ବଡ଼ବିଲ: ଭୟଙ୍କର ସିରିଜ୍ ଦୁର୍ଘଟଣା। ଏଥିରେ ୬ ଜଣକ ମୃତ୍ୟୁ ହୋଇଛି। ଘଟଣା ଘଟିଛି ଏନ୍ଏଚ୍ ୫୨୦ ରିମୁଳି ବାଇପାସରେ ନିକଟରେ। ସୂଚନା ଅନୁଯାୟୀ, ଛକ ଠାରେ ଏକ ଟ୍ରକ୍, କାର୍ ଏବଂ ଟ୍ରକ୍ ମଧ୍ୟରେ ଧକ୍କା ଫଳରେ କାର୍ରେ ଥିବା ୬ ଜଣକ ମୃତ୍ୟୁ ହୋଇଛି। ଏମାନେ ସମସ୍ତେ ବଡବିଲରୁ ଫେରିବାବେଳେ ଦୁର୍ଘଟଣା ଘଟିଛି।
ସୂଚନା ଅନୁଯାୟୀ, କାର୍ ଆଗରେ ଯାଉଥିବା ଟ୍ରକ୍ ବ୍ରେକ୍ ଦେଇଥିଲା। ଆଉ ହଠାତ୍ ବ୍ରେକ୍ ମାରିବାରୁ କାର୍ଟି ଟ୍ରକ୍କୁ ପଛରୁ ଧକ୍କା ହୋଇଥିଲା। ହେଲେ ଏହି ସମୟରେ ପଛରୁ ଆସୁଥିବା ଆଉ ଏକ ଟ୍ରକ୍ କାର୍କୁ ଧକ୍କା ଦେଇଥିଲା। ଏହି ଦୁର୍ଘଟଣା ଏତେ ଭୟଙ୍କର ଥିଲା ଯେ, କାର୍ଟି ସଂପୂର୍ଣ୍ଣ ଚାପି ହୋଇଯାଇଥିଲା। ଏଥିରେ କାରରେ ଥିବା ୬ ଜଣକ ମୃତ୍ୟୁ ହୋଇଛି। ଏବେବି କାର୍ ଭିତରେ ଚାପି ହୋଇ ରହିଛି ମୃତଦେହ।
ତେବେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତ ପୋଲିସ ଏବଂ ଦମକଳ ବାହିନୀ । ସୂଚନା ଅନୁଯାୟୀ, ବଡ଼ବିଲ ଭଦ୍ରାସାହି ଅଞ୍ଚଳରୁ ହିରାଲାଲ ପଲେଇ ନିଜ ପରିବାର ସହ ବାଂଶପାଳ ବ୍ଲକ୍ ତରମାକାନ୍ତକୁ ଯାଉଥିଲେ ।
