scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ରୋହିତଙ୍କ ଟିମ୍ ଜବରଦସ୍ତ ଫର୍ମରେ ଅଛି, ଟ୍ରଫି ଜିତିବାକୁ ଆଉ ୫ଟି ଭଲ ଦିନ ଦରକାର- ସୋଏବ ଅଖତାର

2/11/2023 at 10:00 AM

ମୁମ୍ବାଇ ୦୨।୧୧ : ଟିମ୍‌ ଇଣ୍ଡିଆକୁ ରାଓ୍ୱାଲପିଣ୍ଡି ଏକ୍ସପ୍ରେସଙ୍କ ପ୍ରଂଶସା । ଟିମ୍‌ ଯେଉଁଭଳି ଭାବେ ପ୍ରଦର୍ଶନ କରୁଛି । ଯଦି ଏପରି ଭାବେ ଆଗକୁ ବଢିଚାଲେ । ତେବେ ବିଶ୍ୱ କପ୍‌ ବିଜୟୀ କେହି ରୋକିପାରିବେନି ବୋଲି କହିଛନ୍ତି ପାକିସ୍ତାନର ଦ୍ରୁତ ବୋଲର ସୋଏବ ଅଖତାର ।

ସେ ଆହୁରି ମଧ୍ୟ କହିଛନ୍ତି ଯେ, ଚଳିତ ବିଶ୍ୱକପ୍‌ରେ ଭାରତୀୟ ଟିମ୍‌ ଜୋରଦାର ଫର୍ମରେ ରହିଛି । ଯାହାକି ଟିମ୍‌ର ପ୍ରଦର୍ଶନରେ ଜଣାପଡୁଛି । ଟିମ୍‌ର ସମସ୍ତ ସଦସ୍ୟ ଚମତ୍କାର ଫର୍ମରେ ରହିଛନ୍ତି । ବର୍ତ୍ତମାନ ଯାଏଁ ଟିମ୍‌ ୬ଟି ମୁକାବିଲାରେ ଖେଳିସାରିଛି । ଆଉ ସମସ୍ତ ମ୍ୟାଚ୍‌ରେ ବିଜୟୀ ହୋଇଛି । ଯଦି ଟିମ୍‌ ଏହିପରି ଭାବେ ପ୍ରଦର୍ଶନ ଜାରି ରଖିଥାଏ । ତେବେ ଚମ୍ପିଆନ୍‌ ହେବାରେ କେହିବି ଅଟକାଇ ପାରିବେନାହିଁ । ଚମ୍ପିଆନ୍‌ ହେଲେ ଟିମ୍‌କୁ ଆଉ ପାଞ୍ଚୋଟି ଭଲ ଦିନ ଦରକାର । ଯାହାଦ୍ୱାରା ଟିମ୍‌ ବିଶ୍ୱ ଚମ୍ପିଆନ୍‌ ହୋଇପାରିବ । ଭାରତୀୟ ଟିମ୍‌ର ଆଗାମୀ ଦିନରେ ୩ଟି ଲିଗ୍‌ ମ୍ୟାଚ୍‌ ରହିଛି । ଯଦି ସମସ୍ତ ମ୍ୟାଚ୍‌ ବିଜୟୀ ହୋଇ ସେମିରେ ଏଣ୍ଟ୍ରି କରେ ଟିମ୍‌ ଇଣ୍ଡିଆ । ଆଉ ସେମି ଓ ଫାଇନାଲକୁ ମିଶାଇ ଦୁଇଟି ମ୍ୟାଚ୍‌ ରହିଛି । ଯଦି ଟିମ୍‌ର ଖରାପ ଦିନ ନଆସେ, ତେବେ ଟିମ୍‌ ଚମ୍ପିଆନ୍‌ ହେବା ସୁନିଶ୍ଚିତ ।  

ସେହିପରି ରୋହିତ ଶର୍ମାଙ୍କ ବ୍ୟାଟିଂକୁ ନେଇ ଅଖତର କହିଛନ୍ତି ଯେ, ରୋହିତ ଜଣେ ଅଧିନାୟକ ଭାବେ ଚମତ୍କାର ଫର୍ମରେ ଅଛି । ବଡ଼ ଟୁର୍ଣ୍ଣାମେଣ୍ଟରେ କିପରି ସମସ୍ତ ଖେଳାଳିଙ୍କୁ ଚୟନ କରିବା ଏବଂ ତାଙ୍କ ଠାରୁ ପ୍ରଦର୍ଶନ କରାଇବା । ତାହା ରୋହିତଙ୍କ ଠାରୁ ଶିଖିବାକୁ ପଡିବ । ନିଜେ ମଧ୍ୟ ଭଲ ଫର୍ମରେ ଅଛନ୍ତି । ପାଓ୍ୱାରପ୍ଲେରେ ରୋହିତଙ୍କ ବ୍ୟାଟିଂ ଲାଗି ଟିମ୍‌ ବିରୋଧୀ ଦଳ ଠାରୁ ଆଗରେ ରହୁଛି ।

ସୂଚନାଯୋଗ୍ୟ ଯେ, ଦିନିକିଆ ବିଶ୍ୱକପ ୨୦୨୩ । ଭାରତ ବର୍ତ୍ତମାନ ସୁଦ୍ଧା ୬ଟି ମୁକାବିଲା ଖେଳିସାରିଛି । ଆଉ ସମସ୍ତ ମ୍ୟାଚ୍‌ରେ ବିଜୟୀ ହୋଇଛି । ୧୨ ଅଙ୍କ ସହ ପଏଣ୍ଟ ଟେବୁଲ୍‌ରେ ୨ୟ ସ୍ଥାନରେ ରହିଛି ଟିମ୍‌ ଇଣ୍ଡିଆ । ଦଳର ସମସ୍ତ ଖେଳାଳି ଜବରଦସ୍ତ ଫର୍ମରେ ରହିଛନ୍ତି ।

   Related Posts