ମହାକାଳପଡା ୩୧।୩: ସ୍ବାମୀ ରାତ୍ର ଜଗୁଆଳି, ସ୍ତ୍ରୀ ସୁଇପର । କେନ୍ଦ୍ରାପଡ଼ା ଜିଲ୍ଲାର ରାଜନଗର ବ୍ଲକ୍‌ର ବଡପଲି ସରକାରୀ ଉଚ୍ଚ ବିଦ୍ୟାଳୟରେରେ ନିଯୁକ୍ତିରେ ଅନିୟମିତତାକୁ ନେଇ ତାତିଲେ ମହିଳା । ପ୍ରତିବାଦରେ ୧୩ଗୋଟି ମହିଳା ସ୍ବୟଂ ସହାୟକ ଗୋଷ୍ଠୀ ମହିଳାମାନେ ଏକାଠି ହୋଇ ବିଦ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି । ଫଳରେ ବିଦ୍ୟାଳୟକୁ ଛାତ୍ରଛାତ୍ରୀ ପ୍ରବେଶ କରିପାରିନଥିଲେ ।

ସୂଚନାଯୋଗ୍ୟ ଯେ, ବଡପଲି ସରକାରୀ ଉଚ୍ଚ ବିଦ୍ୟାଳୟରେ ମିଶନ ଶକ୍ତି ଦ୍ଵାରା ରାତ୍ର ଜଗୁଆଳି ଓ ସୁଇପର ପଦ ପାଇଁ ନିଯୁକ୍ତି ପ୍ରକ୍ରିୟା ଆରମ୍ଭ ହୋଇଥିଲା । ମାତ୍ର ବିଦ୍ୟାଳୟର ପ୍ରଧାନ ଶିକ୍ଷକ ଓ ସିଆରପି ଚଞ୍ଚକତା କରି, ରାଜନଗର ବ୍ଲକର ମହିଳା ମହାସଂଘର ସମ୍ପାଦିକା ଧରିତ୍ରୀ ସାହୁଙ୍କୁ ସୁଇପର ଓ ତାଙ୍କ ସ୍ବାମୀ ପ୍ରକାଶ ସାହୁଙ୍କୁ ରାତ୍ର ଜଗୁଆଳି ପଦରେ ନିଯୁକ୍ତି କରିବାକୁ ନେଇ ମହିଳା ସ୍ବୟଂ ସହାୟକ ଗୋଷ୍ଠୀଙ୍କ ମନରେ ଅସନ୍ତୋଷ ପ୍ରକାଶ ପାଇଥିଲା । ଏ ନେଇ ସ୍ଥାନୀୟ ବିଡିଓ, ବ୍ଲକ ଶିକ୍ଷା ଅଧିକାରୀଙ୍କ ଠାରୁ ଜିଲ୍ଲା ଶିକ୍ଷା ଅଧିକାରୀଙ୍କୁ ଜଣାଇଥିଲେ । ନିଯୁକ୍ତି ପ୍ରକ୍ରିୟାକୁ ବାତିଲ କରିବାକୁ ଅଭିଯୋଗ କରିଥିଲେ । ମାତ୍ର କୌଣସି ସୁଫଳ ମିଳିନଥିଲା । ଏ ନେଇ ମହିଳା ସ୍ବୟଂ ସହାୟକ ଗୋଷ୍ଠୀର ମହିଳାମାନେ ଏକାଠି ହୋଇ ବିଦ୍ୟାଳୟ ଫାଟକ ସମ୍ମୁଖରେ ଧାରଣା ଦେଇଛନ୍ତି । ସ୍ବାମୀ ଓ ସ୍ତ୍ରୀଙ୍କ ନିଯୁକ୍ତି ରଦ୍ଦ କରିବା ପାଇଁ ଦାବି କରିଛନ୍ତି । ନହେଲେ ଆନ୍ଦୋଳନ ଜାରି ରହିବ ବୋଲି ପ୍ରଶାସନକୁ ମହିଳାମାନେ ଚେତାବନୀ ଦେଇଛନ୍ତି ।