ମୁମ୍ବାଇ ୦୨।୦୨ : ୪ ବର୍ଷ ପରେ ବଡ ପରଦାକୁ ଫେରିଛନ୍ତି କିଙ୍ଗଖାନ୍ । ଶାହରୁଖଙ୍କ ‘ପଠାନ’ ବକ୍ସ ଅଫିସରେ ଧମାଲ୍ କରୁଛି । କିନ୍ତୁ ଆଜି ଆଲୋଚନା କରିବା ଶାହରୁଖଙ୍କ ବ୍ୟକ୍ତିଗତ ଜୀବନ ବିଷୟରେ । ପ୍ରାୟ ସମସ୍ତେ ଜାଣିଛନ୍ତି ଯେ ଶାହରୁଖ ମୁସଲିମ୍ ହୋଇଥିବା ବେଳେ ଗୌରୀ ହିନ୍ଦୁ ଅଟନ୍ତି । କିନ୍ତୁ କିଙ୍ଗଖାନଙ୍କ ପୁଅ ଝିଅ କେଉଁ ଧର୍ମ ଅନୁସରଣ କରନ୍ତି । ଜାଣିଛନ୍ତି କି ?

ପ୍ରଥମେ ଜାଣିବା ଶାହରୁଖଙ୍କ ପୁଅ ଆର୍ଯ୍ୟାନ୍ ଖାନଙ୍କ ବିଷୟରେ । ଗତବର୍ଷ ଡ୍ରଗ୍ସ କେସରେ ଗିରଫ ହୋଇଥିଲେ ଆର୍ଯ୍ୟାନ ଖାନ । ଯାହାପରେ ସେ ବେଶ୍ ଚର୍ଚ୍ଚାରେ ରହିଥିଲେ । ପରେ ଏନସିବି ତାଙ୍କୁ ଏହି କେସରେ କ୍ଲିନଚିଟ୍ ଦେଇଥିଲା । କିନ୍ତୁ ଜାଣିଛନ୍ତି କି ଆର୍ଯ୍ୟନ୍ ଖାନ୍ କେଉଁ ଧର୍ମ ଅନୁସରଣ କରନ୍ତି, ହିନ୍ଦୁ ଧର୍ମ ନା ମୁସଲମାନ ଧର୍ମ ?

ଏନେଇ ମା’ ଗୌରୀ ଖାନ ନିଜେ ଖୁଲାସା କରିଛନ୍ତି । ଗୌରୀ ଏକ ସାକ୍ଷାତକାର ସମୟରେ କହିଛନ୍ତ ଯେ, ଯେକୌଣସି ପର୍ବ ହେଉ, ତାଙ୍କ ଘରେ ଧୁମଧାମରେ ପାଳନ କରାଯାଇଥାଏ । କିନ୍ତୁ ଆର୍ଯ୍ୟାନଙ୍କ ବିଷୟରେ କହିବାକୁ ସେ ତାଙ୍କ ପିତାଙ୍କର ଅତି ନିକଟତର । ତେଣୁ ସେ ତାଙ୍କ ପିତାଙ୍କୁ ଅନୁସରଣ କରନ୍ତି ଏବଂ ସେ ନିଜକୁ ମୁସଲମାନ ବୋଲି ବିବେଚନା କରିଥାନ୍ତି  ।

ସେହିପରି ଛୋଟବେଳେ ସୁହାନାଙ୍କୁ ଯେତେବେଳେ ଧର୍ମ ସମ୍ପର୍କରେ ପଚରାଗଲା,  ସେତେବେଳେ ସେ ତାଙ୍କ ପିତାଙ୍କୁ ପଚାରିଥିଲେ ନିଜ ଧର୍ମ କଣ । ଏହାର ଜବାବରେ କିଙ୍ଗଖାନ କହିଥିଲେ ଯେ ଆମେ ଭାରତୀୟ ଏବଂ ଆମର କୌଣସି ଧର୍ମ ନାହିଁ ।

ତେବେ ଗୌରୀଙ୍କୁ ପଚରାଯାଇଥିଲା ଯେ ସେ ବିବାହ ପରେ କାହିଁକି ଧର୍ମ ପରିବର୍ତ୍ତନ କଲେ ନାହିଁ ? ଏହାର ଉତ୍ତରରେ ଗୌରୀ କହିଥିଲେ, ‘ମୁଁ ଶାହାରୁଖଙ୍କୁ ବହୁତ ଭଲ ପାଏ ଏବଂ ସମ୍ମାନ କରେ, କିନ୍ତୁ ଏହାର ଅର୍ଥ ନୁହେଁ ଯେ ମୁଁ ତାଙ୍କ ଧର୍ମ ଗ୍ରହଣ କରିବି ? ଅନ୍ୟପଟେ ସମାନ କଥା ଶାହାରୁଖଙ୍କ ପାଇଁ ମଧ୍ୟ ପ୍ରଯୁଜ୍ୟ ଅଟେ ।