ମୁମ୍ଵାଇ ୧୪।୦୯: ବର୍ତ୍ତମାନ ବଲିଉଡ ଚଳଚ୍ଚିତ୍ର ଇଣ୍ଡଷ୍ଟ୍ରିରୁ ଖରାପ ଖବର ସାମ୍ନାକୁ ଆସୁଛି। ପୁଣି ଥରେ ଇଣ୍ଡଷ୍ଟ୍ରିରେ ଶୋକର ଲହରୀ ଖେଳିଯାଇଛି। ବୀରବଲ ନାମରେ ଜଣାଶୁଣା ଭେଟେରାନ ଅଭିନେତା ସତୀନ୍ଦର କୁମାର ଖୋସଲାଙ୍କର ଦେହାନ୍ତ ହୋଇଛି। ସେ ୮୪ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ମଙ୍ଗଳବାର ସନ୍ଧ୍ୟାରେ ସେ ମୁମ୍ବାଇର କୋକିଲାବେନ୍ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଥିଲେ। ହୃଦଘାତ ଯୋଗୁଁ ତାଙ୍କର ମୃତ୍ୟୁ ହୋଇଥିଲା।

ସତୀନ୍ଦର କୁମାର ଖୋସଲା ଇଣ୍ଡଷ୍ଟ୍ରିରେ ବୀରବଲ ଖୋସଲା ଭାବରେ ଜଣାଶୁଣା ଥିଲେ। ସେ ଶୋଲେ ଏବଂ ମେରା ନାମ ଜୋକର ଭଳି ବଡ ଚଳଚ୍ଚିତ୍ରରେ କାମ କରିଥିଲେ। ସେ ୫୦୦ ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଛନ୍ତି। ଲୋକମାନେ ତାଙ୍କର କମିକ୍‌ ଭୂମିକାକୁ ବହୁତ ପସନ୍ଦ କରୁଥିଲେ।  ସିନେ ଏବଂ ଟିଭି ଆର୍ଟିଷ୍ଟସ୍ ଆସୋସିଏସନ୍ (CINTAA) ମଧ୍ୟ ଟ୍ୱିଟରରେ ବୀରବଲଙ୍କ ଦେହାନ୍ତକୁ ନେଇ ଏକ ପୋଷ୍ଟ ସେୟାର କରିଛି।

CINTAA expresses its condolences on the demise of Birbal (Member since 1981)
.#condolence #condolencias #restinpeace #rip #birbal #condolencemessage #heartfelt #cintaa pic.twitter.com/bTXH0LArRp

— CINTAA_Official (@CintaaOfficial) September 12, 2023

୨୮ ଅକ୍ଟୋବର ୧୯୩୮ରେ ଜନ୍ମ ହୋଇଥିବା ସତୀନ୍ଦର ୧୯୬୬ ଚଳଚ୍ଚିତ୍ର ଡୋ ବନ୍ଧନ୍ ସହିତ ହିନ୍ଦୀ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ପ୍ରବେଶ କରିଥିଲେ। ସେ ହିନ୍ଦୀ, ପଞ୍ଜାବୀ, ଭୋଜପୁରୀ ଏବଂ ମରାଠୀ ଭାଷାରେ ୫୦୦ରୁ ଅଧିକ ଚଳଚ୍ଚିତ୍ରରେ କାମ କରିଛନ୍ତି। ତାଙ୍କର ଚମତ୍କାର କ୍ୟାରିୟରରେ ମେଁ ମେରା ଗାଁଓ ମେରା ଦେଶ, ତପସ୍ୟା ଚାର୍ଲି ଚାପଲିନ୍, ଅନୁରୋଧ, ସଦମା, ଅମୀର ଗରିବ, ଗାମ୍ଵର, ହମ ହେ ରହୀ ପ୍ୟାର କେ, ଦିଲ, ମିଷ୍ଟର ଆଣ୍ଡ ମିସେସ୍‌ ଖିଲାଡି ଭଳି ଅନେକ ଆଇକନିକ୍‌ ଫିଲ୍ମରେ ସାମିଲ୍‌ ଥିଲେ ।