scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବରିଷ୍ଠ କ୍ରିକେଟର ସେନ୍ ଓ୍ଵାଟଟସନଙ୍କୁ ସମ୍ମାନିତ କଲା ଆଇ.ସି.ସି, ଭାରତ ବିପକ୍ଷ ୨୦୧୨ ଓ୍ଵାଲର୍ଡ ଟି-୨୦ରେ ଖେଳିଥିଲେ ଚମତ୍କାର ଇଂନିସ

5/11/2020 at 4:42 PM

ନୂଆଦିଲ୍ଲୀ ୦୫/୧୧ : ଅଷ୍ଟ୍ରେଲିଆ କ୍ରିକେଟର ସେନ ଓ୍ବାଟସନ ମଙ୍ଗଳବାର କ୍ରିକେଟର ସମସ୍ତ ପ୍ରକାର ଫର୍ମାଟରୁ ଅବସର ଘୋଷଣା କରିଛନ୍ତି । ବିଗତ ୨ ଦଶନ୍ଦି ଧରି କ୍ରିକେଟ ଅଷ୍ଟ୍ରେଲିଆ ପକ୍ଷରୁ ଅଲରାଉଣ୍ତର ପ୍ରଦର୍ଶନ କରି ବିଶ୍ବ କ୍ରିକେଟରେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିଲେ । ବିଶ୍ବ କ୍ରିକେଟର ଅଲରାଉଣ୍ଡର ତାଲିକାରେ ଯେଉଁ କେତେ ଜଣ ନାଁ ଆସେ ସେଥି ମଧ୍ୟରୁ ସେନ ଓ୍ବାଟସନଙ୍କ ନାଁ ଅନ୍ୟତମ । ଚମତ୍କାର ବ୍ୟାଟିଂ ବଳରେ ଅଷ୍ଟ୍ରେଲିଆକୁ ବହୁବାର ବିଜୟୀ କରିବାରେ ଓ୍ବାଟସନଙ୍କ ଅବଦାନ ଅବିସ୍ମରଣୀୟ । କେବଳ ବ୍ୟାଟିଂ ନୁହେଁ ବୋଲିଂରେ ମଧ୍ୟ ପଡିଆ ମଧ୍ୟରେ ନିଜର ଦବଦବା ଦେଖାଇଛନ୍ତି ଓ୍ବାଟସନ ।

ତେବେ ଇଣ୍ଟରନେସନାଲ କ୍ରିକେଟ କାଉସିଲ (ଆଇସିସି) ନିଆରା ଢଙ୍ଗରେ ଓ୍ବାଟସନଙ୍କୁ ବିଦାୟ ଜଣାଇଛି । ଭାରତ ବିପକ୍ଷରେ ୨୦୧୨ରେ ଖେଳାଯାଇଥିବା ଟି-ଟ୍ବେଣ୍ଟି ବିଶ୍ବ କପର ଏକ ମ୍ୟାଚରେ ଓ୍ବାଟସନଙ୍କ ଚମତ୍କାର ଇଂନିସକୁ ମନେପକାଇଛି ଆଇସିସି । ତାଙ୍କ ସମ୍ମାନର୍ଥେ ସୋସିଆଲ ମିଡିଆରେ ସେହି ମ୍ୟାଚର କିଛି ଫଟୋ ଓ ଭିଡିଓ ମଧ୍ୟ ସେୟାର କରିଛି ଆଇସିସି ।

୨୦୧୨ ଭାରତ-ଅଷ୍ଟ୍ରେଲିଆ ମ୍ୟାଚରେ ଟସ ଜିତି ପ୍ରଥମେ ବ୍ୟାଟିଂ କରି ଭାରତ ଭଲ ଆରମ୍ଭ କରିଥିଲା କିନ୍ତୁ ମଧ୍ୟ କ୍ରମରେ ଭାରତୀୟ ବ୍ୟାଟ୍ସମ୍ୟାନ ଜଣଙ୍କ ପରେ ଜଣେ ଆଉଟ ହୋଇ ପ୍ୟାବିଲିୟନ ଫେରିଥିଲେ । ସେହି ମ୍ୟାଚରେ ଭାରତ ମୋଟ ୧୪୦/୭ ରନ କରିବାକୁ ସକ୍ଷମ ହୋଇଥିଲା ଏବଂ ସେହି ମ୍ୟାଚରେ ସେନ ଓ୍ବାଟସନ ୩ଟି ଓ୍ବିକେଟ ଅକ୍ତିଆର କରିଥିଲେ । କେବଳ ସେତିକି ନୁହେଁ ସେହି ମ୍ୟାଚରେ ଚମତ୍କାର ବ୍ୟାଟିଂ କରି ମାତ୍ର ୪୨ ବଲରୁ ୭୨ ରନ ସଂଗ୍ରହ କରିଥିଲେ ଓ୍ବାଟସନ । ସେ ମୋଟ ୭ଶହ ଆର୍ନ୍ତଜାତିକ ଏବଂ ଘରୋଇ ମ୍ୟାଚ ଖେଳି ୨୫ହଜାର ରନ ସଂଗ୍ରହ କରିଥିଲେ । ସେହି ପରି ବୋଲିଂରେ ମଧ୍ୟ ୬ଶହ ଓ୍ବିକେଟ ନେବାର ସୌଭାଗ୍ୟ ଅର୍ଜନ କରିଛନ୍ତି ।  କ୍ରିକେଟ ପ୍ରତି ଅବଦାନକୁ ମନେପକାଇ ପ୍ରଶଂସକ ମାନେ ସୋସିଆଲ ମିଡିଆରେ ସେନ ଓ୍ବାଟସନଙ୍କୁ ପ୍ରଶଂସା କରିଛନ୍ତି ।

   Related Posts