ମହାକାଳପଡା ୦୩/୧୨: ବେଆଇନ ଜବରଦଖଲ ପଡ଼ିଲା ମହଙ୍ଗା। ହାଇକୋର୍ଟଙ୍କ ନିର୍ଦ୍ଦେଶରେ ଭାଙ୍ଗିଲା କୋଠା ଘର। ଗୋଚର ଜମିରେ ବହୁଦିନ ହେଲା ଜବର ଦଖଲ କରିଥିବା ନେଇ ହୋଇଥିଲା ଅଭିଯୋଗ। ଖାଲି ସେତିକି ନୁହେଁ ବରଂ ବ୍ୟବହୃତ  ଅପରିଷ୍କାର ପାଣିକୁ ମଧ୍ୟ ପାଖରେ ଥିବା ଶିବ ମନ୍ଦିର ପୋଖରୀରେ ଛାଡୁ଼ଥିଲେ। ଏପରି କାର୍ଯ୍ୟ କଳାପରେ  ଅତିଷ୍ଠ ହୋଇ  ଗ୍ରାମବାସୀ ମାନେ ବିଭାଗୀୟ ଅଧିକାରୀଙ୍କ ପାଖେ ମଧ୍ୟ ଅଭିଯୋଗ କରିଥିଲେ। ଶେଷରେ ମାମାଲା ଯାଇ ଉଚ୍ଚ ନ୍ୟାୟାଳୟରେ ପହଞ୍ଚିଥିଲା। ପରେ ହାଇରକୋର୍ଟଙ୍କ ନିର୍ଦ୍ଦେଶରେ ଅଭିଯୋଗ ହୋଇଥିବା ବ୍ୟକ୍ତିଙ୍କ ଘରକୁ ପ୍ରଶାସନ ପକ୍ଷରୁ ଭଙ୍ଗାଯାଇଛି। ଏପରି ଏକ ଘଟଣା କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଲକ  ବିଜୟନଗର ପଞ୍ଚାୟତର ଅମ୍ବିକାଦେଇପୁର ଶାସନ ଗାଁରେ ଦେଖିବାକୁ ମିଳିଛି। ଘଟଣାସ୍ଥଳରେ ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟି ଦେଇ ସ୍ଥାନୟ ପ୍ରଶାସନ ପକ୍ଷରୁ ବ୍ୟାପକ ପୋଲିସ ମୁତୟନ କରାଯାଇଛି।

{"id":716883,"width":529,"height":297,"sizeSlug":"large","linkDestination":"none"}

ଖବର ଅନୁସାରେ, ବହୁଦିନ ହେଲା ଗୋଚର ଜମିରେ ରହୁଥିବା ପୂର୍ବତନ ସରପଞ୍ଚ ସୋମନାଥ ତ୍ରିପାଠି, ତାଙ୍କ ଭାଇ ସୁଶା ତ୍ରୀପାଠି, ଶିକ୍ଷକ ମନ୍ମଥ ତ୍ରିପାଠିଙ୍କ ଘରକୁ ଜେସିବି ଲଗାଇ ଭଙ୍ଗା ଯାଇଛି। ସେହିପରି ଗୋଚର ଜମିରେ ଚାଳ ଘର କରି ରହୁଥିବା ଦିବ୍ୟାଙ୍ଗ ସରସ୍ଵତି ଦାସଙ୍କ ସହିତ ୯ଟି ପରିବାରକୁ ଉଚ୍ଛେଦ କରିଛି ମହାକାଳପଡା ପ୍ରଶାସନ। ଏନେଇ ବାସହରା ପରିବାରଙ୍କ ମଧ୍ୟରେ ମଧ୍ୟ ଅସନ୍ତୋଷ ପ୍ରକାଶ ପାଇଛି। ଏନେଇ ସ୍ଥାନୀୟ ତହସିଲଦାର କହିଛନ୍ତି, ହାଇର୍କୋଟଙ୍କ ନିର୍ଦ୍ଧଶରେ ବେଇଆନ ଭାବେ ରହୁଥିବା ୯ଟି ପରିବାରକୁ ସରକାରି ଜମିରୁ ହଟାଇବାକୁ ନିର୍ଦ୍ଦେଶ ଦିଆଯାଇଥିଲା। ତେଣୁ ଶନିବାର ସରକାର ଜମିକୁ ମୁକ୍ତ କରିଛନ୍ତି। ସରକାରଙ୍କ ନିୟମ ଅନୁସାରେ ସେମାନଙ୍କୁ ଅନ୍ୟଆଡ଼େ ଥଇଥାନ କରାଯିବ ବୋଲି ସେ  କହିଛନ୍ତି ।