ଆଠଗଡ଼ ୮।୪: ଆଠଗଡ଼ ବ୍ଲକ୍ ଆଙ୍କୁଲା ସତ୍ୟବାଦୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟର ଫାଟକ ସମ୍ମୁଖରେ ଖେଳୁଥିବା ବେଳେ ଅଘଟଣ । ସ୍କୁଲ ଫାଟକଟି ଗଳି ପଡ଼ିବାରୁ ଶିଶୁଟିର ମୃତ୍ୟୁ ଘଟିଛି ।
{"id":769650,"width":739,"height":406,"sizeSlug":"full","linkDestination":"none"}![](https://www.prameyanews7.com/wp-content/uploads/2023/04/vlcsnap-2023-04-08-11h02m40s741.png)
ସୂଚନାଯୋଗ୍ୟ ଯେ, ଶୁକ୍ରବାର ଗୁଡ୍ ଫ୍ରାଇଡେ ଥିବାରୁ ବିଦ୍ୟାଳୟ ଛୁଟି ଥିଲା । କିନ୍ତୁ ବିଦ୍ୟାଳୟର ଗେଟ୍ଟି ଖୋଲା ରହିଥିଲା । ସେଥିପାଇଁ ପିଲାମାନେ ସ୍କୁଲ ପରିସରରେ ଖେଳ ସାରି ଘରକୁ ଫେରିବା ବେଳେ ଗେଟ୍ର ଗୋଟିଏ ପାର୍ଶ୍ୱ ଲୁହା ଗେଟ୍ ପିଲାଟି ଉପରେ ମାଡିବସିଥିଲା । ଫଳରେ ଆଙ୍କୁଲା ଗାଁର ଚିକୁ ନାଏକଙ୍କର ମୃତ୍ୟୁ ହୋଇଥିଲା । ତାଙ୍କୁ ପ୍ରଥମେ ଗୁରୁତର ଅବସ୍ଥାରେ ଆଠଗଡ଼ ଡ଼ାକ୍ତରଖାନାକୁ ନିଆଯାଇଥିଲା ହେଲେ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏ ବାବଦରେ ଖବର ପାଇ ଆଠଗଡ଼ ପୋଲିସ ଏକ ଅପମୃତ୍ୟୁ ମାମଲା ୯/୨୩ରେ ରୁଜୁ କରି ତଦନ୍ତ ଆରମ୍ଭ କରିଛି । ଶନିବାର ଶିଶୁଟିର ଶବ ବ୍ୟବଚ୍ଛେଦ କରାଯିବ । ଏଠି ପ୍ରଶ୍ନ ଉଠିଛି ସ୍କୁଲ କର୍ତ୍ତୃପକ୍ଷଙ୍କ ଖାମଖିଆଲି ମନୋଭାବ ପାଇଁ ନିରୀହ ଶିଶୁଟି ପ୍ରାଣ ହରାଇଛି । ଏଥିପ୍ରତି ଦାୟୀ କିଏ ରହିବ ?