ମୁମ୍ବାଇ: ବାଦ୍‌ଶାହ ବ୍ୟାକ୍‌। ଟ୍ୱିଟରରେ ଟ୍ରେଣ୍ଡ କରୁଛି ହ୍ୟାସ୍ ଟ୍ୟାଗ୍। ଏହି ହ୍ୟାସ୍ ଟ୍ୟାଗ୍ କାହା ପାଇଁ ଜାଣିଛନ୍ତି? ବଲିଉଡ୍ ବାଦଶାହ ଶାହରୁଖ ଖାନ୍‌ଙ୍କ ପାଇଁ। ଦୀର୍ଘ ୪ ବର୍ଷର ବ୍ୟବଧାନ ପରେ ପୁଣିଥରେ ବଡ଼ ପରଦାକୁ ଫେରିଛନ୍ତି କିିଂ ଅଫ୍‌ ରୋମାନ୍ସ ଶାହରୁଖ ଖାନ୍….। ବହୁ ବାଦ ବିବାଦ, ବିରୋଧ ପ୍ରତିରୋଧ ପରେ ରିଲିଜ୍ ହୋଇଛି ତାଙ୍କ ବହୁ ପ୍ରତିକ୍ଷୀତ ଫିଲ୍ମ ପଠାନ…। ଆଉ ରିଲିଜ୍ ହେବା ମାତ୍ରେ ସମସ୍ତଙ୍କ ରେକର୍ଡ ଭାଙ୍ଗିଛି ଏହି ହିନ୍ଦୀ ସିନେମା। ବଲ୍ଲେ ବଲ୍ଲେ ବକ୍ସ ଅଫିସ୍।

ପ୍ରଥମ ଦିନରେ ସର୍ବାଧିକ ଆୟ କରିଥିବା ହିନ୍ଦୀ ସିନେମା ହୋଇଛି ପଠାନ। ସିଦ୍ଧାର୍ଥ ଆନନ୍ଦଙ୍କ ନିର୍ଦ୍ଦେଶିତ ଏହି ଫିଲ୍ମ ଗୋଟିଏ ଦିନରେ ୫୭ କୋଟିରୁ ଅଧିକ ଆୟ କରିଥିବା ଅନୁମାନ କରାଯାଉଛି। ହିନ୍ଦୀ ଭାଷାରେ ପଠାନ ୫୫ କୋଟି ଆୟ କରିଥିବା ବେଳେ ତାମିଲ ଓ ତେଲଗୁରେ ୨ କୋଟି ଆୟ କରିଛି ବୋଲି ଫିଲ୍ମ ଇଣ୍ଡଷ୍ଟ୍ରୀ ହିସାବ ଲଗାଇଛି।  

‘PATHAAN’ CREATES HISTORY, BIGGEST DAY 1 TOTAL… #Pathaan is now BIGGEST OPENER [#Hindi films] in #India… *Day 1* biz…
⭐️ #Pathaan: ₹ 55 cr [Non-holiday]
⭐️ #KGF2 #Hindi: ₹ 53.95 cr
⭐️ #War: ₹ 51.60 cr
⭐️ #TOH: ₹ 50.75 cr
Nett BOC. #India biz. pic.twitter.com/y2c5F0ySN0

