AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡାରେ କ୍ରାଇମବ୍ରାଞ୍ଚ ତନାଘନା, ଗୁଳିମାଡ଼ ସ୍ଥାନରେ ମେଟାଲ ଡିଟେକ୍ଟର ଯାଞ୍ଚ
  • ||
  • କଟକ: ସବ ରେଜିଷ୍ଟ୍ରାର ଅଫିସରେ ଅଗ୍ନିକାଣ୍ଡ, ରେକର୍ଡ ରୁମ୍‌ରେ ଲାଗିଲା ନିଆଁ
  • ||
  • ଭୁବନେଶ୍ୱର: ଜେଲ୍‌ରେ ପରୀକ୍ଷା ଦେବେ ଅର୍ଚ୍ଚନା, ଅନୁମତି ଦେଇଥିଲେ କୋର୍ଟ
  • ||

ନିବେଶକଙ୍କ ବୁଡିଲା ୨.୧୭ ଲକ୍ଷ କୋଟି ଟଙ୍କା, ୪୫୦ ଅଙ୍କ ତଳକୁ ଖସିଲା ସେନସେକ୍ସ

6/01/2023 at 4:56 PM

ନୂଆଦିଲ୍ଲୀ: ଭାରତୀୟ ସେୟାର ବଜାର ଶୁକ୍ରବାର ଜାନୁଆରୀ ୬ରେ ଲଗାତାର ତୃତୀୟ ଦିନ ହ୍ରାସ ସହ ବନ୍ଦ ହୋଇଛି । ବିଏସଇର ୩୦ ସେୟାର ବିଶିଷ୍ଟ ସୂଚକାଙ୍କ ସେନସେକ୍ସ ୪୫୨.୯୦ ଅଙ୍କ ତଳକୁ ଖସି ୫୯,୯୦୦.୩୭ ସ୍ତରରେ ବନ୍ଦ ହୋଇଛି । ସେହିପରି ଏନଏସଇର ୫୦ ସେୟାର ବିଶିଷ୍ଟ ସୂଚକାଙ୍କ ନିଫ୍ଟୀ ୧୨୭.୯୫ ଅଙ୍କ ଖସି ୧୭,୮୬୪.୨୦ରେ ବନ୍ଦ ହୋଇଛି । ସବୁ ସେକ୍ଟରର ସୂଚକାଙ୍କ ଆଜି ଲାଲ ସଂକେତରେ ବନ୍ଦ ହୋଇଛି । ବିଏସଇର ମିଡକ୍ୟାପ୍ ଏବଂ ସ୍ମଲକ୍ୟାପ ସୂଚକାଙ୍କ ଯଥାକ୍ରମେ ୦.୭୨ ପ୍ରତିଶତ ଏବଂ ୦.୬୯ ପ୍ରତିଶତ ହ୍ରାସ ସହ ବନ୍ଦ ହୋଇଛି । ଏହି ହ୍ରାସ ଯୋଗୁଁ ସେୟାର ବଜାର ନିବେଶକ ଆଜି ପ୍ରାୟ ୨.୧୭ ଲକ୍ଷ କୋଟି ଟଙ୍କାର କ୍ଷତି ସହିଛନ୍ତି ।

ବିଏସଇରେ ସୂଚୀବଦ୍ଧ କମ୍ପାନିଗୁଡିକ ମୋଟ ବଜାର ପୁଞ୍ଜି ଶୁକ୍ରବାର ହ୍ରାସ ହୋଇ ୨୭୯.୭୮ ଲକ୍ଷ କୋଟି ଟଙ୍କା ହୋଇଛି । ପୂର୍ବ କାରବାର ଦିନରେ ଏହା ୨୮୧.୯୫ ଲକ୍ଷ କୋଟି ଟଙ୍କା ଥିଲା । ଏହିପରି ବିଏସଇର ମାର୍କେଟ୍ କ୍ୟାପରେ ଆଜି ପ୍ରାୟ ୨.୧୭ ଲକ୍ଷ କୋଟି ଟଙ୍କାର ବଡ଼ ହ୍ରାସ ଘଟିଛି ।

ସେନସେକ୍ସର ୩୦ ସେୟାର ମଧ୍ୟରୁ କେବଳ ୫ ସେୟାରେ ବୃଦ୍ଧି ଦେଖିବାକୁ ମିଳିଛି । ମହିନ୍ଦ୍ରା ଆଣ୍ଡ ମହିନ୍ଦ୍ରାର ସେୟାରରେ ସବୁଠୁ ଅଧିକ ୧.୦୭ ପ୍ରତିଶତର ବୃଦ୍ଧି ଦେଖିବାକୁ ମିଳିଛି । ଏହାପରେ ରିଲାଏନ୍ସ ଇଣ୍ଡଷ୍ଟ୍ରିଜ, ନେସଲେ ଇଣ୍ଡିଆ, ଆଇଟିସି ଏବଂ ଲର୍ସନ ଆଣ୍ଡ ଟୁବ୍ରୋ (ଏଲ ଆଣ୍ଡ ଟି)ର ସେୟାରରେ ସବୁଠୁ ଅଧିକ ବୃଦ୍ଧି ଘଟିଛି । ଏହା ପ୍ରାୟ ୦.୨୩ ପ୍ରତିଶତରୁ ୧.୦୧ ପ୍ରତିଶତ ବଢିଛି ।   

   Related Posts