ଜଗତସିଂହପୁର,୦୪/୧୦: ବେଳାଭୂମିରେ ପଡିଛି ସାର୍କର ମୃତଦେହ । ଜଗତସିଂହପୁର ଜିଲ୍ଲା ଏରସମା ବ୍ଲକ ରାମତରା ନିକଟସ୍ଥ ସମୁଦ୍ର ବେଳାଭୂମିରେ ଏକ ମୃତ ସାର୍କ ଲାଗିଥିବାର ଦେଖିବାକୁ ମିଳିଛି ।
ସାର୍କଟିର ଓଜନ ପ୍ରାୟ ଏକ କ୍ୱିଣ୍ଟାଲରୁ ଅଧିକ ହେବ ବୋଲି ଆକଳନ କରା ଯାଉଛି । ପାରାଦୀପ ବନ୍ଦରକୁ ଆସୁଥିବା ଜାହାଜ କିମ୍ବା କୌଣସି ମାଛ ଧରା ଟ୍ରଲର ମାଡ଼ରେ ସାର୍କର ମୃତ୍ୟୁ ହୋଇ ଥିବା ସନ୍ଦେହ କରା ଯାଉଛି । ଖବର ପାଇ ବନ ବିଭାଗ କର୍ତ୍ତୃପକ୍ଷ ଘଟଣା ସ୍ଥଳରେ ପହଞ୍ଚି ମୃତ ସାର୍କଟିକୁ ଜବତ କରିବା ସହିତ ତଦନ୍ତ ଚଳାଇଛି । ସାର୍କକୁ ଦେଖିବା ପାଇଁ ବେଳାଭୂମିରେ ନିକଟସ୍ଥ ଲୋକଙ୍କର ଭିଡ଼ ଜମୁଥିବାର ଦେଖା ଯାଇଛି ।
