vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ୟୁକ୍ରେନରେ ଋଷର ଘନଘନ ଆକ୍ରମଣ, ଲୁହାଂସ୍କକୁ କବଜା କଲା ପୁଟିନ ସେନା
  • ||
  • ସେୟାର ବଜାରରେ ଉତ୍ସାହ : ଆରମ୍ଭରୁ ସବୁଜ ରଙ୍ଗରେ ଖୋଲିଲା ସେନସେକ୍ସ ଓ ନିଫ୍ଟି
  • ||
  • ‘ଶିବସେନାକୁ ଶେଷ କରିବାକୁ ଚାହୁଁଚି ବିଜେପି’ : ଗୁରୁତର ଅଭିଯୋଗ ଆଣିଲେ ଉଦ୍ଧବ
  • ||
  • କାହିଁକି ମ୍ୟାଚରେ ପଛେଇଗଲା ଭାରତ ? କାରଣ କହିଲେ ବ୍ୟାଟିଂ କୋଚ୍
  • ||
  • ଭୂମିକମ୍ପରେ ଥରିଲା ଆଣ୍ଡାମାନ-ନିକୋବର, ରିକ୍ଟର ସ୍କେଲରେ ତୀବ୍ରତା ୫.୦
  • ||
  • ଲଘୁଚାପ ପ୍ରଭାବରେ ୪ ଦିନ ପ୍ରବଳ ବର୍ଷା, ଅଧିକ ଭିଜିବ ଏହି ସବୁ ଜିଲ୍ଲା
  • ||
  • ବୁମରାହଙ୍କ ପଡିଆ ଛାଡିବା ଟିମ୍‌କୁ ପଡିଲା ମହଙ୍ଗା, ଦୁଇଟି ରିଭ୍ୟୁ ବରବାଦ କଲେ ପନ୍ତ
  • ||

ଚାଲିଥିଲା ସେକ୍ସ ରାକେଟ୍, ଅସଞ୍ଜତ ଅବସ୍ଥାରେ ଠାବ କଲା ପୋଲିସ, ୨୪ ବର୍ଷୀୟା ଯୁବତୀ ଉଦ୍ଧାର

23/08/2020 at 9:05 AM

କଟକ,୨୩/୦୮: କଟକ ସହରର ପୂର୍ବାଞ୍ଚଳ ବିଦ୍ୟାଧରପୁର ଇଲାକାରେ ଦୀର୍ଘ ଦିନ ହେଲା ଚାଲିଥିବା ଏକ ସେକ୍ସ ରାକେଟକୁ ଚାଉଳିଆଗଞ୍ଜ ଥାନା ପୁଲିସ ଠାବ କରିଛି । ଏହି ଘଟଣାରେ ଜଣେ ଯୁବତୀଙ୍କୁ ଉଦ୍ଧାର କରାଯାଇଥିବା ବେଳେ ପୁଲିସ ଜଣେ ଗ୍ରାହକ ସମେତ ରାକେଟ୍ ଚଲାଉଥିବା କିଙ୍ଗ୍‌ପିନ୍‌ଙ୍କୁ ଗିରଫ କରିଛି । ଆଜି ଅଭିଯୁକ୍ତ ଦୁହିଙ୍କୁ କୋର୍ଟ ଚାଲାଣ କରାଯିବ ବୋଲି ପୁଲିସ କହିଛି ।

