ମୁମ୍ଵାଇ ୦୯।୦୬: ଶାହରୁଖ ଖାନ ହିନ୍ଦୀ ସିନେମା ଶିଳ୍ପର ସଫଳ ଅଭିନେତା । ତାଙ୍କର କୋଟି କୋଟି ପ୍ରଶଂସକ। ତାଙ୍କ ଅଭିନୀତ ସୁପର ଡୁପର ହିଟ୍, ବ୍ଲକବଷ୍ଟର ମୁଭିର ତାଲିକା ବି ବେଶ ଲମ୍ଵା । କୋୟଲା ଥିଲା ଶାହରୁଖଙ୍କ କ୍ୟାରିଅରର ଅନ୍ୟତମ ସଫଳ ଚଳଚ୍ଚିତ୍ର। ଏ ଫିଲ୍ମର ନିର୍ଦ୍ଦେଶକ ଥିଲେ ରାକେଶ ରୋଶନ। ଶାହରୁଖଙ୍କ ବିପକ୍ଷରେ ନାୟିକା ଥିଲେ ମାଧୁରୀ। ଅମରେଶ ପୁରୀ ଓ ପ୍ରଦୀପ ରାୱତ ମଧ୍ୟ କୋୟଲାରେ ଦୁଇ ଗୁରୁତ୍ଵପୂର୍ଣ୍ଣ ଚରିତ୍ର ନିର୍ବହ କରିଥିଲେ।ବକ୍ସ ଅଫିସ୍ରେ ଭଲ ବ୍ୟବସାୟ କରିଥିଲା କୋୟଲା।
ଏପ୍ରିଲ୍ ୭, ୧୯୯୭ରେ ପ୍ରେକ୍ଷାଳୟକୁ ଆସିଥିଲା । ଏତେ ବର୍ଷ ପରେ ଏ ଫିଲ୍ମ ବାବରେ କିଛିଅଜଣା କଥା କହିଛନ୍ତି ପ୍ରଦୀପ ଏକ ସାକ୍ଷାତକାରରେ। ସେ କହିଛନ୍ତି କି ଶାହରୁଖ ଖୁବ୍ ସିଗାରେଟ ପ୍ରେମୀ । ପ୍ରଥମ ସିଗାରେଟ୍ ଶେଷ ହୋଇ ନଥିବ, ସେ ଦିତ୍ଵୀୟ ସିଗାରେଟ୍ ଧରନ୍ତି। ଏମିତି ଗୋଟି ଗୋଟିଏ ସିଗାରେଟ୍ ସେ ଟାଣି ଚାଲନ୍ତି। ଅନ୍ୟ କୌଣସି କଳାକାର ଏତେ ସିଗାରେଟ୍ ଟାଣିଥିବାର କେବେ ଦେଖି ନାହାନ୍ତି ।
ଶାହରୁଖ ଜଣେ ରିଅଲ ସ୍ମୋକର। ତେବେ ସେ ସହ-କଳାକାରଙ୍କୁ ଉତ୍ତମ ବ୍ୟବହାର କରୁଥିବା ଜନେ ସୁନ୍ଦର ମଣିଷ ।. ଅଭିୟ ପ୍ରତି ନିଷ୍ଠା ଓ ଆନ୍ତରିକତା କିନ୍ତୁ ଅନ୍ୟମାନଙ୍କୁ ପ୍ରଭାବିତ କଲା ଭଳି ଏହାକୁ ଆସ୍ଵୀକାର କରାଯାଇପାରିବ ନାହିଁ ବୋଲି କହିଥିଲେ ପ୍ରଦୀପ । ନିର୍ଦ୍ଦେଶକ ରାକେଶ ରୋଶନଙ୍କୁ ସାକ୍ଷାତକାରରେ ଖୁବ୍ ପ୍ରଶଂସା କରିଥିଲେ ପ୍ରଦୀପ । କହିଥିଲେ-ରାକେଶ ରୋସନ ଭାରି ପାର୍ଟି ପ୍ରିୟ ମଣିଷ। କୋୟଲା ସୁଟିଂ କାମ ସରିବା ପରେ ପ୍ରତ୍ୟେକ ସନ୍ଧ୍ୟାରେ ପାର୍ଟି ହେଉଥିଲା । ରାକେଶଜି ସମସ୍ତଙ୍କ କବାଟ ବାଡେଇ ବାଡେଇ ଡାକି ଆଣୁଥିଲେ । ସମସ୍ତଙ୍କୁ ଖୁଆଇ ପିଆଇ ନିଜେ ଖୁସି ହେଉଥିଲେ ।
