ଔରେୟା ୧୭|୭: ସେକ୍ସ ରାକେଟ ଚଳାଉଥିବା ଯୁବତୀଙ୍କ ସମେତ ୫ ଦେହଜୀବୀ ଏବଂ ୧୧ ଜଣ ଗ୍ରାହକଙ୍କୁ ପୋଲିସ ଗିରଫ କରିଛି । ଉତ୍ତର ପ୍ରଦେଶର ଔରେୟା ଜିଲ୍ଲାରେ ଦୀର୍ଘ ଦିନ ଧରି ଏହି ସେକ୍ସ ରାକେଟ ଚାଲୁଥିଲା । ରିପୋର୍ଟ ଅନୁସାରେ ଦିବ୍ୟାପୁର ରୋଡ ବାଇପାସ୍‌ରେ ଏକ ଗୋପନୀୟ କୋଠାରେ କିଛି ମହିଳା ଏହି କଳା କାରନାମା କରିଆସୁଥିଲେ।

ଗୁପ୍ତ ସୂଚନା ପାଇ ପୋଲିସ ସେଠାରେ ପହଞ୍ଚି ଚଢଉ କରିଥିଲା। ଘଟଣା ସ୍ଥଳରୁ ୫ ଜଣ ମହିଳା ୧୧ଜଣ ଗ୍ରାହକ ଧରା ପଡିଥିଲେ। ଏହା ପରେ ବନାରସିଦାସ ଅଞ୍ଚଳରେ ଚଢଉ ହୋଇଥିଲା। ସେଠାରୁ ମଧ୍ୟ ପୋଲିସ କିଛି ଯୁବକ ଯୁବତୀଙ୍କୁ ହେପାଜାତକୁ ନେଇଥିଲା ଯାହା ଏଯାଏଁ ସ୍ପଷ୍ଟ ହୋଇନାହିଁ।

ଗିରଫ ହୋଇଥିବା ଯୁବକ ଓ ଯୁବତୀଙ୍କୁ ପଚରା ଉଚରା କରିଥିବାରୁ ଜଣା ପଡିଛି ଯେ, ସହରର ଜଣେ ବଡ ବ୍ୟବସାୟୀଙ୍କ ପୁଅ ଏହି ରାକେଟ ଚଲାଇବାରେ ସାମିଲ ଅଛି। କୋତୱାଲିର ଜଣେ ମହିଳା ଏହି ଦେହ ବ୍ୟବସାୟ ରାକେଟର ମୁଖ୍ୟ ବୋଲି କୁହାଯାଇଛି। ଗିରଫ ଯୁବତୀଙ୍କଠୁ ମିଳିଥିବା ତଥ୍ୟ ଆଧାରରେ ପୋଲିସ ଅନ୍ୟ ସ୍ଥାନରେ ମଧ୍ୟ ପୋଲିସ ଖୁବ ଶୀଘ୍ର ଚଡଉ କରିବ ବୋଲି ଜଣାପଡିଛି ।