scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ରେକର୍ଡ ସ୍ତରରେ ସେୟାର ମାର୍କେଟ୍: ସେନସେକ୍ସ୍ ୪୬,୨୮୪ ଏବଂ ୧୩,୫୭୧ ଛୁଇଁଲା ନିଫ୍ଟି, ସୁଧୁରୁଛି ଅର୍ଥବ୍ୟବସ୍ଥା

14/12/2020 at 4:02 PM

ନୂଆଦିଲ୍ଲୀ ୧୪/୧୨ : ଦେଶର ଅର୍ଥବ୍ୟବସ୍ଥା ଦୃତ ଗତିରେ ସୁଧୁରିବାରେ ଲାଗିଛି । ବିଦେଶୀ ମୁଦ୍ରା କୋଷ ବଢୁଥିବାରୁ ଅର୍ଥବ୍ୟବସ୍ଥାରେ ବ୍ୟାପକ ସୁଧାର ଆସୁଛି । ତେବେ ବିଭିନ୍ନ କ୍ଷେତ୍ରକୁ ଦେଖିବାକୁ ଗଲେ ଦେଶରେ ଅର୍ଥବ୍ୟବସ୍ଥା ଦୃତ ଗତିରେ ସୁଧାର ଆସୁଛି । ଏହା ଦ୍ବାରା ସେୟାର ବଜାରରେ ମଧ୍ୟ ଉତ୍ସାହ ଦେଖାଦେଇଛି । ପିଏସୟୁ ବ୍ୟାଙ୍କ୍ ଏବଂ ମେଟାଲ ସେୟାରଗୁଡିକରେ କିଣାକିଣି ବୃଦ୍ଧି ପାଇବା ଫଳରେ ସେୟାର ବଜାର ନୂଆ ରେକର୍ଡ ସୃଷ୍ଟି କରିଛି ।

ବମ୍ବେ ଷ୍ଟକ୍ ଏକ୍ସଚେଞ୍ଜର ସୁଚକାଙ୍କ ଅନୁଯାୟୀ ସେନସେକ୍ସ୍ ୧୮୫ ଅଙ୍କ ବୃଦ୍ଧି ପାଇ ୪୬,୨୮୪ ରେ ଆରମ୍ଭ ହୋଇଥିଲା । ସେହିପରି ନେସନାଲ୍ ଷ୍ଟକ୍ ଏକ୍ସଚେଞ୍ଜର ନିଫ୍ଟି ୫୮ ଅଙ୍କ ସହିତ ୧୩,୫୭୧.୪୫ରେ ଖୋଲିଥିଲା । କରୋନା ମାହାମରୀ ଚାଲୁ ରହିଥିବା ବେଳେ ଲାଗାତାର ଭାବେ ଅର୍ଥ ବ୍ୟବସ୍ଥା ପାଇଁ ଭଲ ଖବର ମିଳିବାରେ ଲାଗିଛି  । ଆମେରିକାରେ ଫାଇଜର କୋଭିଡ୍ ଟୀକାକୁ ମଞ୍ଜୁରୀ ମିଳିବା ପରେ ସେୟାର ବଜାରରେ ଉତ୍ସାହ ଦେଖା ଦେଇଛି ।

ମାର୍ଚ୍ଚ ମାସରେ ସେୟାର ବଜାରରେ ସର୍ବକାଳୀନ ତଳକୁ ଖସିଥିବା ବେଳେ ଅକ୍ଟୋବର ମାସରେ ସେନସେକ୍ସ୍ ୪୦ ହଜାର ପାର କରିଥିଲା । ବମ୍ବେ ଷ୍ଟକ୍ ଏକ୍ସଚେଞ୍ଜର ସୂଚକାଙ୍କ ଅନୂଯାୟୀ ସେନସେକ୍ସ କାରବାର ବେଳେ ସେନସେକ୍କ୍ ୪୬,୩୭୩.୩୪ର ସହ ନୂଆ ରେକର୍ଡ କରିଛି । ସେହିପରି କାରବାର ବେଳେ ନେସନାଲ୍ ଷ୍ଟକ୍ ଏକ୍ସଚେଞ୍ଜର ନିଫ୍ଟି ୧୩,୫୯୭.୫୦ରେ ପହଞ୍ଚି ନୂଆ ରେକର୍ଡ କରିଛି । ଆଇଟି ଏବଂ ଅଟୋ ସେକ୍ଟରକୁ ଛାଡି ଅନ୍ୟ ସେକ୍ଟରଗୁଡିକରେ ଭଲ କାରବାର ହେଉଛି । କାରବାର ଆରମ୍ଭରୁ ପ୍ରାୟ ୧୨୯୨ଟି ସେୟାର ବୃଦ୍ଧି ଦେଖାଯାଇଥିବା ବେଳେ ୨୫୫ଟି କମ୍ପାନୀର ସେୟାରରେ ହ୍ରାସ ପାଇଛି ।

   Related Posts