ଭୁବନେଶ୍ୱର – ଆସନ୍ତାକାଲି ଭୁବନେଶ୍ବର ୱାନ୍ ଟ୍ବେଣ୍ଟି ବାଟାଲିଅନରେ ସିପାହୀ ନିଯୁକ୍ତି ଲାଗି ପରୀକ୍ଷା । ପ୍ରଥମ ଦିନରେ ମଧ୍ୟପ୍ରଦେଶ ଓ ବିହାରର ଆବେଦନକାରୀ ପରୀକ୍ଷା ଦେବେ । ଏଥିଲାଗି ରାଜଧାନୀରେ ଏବେ ମାଳ ମାଳ ଯବାନ ଆଶାୟୀ ଯୁବକ । ତେବେ ଏମାନଙ୍କ ରହଣି ଲାଗି କୌଣସି ବ୍ୟବସ୍ଥା ନ ଥିବାରୁ ଫୁଟପାଥରେ ହିଁ କଟିବ ରାତି ।
ରାଜଧାନୀର ରାସ୍ତା କଡ଼ରେ ଯେଉଁଠି ନଜର ପକାଇଲେ ଯୁବକଙ୍କୁ ଫୁଟପାଥରେ ଶୋଇଥିବାର ଦେଖିବାକୁ ମିଳୁଛି । ବିଶେଷକରି, ଲୋୟର ପିଏମଜି, ଆଇଜି ପାର୍କ ଏରିଆରେ ଏହି ଦୃଶ୍ୟ ଅଧିକ ରହିଛି । ଏହି ଯୁବକମାନେ ଆସିଛନ୍ତି ଟେରିଟୋରିଆଲ ଆର୍ମି ନିଯୁକ୍ତିର ପରୀକ୍ଷା ଦେବାକୁ । ୭୧ଟି ସିପାହୀ ପଦବୀ ଲାଗି ଆସନ୍ତାକାଲି ଭୁବନେଶ୍ବରର ୧୨୦(ୱାନ୍ ଟ୍ବେଣ୍ଟି) ବାଟାଲିଅନରେ ମଧ୍ୟପ୍ରଦେଶ ଓ ବିହାରର ଯୁବକଙ୍କ ଲାଗି ଫିଜିକାଲ ଟେଷ୍ଟ ହେବ । ପଦବୀ ୭୧ ହେଲେ ଆବେଦନକାରୀ ହଜାର ହଜାର ସଂଖ୍ୟାରେ । ତେବେ ରହଣୀ ଲାଗି ଏମାନଙ୍କୁ ନିଜେ ବ୍ୟବସ୍ଥା କରିବାକୁ ଥିବାରୁ ଗରିବ ଆବେଦନକାରୀଙ୍କୁ ଫୁଟପାଥରେ ଶୋଇଥିବାର ଦେଖିବାକୁ ମିଳିଛି । ରବିବାର ରାତି ତାଙ୍କର ଏହି ଫୁଟପାଥରେ ହିଁ କଟିବ ।
୧୪ ଅକ୍ଟୋବର ବିହାର ଓ ମଧ୍ୟ ପ୍ରଦେଶ, ୧୫ ଉତ୍ତର ପ୍ରଦେଶ, ୧୬ ଓଡ଼ିଶା, ୧୭ ଉତ୍ତରାଖଣ୍ଡ, ୧୮ ଝାଡ଼ଖଣ୍ଡ, ୧୯ ଛତିଶଗଡ଼ ଓ ୨୦ରେ ସମସ୍ତ ରାଜ୍ୟର ଧାର୍ମିକ ଶିକ୍ଷକ ଲାଗି ଆବେଦନକାରୀଙ୍କ ପରୀକ୍ଷା ହେବ । ସୀମିତ ପଦବୀ ଲାଗି ଆବେଦନର ସଂଖ୍ୟା କିନ୍ତୁ ବେଶ୍ ଅଧିକ ରହୁଛି । ଅତଚ ପରୀକ୍ଷାର୍ଥୀଙ୍କ ରହଣି ଲାଗି କୌଣସି ବି ବ୍ୟବସ୍ଥ ହୋଇି । ପୂର୍ବରୁ ଏଭଳି ସିପାହୀ ପରୀକ୍ଷା ଗୁଡ଼ିକରେ ବିଭିନ୍ନ ପଡ଼ିଆରେ ଟଣ୍ଟ ଲଗାଇ ସୁବିଧା ହେଉଥିଲା । କିନ୍ତୁ ଚଳିତ ବର୍ଷ ତାହା କରାଯାଇ ନାହିଁ ।