— taran adarsh (@taran_adarsh) January 26, 2023

ହିନ୍ଦୀ ସିନେମା ଇତିହାସରେ ରେକର୍ଡ ଭାଙ୍ଗିଲା ପଠାନ

ତେବେ ପୂରା ଭାରତରେ ପଠାନ ପାଖାପାଖି ୬୭.୨୫ କୋଟି ଆୟ କରିଥିବା କୁହାଯାଉଛି। ଜାତୀୟ ମଲ୍ଟିପ୍ଲେକ୍ସଗୁଡ଼ିକରେ ଜବରଦସ୍ତ ହିଟ୍ କରିଛି ସିନେମା। ଆଇନକ୍ସ, ସିନୋପଲିସ ଓ ପିଭିଆର୍ ଭଳି ଜାତୀୟ ସିନେମାଘରଗୁଡ଼ିକ ରିଲିଜ୍ ଦିନ ୨୭.୫ କୋଟି ଆୟ କରିଛନ୍ତି। ଯାହା ମୋଟ ଦିନିକିଆ କଲେକ୍ସନରେ ପାଖାପାଖି ୫୦ ପ୍ରତିଶତ ହେବ। ତେବେ କାର୍ଯ୍ୟଦିବସରେ ରିଲିଜ୍ ହୋଇ ଫିଲ୍ମ ଏତେ ସଂଖ୍ୟାରେ ଆୟ କରିପାରିଥିବା ବେଳେ ଆଜି ଗଣତନ୍ତ୍ର ଦିବସ ଛୁଟିରେ ଅଧିକ ଆୟ କରିବ ବୋଲି ଆଶା କରାଯାଉଛି। ମାତ୍ର ଦୁଇ ଦିନ ଭିତରେ ପଠାନ ହିନ୍ଦୀ ସିନେମା ଇତିହାସରେ ରେକର୍ଡକାରୀ ପ୍ରଦର୍ଶନ ଦେବ ବୋଲି ଆଶା କରିଛି ପ୍ରଯୋଜନା ସଂସ୍ଥା।

ପୂର୍ବରୁ ଛୁଟିଦିନଗୁଡ଼ିକରେ ରିଲିଜ୍ ହୋଇ ୱାର୍ ଓ କେଜିଏଫ୍‌ ଓ ଦ ଠଗ୍ସ ଅଫ ହିନ୍ଦୁସ୍ତାନ ଯେତିକି ରେକର୍ଡ କରିଥିଲା, ପଠାନ କିନ୍ତୁ ଛୁଟି ଦିନରେ ରିଲିଜ୍ ନ ହୋଇ ସେମାନଙ୍କ ଆୟକୁ ପଛରେ ପକାଇ ଦିନକରେ ସର୍ବାଧିକ ଆୟ କରିଥିବା ହିନ୍ଦୀ ସିନେମା ହୋଇପାରିଛି।

ବିଦେଶରେ ପଠାନର ବକ୍ସ ଅଫିସ୍ କଲେକ୍‌ସନ

ପଠାନ ଫିଲ୍ମର ବିଦେଶରେ ଆୟ ବି ଭଲ ହୋଇଛି। ଓପନିଂ ଡେ’ ରେ ଫିଲ୍ମ ୪ ମିଲିୟନ ଆମେରିକୀୟ ଡଲାରରୁ ଅଧିକ ବ୍ୟବସାୟ କରିଛି। ଏହି ଆୟକୁ ଯଦି ଭାରତୀୟ ମୁଦ୍ରାରେ ବଦଳାଇ ଦେଖିବା, ତେବେ ବିଦେଶରେ ପଠାନ ପଖାପାଖି ୩୫.୭୫ କୋଟି ଟଙ୍କା ଆୟ କରିଛି। ପୂର୍ବରୁ ବଲିଉଡ୍‌ର କୌଣସି ଫିଲ୍ମ ବିଦେଶରେ ଏତେମାତ୍ରାରେ ଆୟ କରିପାରି ନଥିଲା। ଆପଣଙ୍କୁ କହି ରଖୁଛୁ ଯେ ଭାରତ ବାହାରେ ଶାହରୁଖ୍‌ଙ୍କ କ୍ରେଜ୍ ଅନ୍ୟ ବଲିଉଡ୍ ଅଭିନେତାଙ୍କ ଠାରୁ ଢେର୍‌ଗୁଣା ଅଧିକ। ଆଉ ବିଦେଶରେ ଏହି ବ୍ୟବସାୟ ତାର ଏକ ଉଦାହରଣ ମାତ୍ର।  

