ଖଣ୍ଡପଡା ୨୯।୫: ପୋଲିସର ଦୁର୍ବ୍ୟବହାର ବିରୋଧରେ କଣ୍ଟିଲୋ ନୀଳମାଧବ ମନ୍ଦିରର ପୂଜକମାନେ ଧାରଣା ଦେଇଛନ୍ତି । କଣ୍ଟିଲୋ ଫାଣ୍ଡି ଅଧିକାରୀ ରମେଶ ଚନ୍ଦ୍ର ଜେନାଙ୍କ ବିରୋଧରେ ମନ୍ଦିର ପୂଜକମାନେ ଏଭଳି ଅଭିଯୋଗ ଆଣିଛନ୍ତି । ଫାଣ୍ଡି ଅଧିକାରୀ ପୂଜକମାନଙ୍କୁ ଦୁର୍ବ୍ୟବହାର କରିବା ସହ ବିଭିନ୍ନ ସମୟରେ ଧମକ ଚମକ ଦେଉଛନ୍ତି ।

ତେବେ ଫାଣ୍ଡି ଅଧିକାରୀଙ୍କ ବଦଳି ଦାବି କରି ସୋମବାର ମନ୍ଦିର ପୂଜକମାନେ ନୀତି ବନ୍ଦ କରିଥିବା ଜଣାପଡିଛି । ପୂଜକମାନେ ଠାକୁରଙ୍କ ନୀତି ବନ୍ଦ କରିବା ସହ ପର୍ଯ୍ୟଟକମାନଙ୍କୁ ଅସହଯୋଗ କରୁଥିବା ଜଣାପଡିଛି । ଭୋଗ ନ କରିବା ଯୋଗୁଁ ପର୍ଯ୍ୟଟକମାନେ ପ୍ରସାଦ ନପାଇ ମନ ଦୁଃଖରେ ଫେରୁଥିବା ଜଣାପଡିଛି ।

ଧାରଣାସ୍ଥଳଙ୍କୁ ଅତିରିକ୍ତ ଏସ୍‌ପି ପହଞ୍ଚି ପୂଜକମାନଙ୍କୁ ବୁଝାସୁଝା କରୁଥିବା ଜଣାପଡିଛି ।