ମମ୍ଵାଇ ୩୦।୧୨: ୨୦୨୨ ବର୍ଷ ଶେଷ ହେବା ପାଇଁ ଆଉ କିଛି ଦିନ ବାକି ଅଛି। ଏପରି ପରିସ୍ଥିତିରେ ସମସ୍ତେ ନୂଆ ବର୍ଷକୁ ସ୍ଵାଗତ କରିବା ପାଇଁ ସମ୍ପୂର୍ଣ୍ଣ ପ୍ରସ୍ତୁତ। ବଲିଉଡ ତାରକାମାନେ ମଧ୍ୟ ଛୁଟିରେ ଯିବା ମୁଡ୍‌ରେ ଅଛନ୍ତି। ଆସନ୍ତା ବର୍ଷ ଆରମ୍ଭରେ ଚଳଚ୍ଚିତ୍ରର ସୁଟିଂ ହେତୁ ଅନେକ ତାରକା ବାହାରକୁ ଯାଇ ନ ଥିବାବେଳେ କିଛି ଲୋକ ଏକାଠି ନୂଆ ବର୍ଷକୁ ସ୍ୱାଗତ କରୁଛନ୍ତି । ଏହି ନାମଗୁଡିକ ମଧ୍ୟରୁ ଗୋଟିଏ ହେଉଛି ସିଦ୍ଧାର୍ଥ ଏବଂ କିଆରା। ଗୁରୁବାର ମୁମ୍ବାଇ ବିମାନବନ୍ଦରରେ ସିଦ୍ଧାର୍ଥ ମଲହୋତ୍ରା ଏବଂ କିଆରା ଆଡଭାନୀଙ୍କୁ ଦେଖିବାକୁ ମିଳିଥିଲା। ଯାହା ଖୁବ୍‌ ଭାଇରାଲ୍‌ ହେଉଛି ।

ସିଦ୍ଧାର୍ଥ ଏବଂ କିଆରା ସେମାନଙ୍କ ସମ୍ପର୍କ ଏବଂ ବିବାହ ଖବର ମଧ୍ୟରେ ଏକାଠି ନୂଆ ବର୍ଷ ପାଳନ କରୁଛନ୍ତି । ଦୁହେଁ ବର୍ତ୍ତମାନ ଦୁବାଇରେ ଅଛନ୍ତି। ଯେଉଁଠାରେ କରଣ ଜୋହର, ରିଦ୍ଧିମା କପୁର ସାହନି ଏବଂ ନୀତୁ କପୁର ସେମାନଙ୍କ ସହ ଅଛନ୍ତି। ରିପୋର୍ଟ ଅନୁଯାୟୀ କୁହାଯାଉଛି କି ମନୀଷ ମଧ୍ୟ ଖୁବ ଶୀଘ୍ର ଦୁବାଇରେ ନିଜର ନୂଆ ଫ୍ୟାଶନ ଷ୍ଟୋରର ଉଦଘାଟନ କରିବାକୁ ଯାଉଛନ୍ତି। ଯେଉଁଥିପାଇଁ ଏହି ବଲିଉଡ ତାରକାମାନେ ଦୁବାଇରେ ପହଞ୍ଚିଛନ୍ତି।କିଆରା ଏବଂ ସିଦ୍ଧାର୍ଥଙ୍କ ସହ ପାର୍ଟି କରୁଥିବାର ଫଟୋ ନୀତୁ କପୁର ଏବଂ ରିଦ୍ଧିମା ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି। ଯେଉଁଥିରେ ଦୁହେଁ କଳା ପୋଷାକରେ ନଜର ଆସିଛନ୍ତି।

କହିବାକୁ ଗଲେ କିଆରା ଏବଂ ସିଦ୍ଧାର୍ଥ ୨୦୨୧ରେ ମୁକ୍ତିଲାଭ କରିଥିବା ଫିଲ୍ମ ଶେର୍ ଶାହରେ ଏକାଠି କାମ କରିଥିଲେ। ଉଭୟଙ୍କ ପ୍ରେମ କାହାଣୀ ଏହି ସେଟରୁ ଆରମ୍ଭ ହୋଇଥିଲା। କିନ୍ତୁ ଉଭୟ ତାରକା ନିଜ ପ୍ରେମକୁ ଖୋଲାଖୋଲି ଭାବରେ ପ୍ରକାଶ କରିନଥିଲେ ବି କଫି ୱିଥ୍ କରଣର ସିଜିନ୍ ୭ରେ ସ୍ୱୀକାର କରିଥିଲେ ଯେ ଦୁହେଁ ପରସ୍ପରକୁ ଡେଟ୍ କରୁଛନ୍ତି ।