ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୦୨୦-୨୨ରେ କୋଭିଡ଼ ନେଇଛି ୨୦ହଜାରରୁ ଅଧିକ ଜୀବନ, ବିଧାନସଭାରେ ରାଜସ୍ୱ ମନ୍ତ୍ରୀଙ୍କ ଲିଖିତ ଉତ୍ତର
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିରେ ହାଜର ହେଲେ ହୋଟେଲ ମାଲିକ
  • ||
  • ଟାଙ୍ଗୀ : ଅଧୁରା ରହିଗଲା ଜଗା ଦର୍ଶନ, ଦୁର୍ଘଟଣାରେ ଚାଲିଗଲା ୪ ଜୀବନ
  • ||

ଆମାଜନକୁ ଝଟକା ! ଫ୍ୟୁଚର-ରିଲାଏନ୍ସ ରିଟେଲ୍ ଡିଲ୍ ଉପରେ ନିଷ୍ପତ୍ତି ନେବାକୁ ରେଗୁଲେଟର୍ସକୁ କୋର୍ଟଙ୍କ ନିର୍ଦ୍ଦେଶ

21/12/2020 at 9:02 PM

ନୂଆଦିଲ୍ଲୀ ୨୧।୧୨: ଦେଶରେ ସବୁଠୁ ବଡ ରିଟେଲ୍ ଡିଲ୍‌ ପାଇଁ ପଥ ପରିଷ୍କାର ହୋଇଥିବା ଜଣା ପଡିଛି। ଦିଲ୍ଲୀ ହାଇକୋର୍ଟ ଫ୍ୟୁଚର ଗ୍ରୁପ୍ ଓ ଆମାଜନ୍ ବିବାଦ ମାମଲାରେ ବଡ ନିଷ୍ପତ୍ତି ଶୁଣାଇଛନ୍ତି। ଅଦାଲତ ଫ୍ୟୁଚର ଗ୍ରୁପର ଆପତ୍ତି ଅନୁସାରେ ନିଷ୍ପତ୍ତି ନେବାକୁ ରେଗୁଲେଟର୍ସକୁ ନିର୍ଦ୍ଦେଶ ଦେଇଛନ୍ତି। ଏହା ବ୍ୟତୀତ କୋର୍ଟ ଏଫଆରଏଲର ଉକ୍ତ ଆବେଦନକୁ ଖାରଜ କରିଛନ୍ତି, ଯେଉଁଥିରେ ଗୁହାରି କରାଯାଇଥିଲା ଯେ, ଆମାଜନକୁ ରେଗୁଲେଟର୍ସ ସହିତ ଆଲୋଚନା କରିବାକୁ ରୋକାଯାଉ।

ଗ୍ରୁପର ଡିଲ୍ ଉପରେ ଲଗାଇଲେ ଅନ୍ତରୀଣ ରୋକ୍

ଅକ୍ଟୋବରରେ ସିଙ୍ଗାପୁରର ଏକ ମଧ୍ୟସ୍ଥତା ଅଦାଲତ ରିଲାଏନ୍ସ ଓ ଫ୍ୟୁଚର ଗ୍ରୁପର ଡିଲ୍‌ ଉପରେ ଅନ୍ତରୀନ ରୋକ୍ ଲଗାଇଥିଲେ। ଦିଲ୍ଲୀ ହାଇକୋର୍ଟ ରେଗୁଲେଟର୍ସକୁ ଏହି ବିବାଦରେ ନିର୍ଣ୍ଣୟ ନେବାକୁ ଆଦେଶ ଦେଇଛନ୍ତି। ଏଥିସହ ସଙ୍କେତ ଦେଇଛନ୍ତି ଯେ, ମାମଲାକୁ ଭାରତୀୟ ଆଇନ ବ୍ୟବସ୍ଥା ଅନୁଯାୟୀ ସମାଧାନ କରାଯିବ। ଦିଲ୍ଲୀ ହାଇକୋର୍ଟ ସ୍ଵୀକାର କରିଛନ୍ତି ଯେ, ରିଲାଏନ୍ସର ରାଜିନାମାକୁ ମଞ୍ଜୁରୀ ଦେଇଥିବା ଏଫଆରଏଲ ବୋର୍ଡର ପ୍ରସ୍ତାବ ବୈଧ୍ୟ ଅଟେ।

ଉଚ୍ଚ ନ୍ୟାୟାଳୟ ୧୩୨ ପୃଷ୍ଠାର ନିଜର ଆଦେଶରେ ମଧ୍ୟ କହିଛନ୍ତି ଯେ, ଆମାଜନ ଫେମା ଓ ଏଫଡିଆଇ ନିୟମର ଉଲ୍ଲଂଘନ କରିଛି। ଆମାଜନ ବିଭିନ୍ନ ରାଜିନାମା କରି ଏଫଆରଏଲ ଉପରେ ନିୟନ୍ତ୍ରଣ କରିବାକୁ ଉଦ୍ୟମ କରିଛି, ଏହାକୁ ଉଚିତ୍ ଦର୍ଶାଯାଇ ପାରିବ ନାହିଁ ବୋଲି କୋର୍ଟ କହିଛନ୍ତି। ଯଦି ଫ୍ୟୁଚର ଓ ରିଲାଏନ୍ସକୁ ଆମାଜନର ଅଯଥା କାର୍ଯ୍ୟ ଯୋଗୁଁ କ୍ଷତି ସହିବାକୁ ପଡେ ତେବେ ସଂସ୍ଥା ଉପରେ କାର୍ଯ୍ୟାନୁଷ୍ଠାନ ନିଆଯାଇପାରେ।

   Related Posts