ମୁମ୍ବାଇ,୧୨/୦୩: ଚଳିତ ସପ୍ତାହର ଶେଷ କାରବାର ଦିନ ଅର୍ଥାତ ଶୁକ୍ରବାର ସେୟାର ବଜାରରେ ଭଲ ଆରମ୍ଭ ହୋଇଛି । ସକାଳେ ୪୪୨.୦୨ ଅଙ୍କ ବୃଦ୍ଧି ପାଇ ସେୟାର ବଜାର ଖୋଲିଛି । ଏହାସହ ସେନସେକ୍ସ ୫୧,୭୨୧.୫୪ ପଏଣ୍ଟରେ ପହଁଚିଛି ।
ସେହିପରି ନିଫ୍ଟି ୧୨୪.୩୦ ପଏଣ୍ଟ ବୃଦ୍ଧି ପାଇ ଖୋଲିଥିଲା । ଏହାସହ ୧୫୨୯୯ ଅଙ୍କ ଛୁଇଁଥିଲା । ଶୁକ୍ରବାର ସକାଳେ ଆଇଡିବିଆଇ ଓ ଆଇଏଫସିଆଇର ସେୟାର ସବୁଠାରୁ ଭଲ କାରବାର କରିଥିଲା । ଆଇଟିଡିସି ଓ ଅଦାନୀ ପାଓ୍ୱାର୍ସର ସେୟାରରେ ହ୍ରାସ ପରିଲକ୍ଷିତ ହୋଇଥିଲା ।
ସୂଚନାଯୋଗ୍ୟ, ଗୁରୁବାର ମହାଶିବରାତ୍ରି ଥିଲା । ଏହି କାରଣରୁ ସେୟାର ବଜାରରେ କାରବାର ବନ୍ଦ ଥିଲା । ସେହିପରି ବୁଧବାର ମଧ୍ୟ ସେୟାର ବଜାର ଅଭିବୃଦ୍ଧି ସହ ବନ୍ଦ ହୋଇଥିଲା ।
ବୁଧବାର ସକାଳେ ସେୟାର ବଜାରରେ ୪୦୫ ଅଙ୍କ ବୃଦ୍ଧି ପରିଲକ୍ଷିତ ହୋଇଥିଲା । କିନ୍ତୁ କାରବାର ବନ୍ଦ ବେଳକୁ ଏହା ୨୫୪ ଅଙ୍କ ହୋଇ ଯାଇଥିଲା ।
