ମୁମ୍ୱାଇ ୦୫/୦୬: ସ୍ପଷ୍ଟ ହୋଇସାରିଛି ଲୋକସଭା ନିର୍ବାଚନର ଫଳାଫଳ । ଏହାରି ଭିତରେ ମୁମ୍ବାଇ ଉତ୍ତର ପଶ୍ଚିମ ଲୋକସଭା ସିଟ୍ରୁ ଶିବସେନାରୁ (ଏକନାଥ ସିନ୍ଦେଙ୍କ ଦଳ) ପ୍ରାର୍ଥୀ ହୋଇଥିବା ରବୀନ୍ଦ୍ର ବାୟକର ବି ବିଜୟୀ ହୋଇଛନ୍ତି । ମାତ୍ର ୪୮ ଖଣ୍ଡ ଭୋଟରେ ଜିତିଛନ୍ତି ସେ । ହେଲେ ତାଙ୍କର ବିଜୟ ଥିଲା ବେଶ ରୋଚକ ।
୨୦୨୪ ଲୋକସଭା ନିର୍ବାଚନରେ ମହାରାଷ୍ଟ୍ରରେ ଏହା ହେଉଛି ବିଜୟର ସବୁଠାରୁ ଛୋଟ ବ୍ୟବଧାନ । ନିର୍ବାଚନ ଆୟୋଗର ତଥ୍ୟ ଅନୁଯାୟୀ, ଭାଏକର ମୁମ୍ବାଇ ଉତ୍ତର ପଶ୍ଚିମ ଲୋକସଭା ଆସନରୁ ୪,୫୨,୬୪୪ ଲକ୍ଷ ଭୋଟ୍ ପାଇଥିବାବେଳେ ଏହି ଆସନରୁ ତାଙ୍କର ନିକଟତମ ପ୍ରତିଦ୍ୱନ୍ଦ୍ୱୀ ଶିବସେନା (ୟୁବିଟି) ପ୍ରାର୍ଥୀ ଆମୋଲ କୀର୍ତ୍ତିକରଙ୍କୁ ୪,୫୨, ୫୯୬ ଖଣ୍ଡ ଭୋଟ୍ ମିଳିଛି।
ମୁମ୍ବାଇ ଉତ୍ତର ପଶ୍ଚିମ ଆସନରେ ପ୍ରତିଦ୍ୱନ୍ଦ୍ୱୀଙ୍କୁ ମାତ୍ର ୪୮ଟି ଭୋଟରେ ପରାସ୍ତ କରିବା ବାୟକର କହିଛନ୍ତି ଯେ ଗଣତନ୍ତ୍ରରେ ପ୍ରତ୍ୟେକ ଭୋଟର ମୂଲ୍ୟ ରହିଛି । ବାଜପେୟୀ ସରକାର ଗୋଟିଏ ଭୋଟରେ ହ୍ରାରିଯାଇଥିଲା । ମୁଁ କହିଥିଲି ଯେ ମୁଁ ଲଢିବି, ଜିତିବି ଏବଂ ମୁଁ ଜିତିଲି । ମୁଁ ମହାରାଷ୍ଟ୍ର, ମୁମ୍ବାଇ ଏବଂ ଦେଶର ସେବା କରିବାକୁ ଏକ ଶପଥ ନେଇଛି ।
ମୁଁ କହିଥିଲି ଯେ ଇଶ୍ବର ମୋତେ ଦେଖାଇଥିବା ରାସ୍ତାରେ ମୋତେ ଯାଇ ଜିତିବାକୁ ପଡିବ । ସେୟା ବି ହେଲା । ତେବେ କହି ରଖୁ ଯେ, ଶେଷ ଦିନରେ ବାୟକରଙ୍କୁ ମିଳିଥିଲା ଟିକେଟ୍ । ତାଙ୍କ ପାଖରେ ପ୍ରଚାର କରିବାକୁ ଥିଲା ମାତ୍ର ୧୩ ଦିନ । ସେହି ୧୩ ଦିନରେ ନିଜର ପାରୁ ପର୍ଯ୍ୟନ୍ତ ଲୋକଙ୍କ ପାଖକୁ ଯାଇ ଭୋଟ ଅପିଲ କରିଥିଲେ । ହେଲେ ତାଙ୍କର ଦୃଢ ମନୋବଳ ତାଙ୍କୁ ସବୁବେଳେ ବିଜୟର ଆଶା ଦେଇଥିଲା ଯାହା ସତ ହୋଇଛି ।