ବୌଦ୍ଧ ୨୬/୦୧: ବୌଦ୍ଧ ବହିରା ଛକରେ ମର୍ମନ୍ତୁଦ ଦୁର୍ଘଟଣା । ୫ ବାଇକ୍କୁ ପିଟି ସିରିଜ୍ ଦୁର୍ଘଟଣା ଘଟାଇଲା ସ୍କର୍ପିଓ । ଫଳରେ ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ହେବା ସହ ୩ ଗୁରୁତର ହୋଇଛନ୍ତି ।
ସୂଚନା ଥାଉକି, ସ୍କର୍ପିଓଟି ବଲାଙ୍ଗୀରରୁ ଭୁବନେଶ୍ୱର ଯାଉଥିବା ବେଳେ ଦୁର୍ଘଟଣା ଘଟାଇଥିଲା । ୫ ବାଇକ୍କୁ ପିଟି ହୋଟେଲକୁ ପଶିଯାଇଥିଲା ଗାଡ଼ି । ମୃତ ବାଇକ୍ ଆରୋହୀ ହେଉଛନ୍ତି ଆଇଁଲାପଳି PEO ଗୋବିନ୍ଦ ସାହୁ । ତେବେ PEO ଗୋବିନ୍ଦ ସାହୁ ପତାକା ଉତ୍ତୋଳନ କରିବାକୁ ନିଜ ପଞ୍ଚାୟତ ଅଭିମୁଖେ ଯାଉଥିବା ବେଳେ ଦୁର୍ଘଟଣା ଘଟିଥିଲା ।
ସେହିଭଳି ଅନ୍ୟ ଜଣେ ହୋଟେଲରେ ଛିଡା ହୋଇଥିବା ମାଡିଯାଇଥିଲା ଗାଡି । ଫଳରେ ସେହି ସ୍ଥାନରେ ହିଁ ତାଙ୍କର ମୃତ୍ୟୁ ହୋଇଥିଲା । ସେପଟେ ଏମିତି ଘଟଣା ପରେ ଲୋକେ ଟାୟାର ଜାଳି ୫୭ ନଂ ଜାତୀୟ ରାଜପଥ ଇବରୋଧ କରିଛନ୍ତି ।
