ୟତମ ସିଦ୍ଧାର୍ଥ ମଲହୋତ୍ରା ଏବଂ କିଆରା ଆଡଭାନୀ । ଦୀର୍ଘ ଦିନରୁ ଉଭୟ ଡେଟ୍ କରୁଥିବା ବେଳେ ଏବେ ବିବାହକୁ ନେଇ ଚାଲିଛି ଜୋରଦାର୍ ଚର୍ଚ୍ଚା । ବିବାହ ନେଇ ସେମାନଙ୍କ ପକ୍ଷରୁ ଏନେଇ କୌଣସି ସୂଚନା ମିଳିନାହିଁ ।
ମିଡିଆ ରିପୋର୍ଟ ଅନୁଯାୟୀ, ଦୁହେଁ ୬ ଫେବୃଆରୀରେ ବିବାହ କରିବାକୁ ଯାଉଛନ୍ତି । ବର୍ତ୍ତମାନ ଏକ ନୂଆ ଖବର ସାମ୍ନାକୁ ଆସିଛି । ସିଦ୍ଧାର୍ଥ ମଲହୋତ୍ରା ଇନଷ୍ଟାଗ୍ରାମରେ ଏକ ପୋଷ୍ଟ କରିଛନ୍ତି । ଯାହା ପ୍ରଶଂସକଙ୍କ ଉତ୍ସାହକୁ ଆଗ୍ରହକୁ ଆହୁରି ବଢାଇ ଦେଇଛି । ସିଦ୍ଧାର୍ଥ ସୋମବାର କିଛି ଘୋଷଣା କରିବାକୁ ଥିବା ନେଇ ପୋଷ୍ଟରେ ହିଣ୍ଟ୍ସ ଦେଇଛନ୍ତି ।
wp:html/wp:html
ସିଦ୍ଧାର୍ଥ ମାଲହୋତ୍ରା ଇନଷ୍ଟାଗ୍ରାମରେ ପ୍ରାୟତଃ ଆକ୍ଟିଭ ରହିଥାନ୍ତି । ସେ ସବୁବେଳେ କିଛି ନୂଆ ନୂଆ ପୋଷ୍ଟ କରିଥାନ୍ତି । ସିଦ୍ଧାର୍ଥ ଏକ ନୂତନ ଇନଷ୍ଟାଗ୍ରାମ ପୋଷ୍ଟ ସେୟାର କରିଛନ୍ତି ଯେଉଁଥିରେ ଅଭିନେତା କେବଳ ଲେଖିଛନ୍ତି ଯେ ସେ ଆସନ୍ତାକାଲି ଏକ 'ବୋଲ୍ଡ' ଘୋଷଣା କରିବାକୁ ଯାଉଛନ୍ତି । ସିଦ୍ଧାର୍ଥଙ୍କ ଏହି ଘୋଷଣା କ’ଣ ହେବ ତାହା ଅନୁମାନ କରିବାକୁ ସମସ୍ତେ ଚେଷ୍ଟା କରୁଛନ୍ତି। ଏହା ପରଠୁ ଚର୍ଚ୍ଚା ହେଉଛି ଯେ ସିଦ୍ଧାର୍ଥ କିଆରାଙ୍କ ସହ ତାଙ୍କ ବିବାହ ଘୋଷଣା କରିବାକୁ ଯାଉଛନ୍ତି ।
ସିଦ୍ଧାର୍ଥ ଏବଂ କିଆରାଙ୍କ ବିବାହ ଖବରକୁ ଫ୍ୟାନ୍ସ ଅପେକ୍ଷା କରି ରହିଛନ୍ତି । ତେବେ ଅନେକ କହିଛନ୍ତି କି ଅଭିନେତା ଏକ ନୂଆ ବ୍ରାଣ୍ଡରେ ଯୋଗ ଦେଉଛନ୍ତି । ତେଣୁ ଏହି ଘୋଷଣା ତା ସହିତ ଜଡିତ ହୋଇ ଥାଇପାରେ ବୋଲି ଚର୍ଚ୍ଚା ହେଉଛି ।