ଫିଲ୍ମର ଆୟ ଯେଉଁଭଳି ଭାବରେ ବଢ଼ି ଚାଲିଛି ସପ୍ତାହକ ଭିତରେ ବିଦେଶରେ ଫିଲ୍ମ ୧୫ ମିଲିୟନ ଆମେରିକୀୟ ଡଲାର ଆୟକରି ସର୍ବାଧିକ ଆୟକାରୀ ଫିଲ୍ମର ରେକର୍ଡ ଭାଙ୍ଗିବା ଲକ୍ଷ୍ୟରେ ରହିଛି। ସେହିପରି ବିଦେଶରେ ୩୦ ମିଲିୟନ ଆୟ ସହ ଭାରତର ନମ୍ବର ୱାନ୍ ଆୟକାରୀ ହିନ୍ଦୀ ସିନେମା ହୋଇ ରେକର୍ଡ କରିବା ଲକ୍ଷ୍ୟ ରଖିଛି ପଠାନ।

ବିଦେଶରେ ପଠାନର ପ୍ରଥମ ଦିନ ବକ୍ସ ଅଫିସ୍‌ କଲେକ୍ସନ ୧୦୩ କୋଟି ହୋଇଛି। ଯାହା ହିନ୍ଦୀ ସିନେମା ଇତିହାସରେ ପ୍ରଥମ ଘଟଣା। ଏକ ସୂଚନା ଅନୁସାରେ ସାରା ବିଶ୍ୱରେ ଏହି ସିନେମା ପାଖାପାଖି ୮ ହଜାର ସ୍କ୍ରିନ୍‌ରେ ରିଲିଜ୍ ହୋଇଛି ବୋଲି ଆକଳନ କରାଯାଉଛି। ଯଦିଓ ବାସ୍ତବତା କିଛି ଅଲଗା ଥାଇପାରେ। ତେବେ ବର୍ତ୍ତମାନ ସୁଧା ଟ୍ରେଣ୍ଡ ଅନୁସାରେ ବିଦେଶରେ ଫିଲ୍ମ ୧୦୦ କୋଟି ଆୟ କରିଥିବା ସଂକେତ ଦେଉଛି।

କିଙ୍ଗ୍ ଇଜ୍ ବ୍ୟାକ୍‌; ବଲିଉଡକୁ ବଳ ଦେବ ପଠାନ

କିଛି ବର୍ଷ ହେବ ବିରୋଧ ଓ ପ୍ରତିବନ୍ଧକ ମାଡ଼ରେ ଗୋଟିଏ ପରେ ଗୋଟିଏ ହିନ୍ଦୀ ସିନେମା ଫ୍ଲପ୍ ହେଉଛି। ତା ଛଡ଼ା କେତେବେଳେ କାହଣୀର ଅଭାବ ତ କେତେବେଳେ ଆକ୍ସନ ଓ ଗ୍ରାଫିକ୍ସକୁ ନେଇ ବଲିଉଡକୁ ସମାଲୋଚନା କରୁଛନ୍ତି ଫ୍ୟାନ୍ ଓ ସିନେ କ୍ରିଟିକ୍‌। ଏଥିରେ ପୂରା ବଲିଉଡ୍‌ରେ ନିରାଶା ଛାଇଯାଇଛି। ତେବେ ଶାହରୁଖଙ୍କର ଫିଲ୍ମ ପଠାନ ବଲିଉଡ୍ ପାଇଁ ପୁଣି ଉତ୍ସାହମୂଳକ ହେବ ବୋଲି ଆଶା କରାଯାଉଛି। କାରଣ ପରଦାକୁ ଫେରିଛନ୍ତି ସିନେମା ରାଜା, ଦି କିଂ ଅଫ୍ ରୋମାସନ୍ସ ଶାହରୁଖ ଖାନ୍।