ମୁମ୍ବାଇ: ରେକର୍ଡ ଭାଙ୍ଗିଲା ଶାହରୁଖ ଖାନ୍‌ଙ୍କ ଫିଲ୍ମ ପଠାନ। ଅମୀରଙ୍କ 'ଦଙ୍ଗଲ' ପଛରେ ପକାଇ ବଲିଉଡ୍‌ରେ ସର୍ବାଧିକ ଆୟକାରୀ ବଲିଉଡ୍‌ ଫିଲ୍ମ ହେବାର ଗୌରବ ଅର୍ଜନ କରିଛି ପଠାନ।

ପୂର୍ବରୁ ଅମୀର ଖାନ୍‌ଙ୍କ ଫିଲ୍ମ 'ଦଙ୍ଗଲ୍' ୩୮୭.୩୮ କୋଟି ଆୟ କରି ସର୍ବାଧିକ ଆୟକାରୀ ବଲିଉଡ୍ ସିନେମା ଥିଲା। ହେଲେ ପଠାନ ରିଲିଜ୍‌ରେ ୧୧ ଦିନରେ ୩୮୭.୫୦(ଆଗୁଆ ଆକଳନ) ଦଙ୍ଗଲ ରେକର୍ଡ ଭାଙ୍ଗି ଦେଇଛି।  ଶୁକ୍ରବାର ସୁଧା ଦଙ୍ଗଲ ରେକର୍ଡ ଭାଙ୍ଗିବାକୁ ଫିଲ୍ମକୁ ମାତ୍ର ୨୨.୮ କୋଟି ଟଙ୍କାର ଆବଶ୍ୟକ ରହିଥିଲା ବୋଲି ତରଣ ଆଦର୍ଶ ସୂଚନା ଦେଇଥିଲେ। ହେଲେ ଏବେ ପଠାନ ହେଲା ସର୍ବାଧିକ ଆୟକାରୀ ବଲିଉଡ ସିନେମା।

ଜାନୁଆରୀ ୨୫ ତାରିଖରେ ରିଲିଜ୍ ହୋଇଥିବା ପଠାନ ୧୧ ଦିନରେ ପରେ ବି ଦୈନିକ ଦୁଇ ଅଙ୍କରେ ଆୟ କରିଛି। ଆଜି ଆଗୁଆ ଆକଳନ ଅନୁସାରେ ଫିଲ୍ମଟି ୨୨.୫ କୋଟି ଆୟ କରିଛି।

wp:html

#Pathaan will surpass *lifetime biz* of #Dangal TODAY [Sat]… All set to emerge 3RD HIGHEST GROSSING *HINDI* FILM...

TOP 5…
1. #Baahubali2 #Hindi
2. #KGF2 #Hindi
3. #Pathaan
4. #Dangal
5. #Sanju
Nett BOC. #India biz. #Hindi. pic.twitter.com/sFr2pb7Frb

— taran adarsh (@taran_adarsh) February 4, 2023

/wp:html

ଗତକାଲି ୧୦ ଦିନରେ ଫିଲ୍ମର ଆୟ ବିଶ୍ୱବ୍ୟାପୀ ୭୨୫ କୋଟି ହୋଇଥିଲା। ଅନ୍ତର୍ଜାତୀୟ ମାର୍କେଟ୍‌ରେ ଫିଲ୍ମ ୭୦୦ କୋଟି ପାର୍ କରିସାରିଥିବା ବେଳେ ଭାରତରେ ଫିଲ୍ମଟି ୪୦୦ କୋଟି ପାର କରିସାରିଛି।
 

ସର୍ବାଧିକ ଆୟକାରୀ ହିନ୍ଦୀ ସିନେମା-

ପୂର୍ବରୁ ଦଙ୍ଗଲ ଭାରତରେ ୩୮୭.୩୮ କୋଟି ଆୟ ସହ ସର୍ବାଧିକ ଆୟକାରୀ ବଲିଉଡ୍ ସିନେମା ଥିଲା। ହେଲେ ପଠାନ ଆଜି ଏହି ରେକର୍ଡକୁ ଭାଙ୍ଗି ନମ୍ବରୱାନ ହୋଇଛି। ତେବେ ହିନ୍ଦୀ ଭାଷାରେ ରିଲିଜ୍ ହୋଇଥିବା ଫିଲ୍ମ ଭିତରେ ପଠାନ ଆଗରେ ରହିଛି ବାହୁବଳି-୨(୫୧୦,୯୯ କୋଟି), କେଜିଏଫ୍-୨(୪୩୪.୭୦ କୋଟି) ଆୟ କରିଛି।   

ଭାରତରେ ପଠାନର ଦୈନିକ ବକ୍ସ ଅଫିସ ଆୟ ରିପୋର୍ଟ-

ପ୍ରଥମ ଦିନ- ୫୫ କୋଟି
ଦ୍ୱିତୀୟ ଦିନ- ୬୮ କୋଟି
ତୃତୀୟ ଦିନ- ୩୮ କୋଟି
ଚତୁର୍ଥ ଦିନ- ୫୧.୫୯ କୋଟି
ପଞ୍ଚମ ଦିନ- ୫୮.୫୦ କୋଟି
ଷଷ୍ଠ ଦିନ- ୨୫.୫୦ କୋଟି
ସପ୍ତମ ଦିନ- ୨୧.୫୦ କୋଟି
ଅଷ୍ଟମ ଦିନ- ୧୭.୫୦ କୋଟି
ନବମ ଦିନ- ୧୫ କୋଟି
ଦଶମ ଦିନ -୧୩ କୋଟି
୧୧ ଦିନ - ୨୨.୫ କୋଟି(ଆଗୁଆ ଆକଳନ)
ମୋଟ- ୩୮୭.୫୦ କୋଟି(ହିନ୍ଦୀ ଆୟ)
ସେହିପରି ସବୁ ଭର୍ସନରେ ମୋଟ ଆୟ ୪୦୦.୮୫ କୋଟି

ଶାହରୁଖ ଖାନ୍‌ଙ୍କ ଫିଲ୍ମ ପଠାନ ବିଶ୍ୱ ବକ୍ସ ଅଫିସ୍‌ରେ ୧୦୦୦ କୋଟି ପାର୍ କରିବ ବୋଲି ଆକଳନ କରାଯାଉଛି। ତେବେ ଆସନ୍ତାକାଲି ସିନେମା ୮୦୦ କୋଟି ପାର୍ କରିବ ଏକଥା ନିଶ୍ଚିତ ହୋଇଛି।