ମିଳିଥିବା ସୂଚନା ଅନୁସାରେ, ବିଦ୍ୟାଧରପୁର ଅଞ୍ଚଳର ଏକ ଭଡ଼ା ଘରେ ଦୀର୍ଘ ଦିନ ହେଲା ସେକ୍ସ ରାକେଟ୍ ଚାଲୁଥିବାର ଅଭିଯୋଗ ହୋଇଆସୁଥିଲା । ସ୍ଥାନୀୟ ଲୋକେ ସନ୍ଦିଗ୍ଧଙ୍କ ଗତିବିଧି ଉପରେ ନଜର ରଖି ପୁଲିସକୁ ଖବର ଦେଇ ଆସୁଥିଲେ । ଶନିବାର ଦିନ ବେଳେ ଉକ୍ତ ଘରେ ଏଭଳି କିଛି ଅସାମାଜିକ କାର୍ଯ୍ୟ ଚାଲିଥିବା ପୁଲିସକୁ ଖବର ମିଳିଥିଲା। ସଙ୍ଗେ ସଙ୍ଗେ ପୁଲିସର ଏକ ଟିମ୍‌ ସେଠାରେ ଚଢ଼ଉ କରି ଉକ୍ତ ଘରୁ ଜଣେ ଯୁବତୀ ଓ ଯୁବକଙ୍କୁ ଅସଂଯତ ଅବସ୍ଥାରେ ଠାବ କରିଥିଲେ । ସେହି ଘରେ ରହୁଥିବା ଆଉ ଜଣେ ବ୍ୟକ୍ତିଙ୍କୁ ମଧ୍ୟ ପୁଲିସ କାବୁ କରିଥିଲା । ଥାନାରେ ଜେରା ବେଳେ ବ୍ୟକ୍ତିଜଣକ ସେଠାରେ ସେକ୍ସ ରାକେଟ୍ ଚଲାଉଥଲା ଓ ଯୁବକ ଜଣେ ଗ୍ରାହକ ଥିଲା ବୋଲି ଉକ୍ତ ବ୍ୟକ୍ତି ପୁଲିସ ଆଗରେ ସ୍ୱୀକାର କରିଛି । ଉଦ୍ଧାର ହୋଇଥିବା ୨୪ ବର୍ଷିୟା ଯୁବତୀ ଜିଲ୍ଲା ବାହାରର । ସେଠାକୁ ସେ କିପରି ଆସିଲେ ସେନେଇ ପୁଲିସ ଅଧିକ ତଦନ୍ତ ଜାରି ରଖିଛି । ଘରେ ରହୁଥିବା ୪୮ ବର୍ଷିୟ ବ୍ୟକ୍ତି ଓ ଗ୍ରାହକ ହୋଇ ଆସିଥିବା ୪୨ ବର୍ଷିୟ ଯୁବକଙ୍କୁ ଚାଉଳିଆଗଞ୍ଜ ଥାନା ପୁଲିସ ଗିରଫ କରିଛି ।

ସେଠାରେକେବେଠାରୁ ଏହି ବ୍ୟବସାୟ ଚାଲିଥିଲା, ପ୍ରତିଦିନ କେତେ ଗ୍ରାହକ ଆସୁଥିଲେ, ସେଠାକୁ ସେହି ଜଣେ ଯୁବତୀ ଆସିଥିଲେ ନା ଅଧିକ ଯୁବତୀ ଆସୁଥିଲେ, ସେସବୁର ତଦନ୍ତ ଚାଲୁ ରହିଛି । ରବିବାର ଏହି ଘଟଣା ନେଇ ପୁଲିସ ବିସ୍ତୃତ ସୂଚନା ପ୍ରଦାନ କରିବ ବୋଲି କହିଛି । ଅନ୍ୟପଟେ ଦୀର୍ଘ ଦିନ ପରେ ସହରରୁ ଏକ ସେକ୍ସ ର‌୍ୟାକେଟ୍‌ ଠାବ ହେବା ଘଟଣା ଆଜି ସହରରେ ଆଲୋଡନ ଖେଳାଇ ଦେଇଛି । କରୋନା ମହାମାରୀ ସମୟରେ ବଞ୍ଚିବା ପାଇଁ ସମସ୍ତେ ସଂଘର୍ଷ କରୁଥିବା ବେଳେ କଟକରେ ଏଭଳି ସୁସଂଗଠିତ ଭାବେ ଅନୈତିକ କାମ ହେବା ପୁଲିସ ପାଇଁ ଅଡ଼ୁଆ ସ୍ଥିତି ସୃଷ୍ଟି କରିଛି ।

   Related Posts