ମୁମ୍ଵାଇ ୦୮।୧୦: ଅଭିନେତ୍ରୀ ତଥା ପଞ୍ଜାବୀ ଗାୟିକା ଶେହନାଜ୍ ବିଗ୍ ବସ୍ ସିଜନ-୧୩ର ଫାଇନାଲିଷ୍ଟ ଥିଲେ। ଏହି ଶୋ’ରୁ ସେ ଖୁବ୍ ଲୋକପ୍ରିୟତା ହାସଲ୍ କରିଛନ୍ତି। ବର୍ତ୍ତମାନ ତାଙ୍କ ପିତା ସନ୍ତୋକ ସିଂ ସୁଖଙ୍କୁ ଫୋନରେ ମୃତ୍ୟୁ ଧମକ ଦିଆଯାଇଛି। ଏନେଇ ସନ୍ତୋକ ସିଂ ସୁଖ ମଧ୍ୟ ଅମୃତସର ଗ୍ରାମୀଣ ପୋଲିସକୁ ଅଭିଯୋଗ କରିଛନ୍ତି। ଏହି କଲ ପରେ ପରିବାର ଲୋକ ବହୁତ ଡରି ଯାଇଛନ୍ତି। ଏହି ସମୟରେ ଅଭିନେତ୍ରୀ ମଧ୍ୟ ବହୁତ ରାଗିଛନ୍ତି।
ଗଣମାଧ୍ୟମ ରିପୋର୍ଟ ଅନୁଯାୟୀ, ଅମୃତସରରୁ ଜଲନ୍ଦର ଅଭିମୁଖେ ଯାଉଥିବା ବେଳେ ସନ୍ତୋକଙ୍କ ଫୋନରେ ଏକ ବିଦେଶୀ ନମ୍ବରରୁ ଏକ କଲ ଆସିଥିଲା। ଫୋନ୍ ଉଠାଇବା ସମୟରେ କଲର୍ ତାଙ୍କୁ ଦୀପାବଳି ପୂର୍ବରୁ ଘରେ ପ୍ରବେଶ କରି ହତ୍ୟା କରିବ ବୋଲି ଧମକ ଦେଇଥିଲା। କେବଳ ଏତିକି ନୁହେଁ, କଲର୍ ତାଙ୍କୁ ଧମକ ଦେବା ପୂର୍ବରୁ ତାଙ୍କୁ ବହୁତ ଦୁର୍ବ୍ୟବହାର କରିଥିଲେ।
ଶେହନାଜ ଗିଲଙ୍କ ପିତା ସାନ୍ତୋକ ସିଂ ପ୍ରଥମ ଥର ପାଇଁ ଧମକ ପାଇନାହାଁନ୍ତି। ଏହା ପୂର୍ବରୁ ମଧ୍ୟ ମୃତ୍ୟୁ ଧମକ ଆସିଛି। କହିବାକୁ ଗଲେ ସନ୍ତୋକ ୨୦୨୧ ମସିହାରେ ବିଜେପିରେ ଯୋଗ ଦେଇଥିଲେ । ୨୫ ଡିସେମ୍ବରରେ ଦୁଇଜଣ ଅଜ୍ଞାତ ଆକ୍ରମଣକାରୀଙ୍କ ଦ୍ଵାରା ଆକ୍ରମଣ କରାଯାଇଥିଲା। ପଞ୍ଜାବରୁ ଏଭଳି ଘଟଣା କ୍ରମାଗତ ଭାବେ ବାହାରକୁ ଆସୁଛି।
