ମୁମ୍ବାଇ୧୬।୦୨: ମୀରା ରାଜପୁତ, ଶାହିଦ କପୁରଙ୍କ ପତ୍ନୀ ହେଉଛନ୍ତି ମୀରା । ସେ ବଲିଉଡ ଇଣ୍ଡଷ୍ଟ୍ରିର ନୁହନ୍ତି, କିନ୍ତୁ ତାଙ୍କ ଷ୍ଟାଇଲ ଓ ଡ୍ରେସିଙ୍ଗ୍ ସେନ୍ସ ଦେଖିଲେ କେହି ବି କହିପାରିବେ ଯେ ସେ କୌଣସି ବଲିଉଡ ହସିନାଙ୍କଠାରୁ କମ୍ ନୁହଁନ୍ତି । ମୀରା କିଛି ଦିନ ହେବ ଏପରି ଆଉଟଫିଟରେ ନଜର ଆସୁଛନ୍ତି,ଯାହାକୁ ଦେଖିବା ପରେ ଫ୍ୟାନ୍ସଙ୍କ ମଧ୍ୟରେ କ୍ରେଜ୍ ଦେଖିବାକୁ ମିଳୁଛି ।

ନିକଟରେ ମୀରା ରାଜପୁତ ସିଦ୍ଧାର୍ଥ-କିଆରାଙ୍କ ବିବାହରେ ନଜର ଆସିଥିଲେ । ସେ ଏଥିରେ ଶାଢୀ ପିନ୍ଧିଥିବା ନଜର ଆସିଥିଲେ । ଏଥିରେ ମୀରା ନ୍ୟୁଡ କଲର ଶାଢୀରେ ନଜର ଆସିଥିଲେ। ଏହି ସିମ୍ପୁଲ ଦେଖାଯାଉଥିବା ଶାଢୀର ଦାମ୍ ଏବେ ସୋସିଆଲ ମିଡିଆରେ ସମସ୍ତଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି । ଜାଣନ୍ତୁ ସିମ୍ପଲ ଦେଖାଯାଉଥିବା ଏହି ଶାଢୀରେ କେତେ ଖର୍ଚ୍ଚ କରିଛନ୍ତି ମୀରା …

 ଶାହିଦଙ୍କ ପତ୍ନୀ ମୀରା ସିଦ୍ଧାର୍ଥ-କିଆରାଙ୍କ ରିସେପ୍ସନକୁ ନ୍ୟୁଡ୍ କଲରର ଏକ ନେଟ ଶାଢୀ ପିନ୍ଧି ଯାଇଥିଲେ  । ମୀରା ଏହି ଶାଢୀ ସହିତ ଏକ ହୋରାଇଜେଣ୍ଟଲ ନେକର ଶିମିରି ବ୍ଲାଉଜ୍ ପିନ୍ଧିଥିଲେ । ଏହି ଶାଢୀ ମୀରାଙ୍କ ଲୁକକୁ ଚାରଚାନ୍ଦ ଲଗାଉଥିଲା । ଶାଢୀ ସହ କାନରେ ପିନ୍ଧିଥିଲେ ବଡ ବଡ ଡାଇମଣ୍ଡ ଇଅରିଙ୍ଗ । ଏଥିସହିତ ସଟଲ ମେକଅପ ମୀରାଙ୍କ ଲୁକକୁ କମ୍ପ୍ଲିଟ କରୁଥିଲା ।

ରିପୋର୍ଟ ଅନୁଯାୟୀ, ମୀରା ରାଜପୁତଙ୍କ ଏହି ଶାଢୀର ମୂଲ୍ୟ ପ୍ରାୟ ୧ ଲକ୍ଷ ୯୫ ହଜାର ଟଙ୍କା । ମିରା ସିଦ୍ଧାର୍ଥ କିଆରାଙ୍କ ବିବାହ ରିସେପ୍ସନ୍ ଲୁକର କିଛି ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି । ସୋସିଆଲ ମିଡିଆରେ ଏହି ଫଟୋଗୁଡ଼ିକ ବହୁତ ପସନ୍ଦ କରିଛନ୍ତି ଫ୍ୟାନ୍ସ । ଏହା ବ୍ୟତୀତ ମୀରା ରାଜପୁତ ସିଦ୍ଧାର୍ଥ ଓ କିଆରାଙ୍କ ଓ୍ବେଡିଂ ଏବଂ ମେହେନ୍ଦୀର ଅନେକ ଫଟୋ ସେୟାର କରିଛନ୍ତି । ଯେଉଁଥିରେ ଉଭୟଙ୍କ ଲୁକ ବହୁତ ଆଟ୍ରାକ୍ଟିଭ୍ ଲାଗୁଛି ।